આખરે પોલીસે ગુજરાત હાઈકોર્ટની ટકોર બાદ ભાજપ નેતા કે જેમણે પોતાની પૌત્રીની સગાઈમાં ભીડ એકત્રિત કરી કોવિડ 19ની ગાઈડલાઈનના નિયમોનું ઉલ્લંઘન કર્યુ હતું તેમની ધરપકડ કરી છે.

તાપીમાં પૌત્રીની સગાઈમાં ભીડ ભેગી થવાને લઈને પોલીસે પૂર્વ મંત્રી કાંતિ ગામિતની ધરપકડ કરી છે. કલમ 308 હેઠળ ભાજપ નેતાની ધરપકડ કરવામાં આવી છે. પોલીસની મોટી કાર્યવાહી અન્ય નેતાઓ અને ધારાસભ્યો માટે પણ ચેતવણી સમાન છે. તાપીમાં પૌત્રીની સગાઇમાં 6000 લોકોની ભીડ ભેગી કરવા મામલે ગુજરાત હાઇકોર્ટની ટકોર બાદ આ કાર્યવાહી કરવામાં આવી છે.

મહત્વનું છે કે, ભાજપના પૂર્વ મંત્રી કાંતિ ગામિતની પૌત્રીની સગાઇ મામલે કાંતિ ગામિત સહિત 18 સામે ફરિયાદ નોંધાઇ છે. હાલ પોલીસ દ્વારા 308 હેઠળ કાંતિ ગામિતની ધરપકડ કરાઇ છે. આ મામલે સુરત ગ્રામ્ય SP ઉષા રાડાને ઘટનાની વધુ તપાસ સોંપાઈ છે. સાથે જ 7 દિવસમાં રિપોર્ટ આપવા આદેશ કરાયા છે. બીજીબાજુ આ સગાઈ કાર્યક્રમમાં જેટલા પોલીસકર્મી હાજર હતા તે તમામને સસ્પેન્ડ કરાયા છે.

આખા ગુજરાતમાં કોરોના મહામારીએ હાહાકાર મચાવ્યો છે ત્યારે સરકાર અને પોલીસ પણ એક્શનમાં આવી ગઇ છે અને લોકોને કોરોના માહામારીમાં ગાઇડલાઇનનું ચુસ્તપણે પાલન કરવા અપીલ કરી રહી છે. જો કોઇ વ્યક્તિ માસ્ક વગર જાહેરમાં જોવા મળે તો તેને દંડ પણ ફટકારવામાં આવે છે. જોકે સરકારના જ નેતાઓ દ્વારા તેમજ તેમના પરિવારના સભ્યો દ્વારા નિયમોનું પાલન કરવામાં આવી રહ્યુ નથી.

ભાજપના ઘણા નેતાઓના રેલીઓમાં જનમેદની ઉમટી હોય તેમજ ગરબા ઘુમ્યા હોય તેવા ઘણા વીડિયો સામે આવી ચુક્યા છે. ત્યારે ભાજપ એમએલએની પૌત્રીની સગાઈમાં હજારો લોકો ઉમટ્યા હોવાનો વીડિયો વાયરલ થયો છે. તાપી જિલ્લાના ભાજપના ધારાસભ્ય કાંતિ ગામિતની પૌત્રીના લગ્નમાં કોરોના ગાઇડલાઇનના ધજાગરા ઉડ્યા હતા. એકબાજુ રાજ્ય સરકારે લગ્ન સમારોહ જેવા કાર્યક્રમોમાં મહેમાનોની સંખ્યા મર્યાદીત કરી છે.

ત્યારે કાંતિ ગામિતની પૌત્રીના સગાઈ કાર્યક્રમમાં 5000થી વધુ લોકો સામેલ થયા હતા. એટલુ જ નહીં સગાઈ સમારોહમાં હાજર મોટાભાગના લોકો માસ્ક પહેર્યા વગર ડીજેના તાલે ઝુમતા નજરે પડ્યા હતા. જેનો વીડિયો વાયરલ થયો છે. હવે સવાલ એ છે કે સરકાર આ મામલે કેવા પ્રકારના પગલા લે છે.

ધારાસભ્ય શ્રી ની દિકરીના લગ્નમાં મોજ-મસ્તી ને ધાંધલ ધમાલ,
અને આપણા માટે નિતી નિયમો.. 😂 pic.twitter.com/Et8hM4GBnt

— Nayan Patel 🇮🇳 (@nayanpatel_tv) December 1, 2020

તાપીના સોનગઢના પોખરણ ગામે મંગળવારે ગોઝારો ત્રિપલ અકસ્માતની ઘટના સર્જાઈ હતી. એસટી બસ, ટ્રક અને જીપ વચ્ચે થયેલાં આ જીવલેણ અકસ્માતમાં અંદાજે 8 લોકોનાં મોત નિપજ્યા છે. જ્યારે 15થી વધુ લોકોને ઈજાઓ પહોંચી હતી. અકસ્માતને કારણે હાઈવે ઉપર ટ્રાફિક જામનાં દ્રશ્યો સર્જાયા હતા.

તો આ ગંભીર અકસ્માતને પગલે સ્થાનિકો દોડી આવ્યા હતા. અને અન્ય ઈજાગ્રસ્તોને બચાવવાની કામગીરી શરૂ કરી હતી. મળતી માહિતી મુજબ રાજ્યમાં દરરોજ અકસ્માતોની ઘટના સામે આવે છે. જેમાં કેટલાક ગંભીર અકસ્માતો નોંધાતા હોય છે. ત્યારે દક્ષિણ ગુજરાતમાં પણ એક મોટો અકસ્માત સર્જાયો છે.સોનગઢના પોખરણ નજીક નેશનલ હાઈવે નંબર 56 ઉપર અકસ્માત સર્જાયો હતો.

અકસ્મતાની ગંભીરતા તમે એ વાતથી સમજી શકો કે, ટેન્કર સાથે અથડાતાં જ એસટી બસની ડ્રાઈવર સાઈડનો અડધા ઉપરનો ભાગ ટેન્કરની અંદર ધુસી ગયો હતો. આ એસટી બસ કુશલગઢથી ઉકાઈ તરફ જતી હતી. જ્યારે પૂરપાટ ઝડપે જતી જીપનો પણ ખુડદો બોલી ગયો હતો. અને જીપમાં સવાર લોકોનાં પણ મોત નિપજયા હતા.

આ દુર્ઘટનામાં 8 લોકોના મોત નીપજ્યા છે જ્યારે 15થી વધુ ઈજાગ્રસ્ત થઈ હતી. ત્યારે આ ઇજાગ્રસ્તોને સારવાર અર્થે હોસ્પિટલ ખસેડાયા છે.