Connect with us

બીઝનેસ

NDSDL પેમેન્ટ્સ બેન્કે ગ્રાહકોને જરૂરિયાત અનુસારના વીમા ઉકેલો ઓફર કરવા માટે HDFC અર્ગો સાથે હાથ મિલાવ્યા

Chintan Mistry

Published

on

ભારતની ખાનગી ક્ષેત્રની અગ્રણી જનરલ ઇન્સ્યોરન્સ કંપની એચડીએફસી અર્ગો અને નેશનલ સિક્યુટિરીટીઝ ડિપોઝીટરી લિમીટેડ (એનએસડીએલ)ની પેટાકંપની એનએસડીએલ પેમેન્ટ્સ બેન્ક લિમીટેડે બેન્કના ગ્રાહકોને જનરલ ઇન્સ્યોરન્સ પ્રોડક્ટ્સની સમગ્ર રેન્જ ઓફર કરવા માટે ભાગીદારી કરી હોવાની જાહેરાત કરી છે. આ ભાગીદારીનો હેતુ એનએસડીએલ પેમેન્ટ્સ બેન્કના ઊંડી વિતરણ નેટવર્ક અને એચડીએફસી અર્ગોની મજબૂત સંશોધન પાઇપલાઇનને એકસાથે લાવવાનો છે જેથી દેશમાં નાણાંકીય સમાવેશીતા તરફે યોગદાન આપી શકાય.
ભારતમાં હજુ પણ વીમાનો લાભ લેનારાઓની સંખ્યા ઓછી છે, પરંતુ પ્રવર્તમાન મહામારીએ ખાસ કરીને આરોગ્ય વીમામાં તેની જરૂરિયાતને વેગ આપ્યો છે. આ ભાગીદારી એનએસડીએલ પેમેન્ટ્સ બેન્કના ગ્રાહકોને એક જ છત્ર હેઠળ વ્યાપક રક્ષણ ઉકેલ પૂરો પાડશે અને સંપૂર્ણ નાણાંકીય સલામતીની ખાતરી કરશે, તે રીતે તેમના ગ્રાહકો માટે એક આશિર્વાદસમાન બનાવશે. તેમજ ગ્રાહકો એનએસડીએલ પેમેન્ટ બેન્ક અને એચડીએફસી અર્ગો દ્વારા ઓફર કરવામાં આવતી અદ્યતન ડીજીટલ ક્ષમતાઓના લાભો સેલ્ફ-સર્વિસ અને સહાયક ચેનલ્સ મારફતે મેળવી શકશે અને તે રીતે તમામ પ્રકારની બેન્કિંગ અને નાણાંકીય સેવાઓ માટે વન સ્ટોપ શોપની રચના કરશે.

 


એચડીએફસી અર્ગો જનરલ ઇન્સ્યોરન્સના બેન્કએશ્યોરન્સના પ્રેસિડન્ટ શ્રી અંકુર બાહોરેએ જણાવ્યું હતુ કે, “અમે એનએસડીએલ પેમેન્ટ્સ બેન્ક સાથે જોડાણ કરતા અને તેમના ગ્રાહકોને આરોગ્ય વીમા કવર્સની વિશાળ શ્રેણી મેળવવામાં મદદ કરતા ખુશી અનુભવીએ છીએ. અંતરાયમુક્ત ડિજીટલ સેલ્સ પ્લેટફોર્મ બેન્કના ગ્રાહકોને સરળ ખરીદી અનુભવ પૂરો પાડશે તેનો અમને આત્મવિશ્વાસ છે. આ ભાગીદારી મારફતે એચડીએફસી અર્ગો ગ્રાહકો સુધી પહોંચવાની અને અમારી પ્રોડક્ટ્સને સમાજના દરેક શક્ય સમુદાયને ઉપલબ્ધ બનાવવાની અમારી પ્રતિબદ્ધતાને ફરી એક વખત વેગ આપે છે.”


