Connect with us

ગુજરાત

ગુજરાત: એક સમયે જ્યાં પીવાના પાણીના ફાંફા હતા ત્યાં અત્યારે 11 કિમીમાં 800 કરોડ લિટર પાણીનો સંગ્રહ

Published

on

હીરાના જાણીતા ઉદ્યોગપતિ સવજીભાઈ ધોળકીયાને કોણ ન ઓળખતું હોય ! તેઓ તેમના હીરાના વ્યવસાય માટે જેટલા જાણીતા છે તેના કરતાં વધારે તેમનાં સેવા કાર્યોના કારણે વધારે લોકપ્રિય છે. પોતાના ત્યાં કામ કરતા કારીગરો અને તેમના પરિવારોનું ધ્યાન રાખવાની સાથે-સાથે પોતાના વતન માટે પણ અદભૂત અને અવર્ણનિય સેવાકાર્યો કર્યાં છે. આવા જ એક અદભુત કાર્યની વાત કરી રહ્યા છીએ આજે અમે, જેનો ફાયદો મળ્યો છે, 20 ગામડાંને 2008 માં સૌરાષ્ટ્રમાં ભીષણ દુષ્કાળ પડેલ. આ સમયે જળધારા ગૃપ લોકોની મદદે આવ્યું હતું. આ સમયે અમરેલી જિલ્લાના લાઠી તાલુકાના દુધાળા ગામમાં, જળધારા ગૄપ સાથે મળીને ધોળકીયા ફાઉન્ડેશને એક કરોડ રૂપિયાની મદદથી ગામમાં તળાવ બનાવ્યું. પહેલાં માત્ર વરસાદ પર નિર્ભર ખેડૂતોને હવે તળાવનું પાણી પણ મળવા લાગ્યું. જેથી અહીં કપાસની ખેતી કરી રહેલ ખેડૂતોના ઉત્પાદનમાં ચાર ઘણો વધારો થયો. લાઠી, અકાળા અને દૂધાળા, ત્રણ ગામના સંગમ વચ્ચે રહેલ મોટી જગ્યાનો સદઉપયોગ કરવાનું નક્કી કરવામાં આવ્યું.

આ ત્રણ ગામની વચ્ચે ખારો પાટ હતો. જે એકદમ વેરાન જમીન હતી અને અહીં માત્ર બાવળ જ ઊગતા હતા. અહીં જ્યારે વરસાદ સારો થાય ત્યારે 40 ફૂટનું નદીનું વહેણ વહે અને બાકીના સમયે સૂકાઈ જાય. આ વહેણ આગળ જતાં પાલીતાણામાં શેત્રુજય નદીમાં મળે. જેની ઊંડાઈ માત્ર 2 ફૂટ હતી. જેની પહોળાઈ 40 ફૂટથી વધારીને 200 ફૂટ કરી અને ઊંડાથી 12 થી 30 ફૂટ કરવામાં આવી. જેમાંથી સાડા ત્રણ લાખ કરતાં વધારે ટ્રક માટી કાઢવામાં આવી. આ માટીનો પણ કોઈ વિચારી પણ ન શકે એવો સદઉપયોગ કરવામાં આવ્યો. જેમાં વન વિભાગની મદદથી 100000 કરતાં વધારે દેશી કુળનાં વૃક્ષો વાવવામાં આવ્યાં તો તેમાંથી જે ચીકણી માટી નીકળી, જે ખેતી લાયક નહોંતી, તેમાંથી માનવસર્જિત પર્વતો બનાવવામાં આવ્યા. જેના પર 40-50 ફૂટની મૂર્તીઓ મૂકી. જેથી આસપાસથી આવતા લોકો અહીં ફરવા આવે. જ્યાં લોકો પાણી માટે વલખાં મારતાં હતાં એ વિસ્તારમાં જ્યારે પહેલીવાર આટલું પાણી ભરાયું ત્યારે લગભગ 50 હજાર લોકોનું મહેરામણ ઊભરાયું હતું. જીવનમાં પહેલીવાર આટલું પાણી જોતાં આસપાસનાં ગામડાંના લોકોની આંખો પણ અશ્રુભીની થઈ ગઈ હતી. અત્યારે તો અહીં આસપાસના ખેડૂતોની આવકમાં વધારો થયો જ છે, સાથે-સાથે તેમના દ્વારા વાવેલ આ વૃક્ષો મોટાં થતાં, એક સમયે વેરાન ગણાતો આ વિસ્તાર વધારે હરિયાળો બનશે. વૃક્ષો વધતાં, વરસાદ પણ વધશે અને વાતાવરણમાં ઓક્સિજનનું સ્તર પણ. સાથે-સાથે ગરમી પણ ઘટશે. તો ઘણા લોકોને રોજી-રોટી રળવામાં બહુ મદદરૂપ રહ્યો છે

