Connect with us

ગુજરાત

સુરેન્દ્રનગરમાં અકસ્માત બાદ કારમાં આગ લાગતા 7 લોકો જીવતા ભૂંજાયા

Chintan Mistry

Published

on

ગુજરાતમાં અકસ્માતોની વણઝાર યથાવત જોવા મળી રહી છે. શનિવારે વહેલી સવારે સુરેન્દ્રનગર જિલ્લાના પાટડીના ખેરવા નજીક કાર અને ડમ્પર વચ્ચે ગમખ્વાર અકસ્માત સર્જાયો હતો. જેમાં  ડમ્પરે કારને અડફેટમાં લેતા કારમાં ભયાનક આગ લાગી. જેના પગલે કારમાં સવાર 7 લોકો કારમાં બળીને ભડતુ થતાં કરુણ મોત નિપજ્યા હતા.

જ્યારે એક મહિલાનો આબાદ બચાવ થયો છે. મળતી માહિતી મુજબ, અકસ્માતમાં મોત પામનાર તમામ મૃતકો નાઇ સમાજના અને પાટણ જિલ્લાના રાઘનપુર તાલુકાના નાનાપુરા ગામ અને સાંતલપુર તાલુકાના કોરડા ગામના રહેવાસી હોવાનું સામે આવ્યું છે. મોતને ભેટનાર તમામ લોકો એક જ પરિવારના હોવાની વિગત સામે આવી છે.

આ બનાવના પગલે સમગ્ર પંથકમાં ચકચાર મચી ગઈ છે જ્યારે મૃતકોના પરિજનોમાં શોકનુ મોજુ ફરી વળ્યુ છે. અકસ્માતના પગલે ધ્રાંગધ્રા ડીવાયએસપી સહિતનો કાફલો ઘટના સ્થળે પહોંચ્યો હતો. ઈકો કારમાં કુલ 8 લોકો સવાર હતા જે પૈકી સાત લોકો મોતને ભેટ્યા છે. મૃતકોમાં બે બાળકોનો પણ સમાવેશ થાય છે. જ્યારે અકસ્માતમાં આબાદ બચાવ થયેલ મહિલાને સારવાર માટે સુરેન્દ્રનગર ખસેડવામાં આવી છે. હાલ સમગ્ર અકસ્માત મામલે પોલીસે તપાસ પણ શરુ કરી દીધી છે

ગુજરાત

લગ્નનું આયોજન કરવા માંગતા લોકો માટે રાહતના સમાચાર

Chintan Mistry

Published

on

કોરોનાના કહેર વચ્ચે લગ્નનું આયોજન કરવા માંગતા લોકો માટે રાહતના સમાચાર છે. લગ્નના આયોજન માટે પોલીસની મંજૂરી લેવાના નિયમ અંગે સરકાર તરફથી સ્પષ્ટતા કરવામાં આવી છે. લગ્ન માટે અગાઉની ગાઈડલાઈન મુજબ આમંત્રિતોને કંકોત્રી આપ્યા બાદ હવે પરિવારો મુશ્કેલીમાં મૂકાયા છે.

ત્યારે આ મામલે પ્રદિપસિંહ જાડેજાએ સ્પષ્ટતા કરતાં જણાવ્યું હતું કે રાજ્યમાં લગ્ન સત્કાર સમારંભ કે અન્ય ઉજવણી કિસ્સામાં ખુલ્લા કે બંધ સ્થળમાં 50 ટકાથી વધુ નહિ પરંતુ 100થી વધુ નહિ તે પ્રકારની સૂચના અપાઈ છે. રાજ્યના ગૃહ મંત્રીએ જણાવ્યું કે, દિવસ દરમિયાન લગ્ન સમારંભ યોજવા માટે પોલીસની મંજૂરી લેવાની કોઈ જરૂરિયાત રહેતી નથી.

આ સાથે જ તેમણે ફરીથી એવી અપીલ કરી હતી કે લગ્ન સમારંભોમાં લોકો સોશિયલ ડિસ્ટન્સિંગ અને કોરોનાની ગાઇડલાઇનનું પાલન કરે તે ખૂબ જ જરૂરી છે. સાથે જ તેમણે જણાવ્યું કે, લગ્ન સમારંભો દરમિયાન બેન્ડવાજા કે વરઘોડો નહીં કાઢી શકાય. આ ઉપરાંત જે શહેરોમાં રાત્રિ કર્ફ્યૂ લાગૂ છે ત્યાં રાતના સમયે લગ્ન સમારંભનું આયોજન કરી શકાશે નહીં. આ ઉપરાંત લગ્નમાં સ્થળની ક્ષમતાના 50 ટકા અને વધુમાં વધુ 100 લોકો હાજર રહી શકશે.