આ ભાગીદારી પર બોલતા એનએસડીએલ પેમેન્ટ્સ બેન્કના સીઇઓ શ્રી આશુતોષ સિંઘે જણાવ્યું હતુ કે, “જે તે વ્યક્તિના આરોગ્યમાં રોકાણ કરવું તે હંમેશા અગત્યનુ છે પરંતુ છેલ્લા 6 મહિનામાં આ પ્રતીતી ઘણી વ્યાપક બની છે. એચડીએફસી અર્ગો સાથેની અમારી ભાગીદારી અમને ઉમદા આરોગ્ય અને સંપત્તિ પ્લાન્સની અગત્યતા પર ભાર મુકવાની સાથે અમારા ગ્રાહકો માટે એક વિસ્તૃત પ્રોડક્ટ પોર્ટફોલિયો ઓફર કરવાની દિશામાં આગળ વધવામાં સહાય કરશે. વધુમાં અમારો 75% વર્ગ 30 વર્ષથી નીચેનો હોવાથી અમે તેમને નાની ઉમરે જ યોગ્ય ફાળવણી વ્યૂહરચના રજૂ કરતા ખુશ છીએ. તે હેતુસર અમારી એચડીએફસી અર્ગો સાથેની ભાગીદારી અનેકગણું મહત્ત્વ ધરાવે છે અને અમારા ગ્રાહકોને સંપૂર્ણ ઉકેલો ઓફર કરવા માટેની અમારી સતત યાત્રામાં એક અગત્યની સિદ્ધિ છે.’
આ ભાગીદારી વધુમાં એચડીએફસી અર્ગોને એનએસડીએલ પેમેન્ટ્સ બેન્કના વ્યાપક ગ્રાહક વર્ગ મારફતે લોકો સુધી વીમા અંગેની સતર્કતા પેદા કરવામાં મદદ કરશે. ડિજીટલ-ફર્સ્ટ પેમેન્ટ બેન્ક એનએસડીએલ પેમેન્ટ્સ બેન્ક તેની મોબાઇલ બેન્કિંગ એપ્લીકેશન એનએસડીએસલ જિફ્ફી મારફતે પોસાય તેવા અને જરૂરિયાત અનુસારના વીમા ઉકેલો ઓફર કરશે.

બજેટ 2021

બજેટ 2021 : 20થી વધુ પ્રોડક્ટ્સની કસ્ટમ ડ્યૂટીમાં મૂકાશે કાપ

Chintan Mistry

Published

on

કેન્દ્રની મોદી સરકાર દ્વારા આગામી સપ્તાહે રજૂ કરવામાં આવનાર સામાન્ય બજેટમાં અનેક વસ્તુઓ પર કસ્ટમ ડ્યૂટીમાં ઘટાડો કરી શકે છે. જેમાં ફર્નીચરનો કાચો માલ, તાંબા ભંગાર, કેટલાક રસાયણો, દૂરસંચાર ઉપકરણ અને રબર પ્રોડક્સ્ સામેલ છે.

સૂત્રોના જણાવ્યા મુજબ, પોલીશ કરવામાં આવેલા હીરા, રબરનો સામાન, ચામડાના કપડા, દૂરસંચાર ઉપકરણ અને રજાઈ જેવી 20થી વધુ પ્રોડક્ટ્સ પર કસ્ટમ ડ્યૂટીમાં કાપ મૂકવામાં આવી શકે છે. આ ઉપરાંત ફર્નીચર બનાવવામાં ઉપયોગમાં લેવામાં આવતી રંગ્યા વગરની લાકડીઓ અને હાર્ડબોર્ડ પર કસ્ટમ ડ્યૂટી બિલકુલ ખતમ કરવામાં આવી શકે છે.

આંતરરાષ્ટ્રીય બજારમાં મોંઘો કાચા માલ ભારતની કિંમત પ્રતિસ્પર્ધાને પ્રભાવિત કરે છે. દેશની ફર્નીચરની નિકાસ લગભગ એક ટકા છે જે ખૂબ ઓછી છે, જ્યારે ચીન અને વિયતનામ જેવા દેશ આ ક્ષેત્રના મુખ્ય નિકાસકાર છે. એવા પણ અહેવાલ સામે આવ્યા છે કે બજેટમાં સરકાર કોલતાર અને તાંબા સ્ક્રેપ ઉપર પણ કસ્ટમ ડ્યૂટીને ઓછી કરવાનો વિચાર કરી શકે છે.