Continue Reading
Advertisement
Click to comment

Leave a Reply

Your email address will not be published. Required fields are marked *

ગુજરાત

વિદેશમાં પણ જોવા મળી વેલિયન્ટ ક્રિકેટરની ફેન ફોલોઈંગ, નેપાળના પોખરામાં વિપુલ નારીગરાના ચાહકોએ સેલ્ફી અને ઓટોગ્રાફ માટે પડાપડી કરી

Published

on

વેલિયન્ટ ક્રિકેટર વિપુલ નારીગરાની દેશમાં જ નહિ વિદેશમાં પણ લોક ચાહના વધવા લાગી છે, ભારતની અપ્રતિમ વેલિયન્ટ ક્રિકેટ ટીમ તરફથી રમતા વિપુલ નારીગરા ક્રિકેટની સાથે સાથે ભારતની એક જાણીતી વ્યક્તિ પણ બની ગઈ છે. મૂળ અમરેલી જિલ્લાના રાજુલાના ડુંગરમાં જન્મેલા વિપુલ નારીગરાની ફેન ફોલોઈંગ હવે દેશની બહાર પણ જોવા મળી રહી છે. 2017માં ક્લબ ક્રિકેટમાં 10મી વિકેટ માટે સર્વોચ્ચ વિશ્વ રેકોર્ડ ભાગીદારી કરનાર વિપુલએ 2017માં નેપાળના પોખરામાં એક યાદગાર ઇનિંગ્સ રમી હતી. જે ઇનિંગ હતી 10 વિકેટ સાથેની વર્લ્ડ રેકોર્ડ પાર્ટનરશીપની. એ ઇનિંગ જે તે સમયે આખા નેપાળ અને એશિયા જ નહીં પણ આખા ક્રિકેટ વર્લ્ડમાં ચર્ચાનો વિષય બની હતી. સોશિયલ મીડિયામાં પણ વિપુલ નારીગરાના મોટી સંખ્યામાં ચાહકવર્ગ છે.


તેમના બધા જ સોશિયલ મીડિયા એકાઉન્ટ સેલિબ્રિટી ટિક સાથે વેરિફાઈડ છે. તેમના ચાહકો અવાર નવાર વિપુલ વિશે પોસ્ટ કરતા હોય છે. પણ આ વખતે તેમની દેશમાં નહીં વિદેશમાં આવી લોકપ્રિયતા જોવા મળી છે. હાલમાં ચાલી રહેલ સ્ટાર ડેસ્ક 10માં વેલિયન્ટ ટીમ વતી નેપાળના પોખરામાં વિપુલ નારીગરા ગયા હતા. જ્યાં નેપાળના અલગ અલગ શહેરોથી આવેલા ફેન્સ ટીમ , ત્યા નેપાળ ના અલગ અલગ શહેરો થી આવેલા ફેન્સ ટીમ હોટેલ ખાતે પહોંચ્યા હતા અને વિપુલ સાથે ફોટા અને વીડીયો લીધા હતા. આ વીડિયો હાલ સોશિયલ મીડિયામાં ખૂબ જ વાયરલ થઈ રહ્યા છે. વીડિયોમાં જોઈ શકાય છે કે, ટી-શર્ટ પર વિપુલના ઓટોગ્રાફ લઈને એક મહિલા ચાહકની ખુશીનો પાર ના રહ્યો

Continue Reading

સુરત

સુરત- અઢી વર્ષની બાળકી સાથે દુષ્કર્મ આચારનારને સજા

Published

on

સુરતના પાંડેસરાની અઢી વર્ષની બાળકી સાથે દુષ્કર્મ કરી હત્યા મામલે આરોપી ગુડ્ડુ યાદવને સેશન્સ કોર્ટે ફાંસીની સજા ફટકારી છે. ગુજરાતના ઈતિહાસનો સૌથી ઝડપી ચુકાદો છે. કોર્ટે માત્ર 29 દિવસમાં ફાંસીની સજા ફટકારી છે. સુરતના પાંડેસરાની અઢી વર્ષની બાળકી સાથે દુષ્કર્મ કરી હત્યા કરવાના કેસમાં દોષિત ઠેરવાયેલા ગુડ્ડુ યાદવને સેશન્સ કોર્ટે ફાંસીની સજા ફટકારી છે. સરકારી વકીલ નયન સુખડવાલા મુજબ, આ ગુજરાતના ઈતિહાસનો સૌથી ઝડપી ચુકાદો છે. કોર્ટે માત્ર 29 દિવસમાં ફાંસીની સજા ફટકારી છે.