Continue Reading

ગુજરાત

રાજકોટ આગની ઘટનાના પડઘા સુપ્રીમમાં પડ્યા, સુપ્રીમે ગુજરાત સરકારનો ઉધડો લીધો

Chintan Mistry

Published

on

રાજકોટમાં ગત મોડી રાત્રે હોસ્પિટલમાં લાગેલી આગની ઘટનાને લઈ ખળભળાટ મચ્યો છે. આ આગની ઘટનામાં 5 લોકો જીવતા ભૂંજાયા છે. ત્યારે રાજકોટ અગ્નિકાંડ મુદ્દે સર્વોચ્ચ અદાલતે રૂપાણી સરકારનો ઉધડો લીધો છે. સુપ્રીમ કોર્ટે આ મુદ્દે સરકાર પાસે જવાબ માંગ્યો છે અને સોલિસિટર જનરલને પણ આકરા સવાલો કર્યા છે.

ગુજરાતમાં અવારનવાર આગની ઘટનાઓના કારણે કોરોના વાયરસની સામે ઝઝૂમી રહેલા દર્દીઓ મોતને ભેટી રહ્યા છે. અમદાવાદની શ્રેય હોસ્પિટલમાં લાગેલ આગ બાદ પણ મોટા શહેરોની હોસ્પિટલમાં એ જ બેદરકારી કરવામાં આવી રહી છે. ત્યારે ગુજરાતમાં છેલ્લા 4 મહિનામાં કોવિડ હોસ્પિટલમાં આગ લાગવાની આ પાંચમી ઘટના છે. જેને લઈ સુપ્રીમ કોર્ટે ગુજરાત સરકારને ખખડાવી છે.

સર્વોચ્ચ અદાલતે રાજકોટની આ ઘટનાને સુઓમોટો તરીકે લીધી અને સરકારને ખખડાવીને જવાબ માંગ્યા. જસ્ટિસ ભુષણે પૂછ્યું કે આગ બુઝાવવા માટે હોસ્પિટલમાં કેમ કોઈ વ્યવસ્થા નથી? કોર્ટે એમ પણ કહ્યું કે આ ઘટના ખૂબ જ ગંભીર છે. કોર્ટે રૂપાણી સરકારનો ઉધડો લેતા કહ્યું કે ગુજરાતમાં આ પહેલી ઘટના નથી એટલે ગુજરાત સરકાર જવાબ આપે. કોર્ટે કહ્યું કે ઘટનામાં જે લોકો જવાબદાર છે તેની ધરપકડ થવી જોઈએ. સુપ્રીમકોર્ટે સોલિસિટર જનરલ તુષાર મહેતાને ગુજરાતની ઘટના વિશે આકરા સવાલો કર્યા જે બાદ SG મેહતાએ કોર્ટને હૈયાધારણ આપી કે તપાસનો રિપોર્ટ કોર્ટમાં રજૂ કરીશું.

Continue Reading

રાજકોટ

રાજકોટ હોસ્પિટલમાં અગ્નિકાંડમાં 5 લોકોના મોત, 3 દર્દીઓ બેડ પર જ જીવતા ભૂંજાયા

Chintan Mistry

Published

on

રાજ્યમાં વધુ એક હોસ્પિટલમાં આગ લાગવાની ચકચારી ઘટના સામે આવી છે. રાજકોટમાં આ ગોઝારી ઘટના બની છે. જ્યાં શહેરના આનંદ બંગલા ચોક નજીક ઉદય શિવાનંદ કોવિડ હોસ્પિટલમાં મોડી રાત્રે આગ લાગતા 5 લોકો જીવતા ભૂંજાયા છે. જ્યારે એક વ્યક્તિની હાલત ગંભીર છે જેને સારવાર અર્થે ખસેડાયો છે.

આ ખાનગી હોસ્પિટલમાં કુલ 33 કોરોનાના દર્દીઓ સારવાર લઈ રહ્યા હતા. બનાવની જાણ થતાં ફાયરબ્રિગેડની ટીમ તાત્કાલિક પહોંચી ગઈ હતી સાથે જ મનપા અધિકારીઓ પણ ઘટના સ્થળે પહોંચી ગયા હતા. આગની દુર્ઘટનામાં 5 લોકોના મોત થયા છે. જેમાંથી 3 દર્દીઓ તો બેડ પર જ જીવતા ભૂંજાયા હતા. હોસ્પિટલમાં સારવાર લઈ રહેલ અન્ય  26 દર્દીઓને બીજી હોસ્પિટલમાં ખસેડાયા છે.