Continue Reading

નેશનલ

ઈલેક્ટ્રોનિક સામાન ખરીદવો હોય તો ખરીદી લેજો….વધી શકે છે ટૂંક સમયમાં જ ભાવ

Chintan Mistry

Published

on

આગામી બજેટમાં કેન્દ્ર સરકાર સ્માર્ટફોન, ઇલેક્ટ્રોનિક કમ્પોનેન્ટ અને અપ્લાયંસેસ સહિત લગભગ 50 આઇટમ્સ પર 5-10 ટકા ઇમ્પોર્ટ ડ્યૂટી વધારવાની જાહેરાત કરી શકે છે. ન્યૂઝ એજન્સી રોયટર્સે આ મામલા સાથે જોડાયેલા લોકોના હવાલાથી આ વિશે જાણકારી આપી છે. સરકાર દ્વારા આયાત શુલ્ક વધારવાનો આ નિર્ણય પીએમ મોદીના આત્મનિર્ભર ભારત અંતર્ગત હશે, જેથી ઘરેલું મેન્યુફેક્ચરિંગને પ્રોત્સાહન મળી શકે. માનવામાં આવી રહ્યું છે કે નાણાં મંત્રી સ્માર્ટફોથી લઈને ટીવી-ફ્રીજ સહિતના ઈલેક્ટ્રોનિક સામાન પર કિંમત વધારાની જાહેરાત કરી શકે છે.

 

સૂત્રના હવાલાથી કહેવામાં આવ્યું છે કે સરકાર આ પગલાથી 200-210 અબજ રૂપિયાના વધારાની રેવન્યૂનો લક્ષ્ય રાખી રહી છે. કોરોના વાયરસ મહામારીના કારણે આર્થિક સુસ્તી વચ્ચે સરકારની રેવન્યૂ ઉપર પણ અસર પડી છે.

સુત્રોના જણાવ્યા મુજબ, આયાત શુલ્કમાં વધારાથી ફર્નીચર અને ઇલેક્ટ્રોનિક્સ વાહનોની આયાત પર સૌથી વધારે અસર પડશે. તેનાથી સ્વીડનની કંપની આઈકિયા અને એલન મસ્કની ઇલેક્ટ્રિક કાર કંપની ટેસ્લા પર અસર પડશે. હાલમાં જ ટેસ્લાએ ભારતમાં આવવાને લઈને પોતાની તૈયારીઓ વિશે જાણકારી આપી છે. જોકે અધિકારીઓએ એ જાણકારી આપી નથી કે આ ફર્નીચર અને ઇલેક્ટ્રિક વાહનો પર આયાત શુલ્કમાં કેટલો વધારો થશે.

Continue Reading

બીઝનેસ

મોદી સરકારે WhatsAppની નવી પોલિસીને લઈ ભર્યું મહત્વનું પગલુ…

Chintan Mistry

Published

on

કેન્દ્ર સરકારે વોટ્સએપની નવી પ્રાઇવેસી પોલિસી પર ચિંતા વ્યક્ત કરી છે. સરકાર તરફથી વોટ્સએપ મેનેજમેન્ટને પત્ર લખી નવી પોલિસી પરત લેવાનું કહ્યું છે.

કેન્દ્રએ વોટ્સએપને નવી પોલિસી વિશે 10 સવાલ પૂછ્યા છે. નવી પ્રાઇવેસી પોલિસી પરત લેવામાં આવે ઇલેક્ટ્રોનિક્સ અને માહિતી ટેકનોલોજી મંત્રાલય, ભારત સરકારએ વોટ્સએપના સીઈઓને પત્ર લખીને કહ્યુ કે, ભારતીય યૂઝર્સ માટે નવી ટર્મ્સ ઓફ સર્વિસ અને પ્રાઇવેસી પોલીસીને પરત લેવામાં આવે.

