ભારતે વિશ્વને એકથી એક ક્રિકેટર આપ્યા છે. ઘણાએ ઇતિહાસમાં પોતાનું નામ નોંધાવ્યું છે અને કેટલાક હજી પણ તેમની સિદ્ધિઓ નોંધી રહ્યા છે. જો કે, એસ એવો પ્રતિભાશાળી ક્રિકેટર છે જેને તેની કારકિર્દીમાં આજ સુધી માત્ર 3 આંતરરાષ્ટ્રીય મેચ રમવાની તક મળી છે. રોહિત શર્માએ તેને ક્યારેય તક આપી નથી.
જે ખેલાડીનો ઉલ્લેખ કરવામાં આવી રહ્યો છે તે અન્ય કોઈ નહીં પણ મનદીપ સિંહ છે, જે પંજાબ તરફથી રમે છે. મનદીપે તેની કારકિર્દીમાં માત્ર 3 મેચમાં ભારતનું પ્રતિનિધિત્વ કર્યું છે. તે હાલમાં જ IPL-2023માં રમ્યો હતો પરંતુ કંઈ ખાસ પ્રદર્શન કરી શક્યો નહોતો. તેને નોર્થ ઝોનની ટીમનો કેપ્ટન પણ બનાવવામાં આવ્યો છે પરંતુ સિનિયર ટીમમાં વાપસી હવે અશક્ય લાગી રહી છે. મનદીપે અંડર-19 વર્લ્ડ કપ-2010માં ભારતીય ટીમની વાઇસ કેપ્ટન્સી સંભાળી છે.
31 વર્ષીય મનદીપે ભારત માટે માત્ર 3 મેચ રમી છે. અનુભવી મહેન્દ્ર સિંહ ધોનીની કપ્તાની હેઠળ તેને આંતરરાષ્ટ્રીય ક્રિકેટમાં પદાર્પણ કરવાની તક મળી. આ જમણા હાથના બેટ્સમેને 2016માં ડેબ્યૂ કર્યું હતું પરંતુ 3 T20 મેચ રમ્યા બાદ તેને ક્યારેય તક મળી નથી. આ દરમિયાન તેણે અડધી સદીની મદદથી 87 રન બનાવ્યા હતા.
મનદીપ સિંહે ફર્સ્ટ ક્લાસ ક્રિકેટમાં 92 મેચોમાં 6232 રન બનાવ્યા છે, જેમાં 15 સદી અને 33 અડધી સદી સામેલ છે. આ દરમિયાન તેનો સર્વોચ્ચ સ્કોર 235 રન રહ્યો છે. તેની એકંદર T20 ક્રિકેટ કારકિર્દીમાં 18 અડધી સદીના કારણે કુલ 3738 રન નોંધાયા છે.