તેમાં પણ અઢી વર્ષની બાળકી પર દુષ્કર્મ કરવાના કેસમાં ઈતિહાસમાં ક્યારેય આટલો ઝડપી ચુકાદો આવ્યો નથી. આ પહેલા પોલીસે આરોપીની ધરપકડ કરી 8 દિવસમાં ચાર્જશીટ રજૂ કરી હતી. જેમાં 7 દિવસમાં ટ્રાયલ પૂર્ણ કરાઇ હતી. સોમવારે આરોપી આ કેસમાં તકસીરવાર ઠેરવાયો હતો. જેમાં આજે કોર્ટે ચુકાદો આપતાં ફાંસીની સજા જાહેર કરી હતી.સાથે જ બાળકીના પરિવારને 20 લાખની સરકારી વળતર ચુકવવા હુકમ કરવામાં આવ્યો છે.

Continue Reading

ગુજરાત

ભારત-તમિલનાડુના કન્નૂરના જંગલમાં સેનાનું હેલિકોપ્ટર ક્રેશ થયું

Published

on

તમિલનાડુના કન્નૂરના જંગલમાં સેનાનું MI-17 હેલિકોપ્ટર ક્રેશ થઈ ગયું છે. આ દૂર્ઘટના પછી હેલિકોપ્ટરમાં આગ લાગી ગઈ હતી, જેમા દેશના પ્રથમ ચીફ ઓફ ડિફેન્સ સ્ટાફજનરલ બિપિન રાવત, તેના પત્ની મધુલિકા સહિત 14 અધિકારીઓ સવાર હતા. ખરાબ રીતે સળગી ગયેલી હાલતમાં 4 મૃતદેહો મળ્યા છે. રાવતને હોસ્પિટલ લઈ જવાયા છે. તેમની સ્થિતિ અંગે હજુ કોઈ સત્તાવાર જાણકારી બહાર આવી નથી. દુર્ઘટનાની જે તસવીરો સામે આવી છે, તેમાં હેલિકોપ્ટર સંપૂર્ણ રીતે ક્ષતિગ્રસ્ત દેખાઈ રહ્યું છે અને તેમાં આગ લાગી છે.

જનરલ બિપિન રાવત 31 ડિસેમ્બર 2016થી 31 ડિસેમ્બર 2019 સુધી સેનાના પ્રમુખ પદ રહ્યાં. તેમને 1 જાન્યુઆરી 2020ના રોજ ચીફ ઓફ ડિફેન્સ સ્ટાફની જવાબદારી મળી છે. ન્યૂઝ એજન્સી ANI મુજબ હેલિકોપ્ટર સુલૂર એરબેઝથી વેલિંગ્ટન જઈ રહ્યું હતું. તેમા 14 ટોચના અધકારીઓ સવાર હતા. ઘટનાસ્થળે ડોક્ટરોની ટીમ સાથે સેનાના અધિકારીઓ પણ પહોંચી ગયા છે. 2 મૃતદેહો મળી આવ્યા છે. જે 80% સળગી ગયા છે. તેની ઓળખ કરાઈ રહી છે. અમુક મૃતદેહો પહાડ પરથી નીચે દેખાઈ રહ્યા છે. 1. જનરલ બિપિન રાવત 2. મધુલિકા રાવત 3. બ્રિગેડિયર એલએસ લિદ્દર 4. લે.ક.હરજિંદર સિંહ 5. નાયક ગુરુસેવક સિંહ 6. નાયક.જીતેન્દ્ર કુમાર 7. લાન્સ નાયક વિવેક કુમાર 8. લાન્સ નાયક બી.સાઈ તેજા 9. હવાલદાર સતપાલ દુર્ઘટના ગ્રસ્ત હેલિકોપ્ટરમાં સવાર હતા.

Continue Reading
ગુજરાત4 weeks ago

ભારત-કંગનાના નિવેદન પર અનેક રાજકીય આગેવાનોએ પ્રતિભાવો આપ્યા

ગુજરાત2 weeks ago

ગુજરાત-સરકારી ભરતી માટે તૈયારી કરતાં ઉમેદવારો

ગુજરાત4 weeks ago

ભારત-વિશ્વની 6 મોટી કંપનીઓની જાહેરાત-2040થી પેટ્રોલ, ડીઝલની ગાડી નહીં બનાવે

ગુજરાત2 weeks ago

ગુજરાત-દેશમાં સૌપ્રથમ ગુજરાતમાં એર એમ્બ્યુલન્સ સેવા શરૂ થશે

ગુજરાત4 weeks ago

ગુજરાત-દ્વારકાના સલાયામાં બે શખ્સોનાં ઘરમાંથી 46 કિલો ડ્રગ્સ ઝડપાયું

ગુજરાત2 weeks ago

ગુજરાત-રાજયમાં 4.55 કરોડને પહેલો, 3.24 કરોડને બન્ને ડોઝ આપી દેવાયા

ગુજરાત4 weeks ago

ગુજરાત-દિવાળીની રજાઓ બાદ રાજ્યમાં કોરોનાના 42 નવા કેસ નોંધાયા

ગુજરાત2 weeks ago

ભારત-આજે કેન્દ્રીય કેબિનેટની બેઠકમાં કૃષિ કાયદા પરત લેવાશે

Trending