બીજીબાજુ આ ઘટના સંદર્ભે રાજ્યના મુખ્યમંત્રી સહિત વડાપ્રધાન મોદીએ દુખ વ્યક્ત કર્યુ હતુ અને મૃતકોના પરિવારજનો પ્રત્યે પોતાની સંવેદના વ્યક્ત કરી હતી. જ્યારે આ ઘટના સંદર્ભે મુખ્યમંત્રી વિજય રુપાણી દ્વારા તપાસના આદેશો આપવામાં આવ્યા છે. આ મામલે નાયબ મુખ્યમંત્રી નીતિન પટેલે જણાવ્યું કે, હોસ્પિટલ પાસે ફાયર એનઓસી હતુ એટલે સેફ્ટીના સાધનોનો અભાવે દૂર્ઘટના થઈ હોય તેવુ નથી લાગતુ. યોગ્ય તપાસ બાદ ચોક્કસ દોષિતો સામે પગલા લેવાશે. તપાસ રિપોર્ટને આધારે કાર્યવાહી કરવામાં આવશે.

Continue Reading
ગુજરાત18 mins ago

લગ્નનું આયોજન કરવા માંગતા લોકો માટે રાહતના સમાચાર

બીઝનેસ3 hours ago

ક્યારે શોધાશે ભારતમાં ભ્રષ્ટાચારની વેક્સિન? એશિયામાં સૌથી ભ્રષ્ટ દેશ ભારત

ગુજરાત3 hours ago

રાજકોટ આગની ઘટનાના પડઘા સુપ્રીમમાં પડ્યા, સુપ્રીમે ગુજરાત સરકારનો ઉધડો લીધો

રાજકોટ6 hours ago

રાજકોટ હોસ્પિટલમાં અગ્નિકાંડમાં 5 લોકોના મોત, 3 દર્દીઓ બેડ પર જ જીવતા ભૂંજાયા

ગુજરાત7 hours ago

દેશભરમાં કોરોનાના કેસમાં મોટો ગોટાળો, ગુજરાતમાં 2 લાખ કેસની નોંધણી જ નહીં?

અમદાવાદ22 hours ago

ગુજરાતના મહાન ગણિતશાસ્ત્રી અરૂણ વૈદ્યનું 85 વર્ષે નિધન

ગાંધીનગર22 hours ago

ગાંધીનગરમાં એક જ એમ્બ્યુલન્સમાં કોરોના દર્દીઓના ચાર મૃતદેહ લઈ જવાતા ખળભળાટ

નેશનલ22 hours ago

તો આ રાજ્યમાં લાગુ થઈ શકે છે રાત્રિ કર્ફ્યૂ

વર્લ્ડ4 weeks ago

તો પાકિસ્તાનનું સંચાલન કરે છે આ ખૂબસુરત મહિલા…ઈમરાન ખાન પણ એના ઈશારા પર નાચે છે..

વાયરલ4 weeks ago

ખરેખર નદી પાર કરી રહેલ આ 50 ફૂટ લાંબો એનાકોન્ડા છે કે પછી બીજું કંઈ?

વર્લ્ડ4 weeks ago

સાઉદી અરબ : મક્કામાં મોટી મસ્જિદમાં અજાણ્યા શખ્સે ઘુસાડી દીધી કાર…વિડિયો થયો વાયરલ

ગુજરાત3 weeks ago

ક્યાં છે રોજગાર? સિદ્ધપુરમાં શિક્ષિત યુવકનો રોજગાર ન મળતા આપઘાત

ધર્મદર્શન4 weeks ago

પર્વતરાજ ગિરનાર પછી પર્વતની રાણી મસુરી ખાતે મોરારીબાપુની રામકથા

વર્લ્ડ4 weeks ago

પયગંબર કાર્ટૂન વિવાદ : ઈસ્લામને લઈ ફરી ફ્રાંસના રાષ્ટ્રપતિએ આપ્યું મોટું નિવેદન

વર્લ્ડ4 weeks ago

કોરોના વકરતા ફ્રાંસ બાદ વધુ એક દેશમાં લોકડાઉન 2 લાગુ કરાયું

અમદાવાદ3 weeks ago

ગુજરાત સરકારે CNG વાહન ચાલકોને આપી મોટી રાહત

Trending

Copyright © 2019 - 2020 The Squirrel.