મંત્રાલયે વોટ્સએપના ગ્લોબલ સીઈઓ વિલ કેથર્ટને પત્ર લખીને યૂઝર્સની સુરક્ષા પ્રત્યે ચિંતા વ્યક્ત કરી છે. મંત્રાલયે યૂઝર્સની સૂચનાની સુરક્ષા પર સવાલ ઉઠાવ્યા છે અને કહ્યું કે, ચેટનો ડેટા બિઝનેસ એકાઉન્ટથી શેર કરવાથી ફેસબુકની અન્ય કંપનીઓને યૂઝર્સ વિશે તમામ માહિતી મળી જશે. તેનાથી તેની સુરક્ષાને ખતરો થઈ શકે છે. સરકારે વોટ્સએપને સુપ્રીમ કોર્ટના 2017ના ચુકાદામાં આવેલા પ્રાઇવેસી નિયમો વિશે પણ ધ્યાન દોર્યુ છે. તેમજ ભારતીય યૂઝર્સના ડેટાની સુરક્ષાને લઈ ચિંતા વ્યક્ત કરી છે.

Continue Reading
બજેટ 20212 hours ago

બજેટ 2021 : 20થી વધુ પ્રોડક્ટ્સની કસ્ટમ ડ્યૂટીમાં મૂકાશે કાપ

નેશનલ2 hours ago

કોરોનાને લઈ નવી ગાઈડલાઈન જાહેર : હવેથી સિનેમાઘરોમાં 50 ટકાથી વધુ પ્રશંસકો બેસી શકશે

ગુજરાત3 hours ago

ક્યાં છે ગુજરાતમાં દારુબંધી? હોમગાર્ડના જવાનો જ દારુની મસ્તીમાં ટૂન થઈ કરી રહ્યા છે પાર્ટી

એન્ટરટેનમેન્ટ4 hours ago

વિવાદાસ્પદ વેબ સિરીઝ તાંડવના મેકર્સ-કલાકારોને સુપ્રીમ તરફથી મોટો ઝટકો

ગુજરાત8 hours ago

ગુજરાતમાં હજી ઠંડી મચાવશે કહેર

અમદાવાદ10 hours ago

ધો-9 અને 11ના વર્ગોને લઈ મહત્વનો નિર્ણય

નેશનલ11 hours ago

દિલ્હીમાં હિંસક પ્રદર્શનને જોતા પેરા મિલ્ટ્રી ફોર્સની વધુ 15 ટુકડીઓ તૈનાત કરાઈ

જાણવા જેવું1 day ago

દેશભક્તિનાં જોશથી ભરી દેશે તમને આ ‘વંદે માતરમ’ ગીત, આ જાણીતા ગુજરાતી કલાકારો છે સામેલ!

ગેજેટ3 weeks ago

વ્હોટ્સએપ 15થી વધારે ઈન્ફોર્મેશન અને ડેટા કરે છે કલેક્ટ

ગેજેટ3 weeks ago

Accept કરો નહી તો Whatsapp એકાઉન્ટ ડીલીટ થઈ જશે

વર્લ્ડ3 weeks ago

કોરોનાના નવા સ્ટ્રેનનો ખતરો વધતા આ દેશમાં લગાવાયું લોકડાઉન….

એન્ટરટેનમેન્ટ3 weeks ago

મુંબઈની ફાઈવ સ્ટાર હોટલમાં ગોરખધંધો કરતા પકડાઈ સાઉથની આ હોટ એક્ટ્રેસ

નેશનલ4 weeks ago

કોરોનાના નવા સ્ટ્રેનને લઈ હડકમ્પ, ભારતે યુકેથી આવતી ફ્લાઈટ પરનો પ્રતિબંધ લંબાવ્યો

એન્ટરટેનમેન્ટ4 weeks ago

સુપરસ્ટાર રજનીકાંતે પોતાની બિમારીને ભગવાનની ચેતવણી ગણાવી….અને કહ્યું….

જાણવા જેવું2 weeks ago

લો બોલો…. મંદિરની બહાર ભક્તોને આશીર્વાદ આપે છે કુતરું

અમદાવાદ5 days ago

BAPS યોગીજી મહારાજ હોસ્પિટલમાં કોરોના રસીકરણ કેન્દ્રનો આરંભ

Trending

Copyright © 2019 - 2020 The Squirrel.