થોડા દિવસ અગાઉ ઉધાર ચીજ વસ્તુ નહીં આપવાની અદાવત રાખી ગાંધીનગરના અંબાપુર ગામમાં કાફેનાં માલિકને આંતરીને ત્રણ ઈસમોએ ધોકા વડે ઢોર માર મારી જાનથી મારી નાખવાની ધમકી આપતાં અડાલજ પોલીસ મથકમાં ગુનો નોંધાયો છે.અડાલજનાં મુખી વાસમાં રહેતો રોનક રમેશભાઈ પટેલ કોબા રોડ ઉપર રોની કાફે નામની હોટલ ચલાવે છે. થોડા દિવસ અગાઉ અંબાપુર ગામના ત્રણ ઈસમો કાફે ઉપર ગયા હતા. અને કેટલીક ચીજ વસ્તુ ઉધારીમાં માંગી હતી. જેથી રોનકે ઘસીને ઉધારમાં વસ્તુઓ આપવાની ના પાડી દીધી હતી.

આથી રોનકે ગાળો બોલવાની નાં પાડતા ત્રણેય જણાં એકદમ ઉશ્કેરાઈ જઈ ધોકા લઇને રોનકને ધોઈ નાખ્યો નાખી ગડદાપાટુનો માર મારવા લાગ્યા હતા. જેનાં કારણે આસપાસના લોકો એકઠા થઈ ગયા હતા. જેથી ત્રણેય ત્યાંથી રવાના થઇ ગયા હતા. બાદમાં રોનકને સારવાર અર્થે ખસેડવામાં આવ્યા હતા આવ્યો હતો. આ અંગે રોનકની ફરિયાદના આધારે અડાલજ પોલીસે ગુનો નોંધી વધુ તપાસ હાથ ધરી છે.

રાજ્ય સરકાર દ્વારા 21મી જૂને આંતરરાષ્ટ્રીય યોગ દિવસની તૈયારીઓ હવે પૂર્ણતાને આરે છે. ત્યારે ગાંધીનગર જિલ્લાના 24 સેન્ટરો ખાતે એક સપ્તાહ સુધી યોગ શિબિરો યોજવામાં આવશે. ઉલ્લેખનીય છે કે, આ વર્ષે સરકારે અલગ અલગ 75 આઈકોનિક જગ્યાઓ પર યોગ કરીને ડોક્યુમેન્ટ્રી તૈયાર કરવામાં આવી છે. જે વિશ્વની તમામ ભાષામાં તૈયાર કરીને વિશ્વમાં પ્રચાર પ્રસાર કરવામાં આવશે.સમગ્ર વિશ્વમાં 21મી જૂનને યોગ દિવસ તરીકે ઉજવવામાં આવે છે. આ વર્ષ 21મી જૂનના રોજ આઠમો આંતરરાષ્ટ્રીય યોગ દિવસની ઉજવણી કરવામાં આવશે.

આ વર્ષે યોગ દિવસની ઉજવણી “Yoga for Humanity” – ‘ માનવતા માટે યોગ’ થીમ પર કરવામાં આવશે. યોગ દિવસની ઉજવણી નિમિત્તે ગાંધીનગર જિલ્લામાં જિલ્લા આયુર્વેદ અધિકારીની કચેરી દ્વારા જિલ્લાના 24 સેન્ટર ખાતે યોગ સપ્તાહનો આરંભ કરવામાં આવ્યો છે.આંતર્રાષ્ટ્રીય યોગ સપ્તાહની ઉજવણી અંતર્ગત અમદાવાદના સાબરમતી રિવરફ્રન્ટ ખાતે રાજ્યકક્ષાના યોગ દિવસની ઉજવણી કરવામાં આવશે. ત્યારે રાજ્યના અલગ અલગ જિલ્લાઓમાં અને તાલુકાઓમાં પણ યોગ દિવસની ઉજવણી કરવામાં આવશે. આ વર્ષે 21મી જૂનના રોજ આઠમા વિશ્વ યોગ દિવસની ઉજવણીમાનવતા માટે યોગ’ થીમ પર યોજાશે.

મહેસાણાની દુધ સાગર ડેરીની આજે મળનારી વાર્ષિક સાધારણ સભાપહેલાં મોઘજી ચૌધરી પર હુમલો થયો હતો. જેમાં મોઘજી ચૌધરીના ભાણેજે હવામાં ફાયરિંગ કર્યું હતું. સભા પૂર્વે ડેરીના ગેટ બહાર વિપુલ ચૌધરીના સમર્થકો અને અશોક ચૌધરીના સમર્થકો વચ્ચે બબાલ થઇ હતી. જેમાં સાધારણ સભામાં પ્રવેશ મામલે ઘર્ષણ થતા ડેરીના પૂર્વ વાઇસ ચેરમેન મોઘજી ચૌધરી, તેમના પુત્ર અને ભાણેજ પર જીવલેણ હુમલો થયો હતો. જેમાં સ્વ બચાવમાં ભાણેજે હવામાં ફાયરિંગ કર્યું હતું. ફાયરિંગ કરતા ટોળુ વિખેરાઇ ગયું હતુ. ત્યાં હાજર લોકોએ ઇજાગ્રસ્ત મોઘજી ચૌધરીને સારવાર અર્થે હોસ્પિટલ ખસેડ્યાં હતા. જ્યાંથી મોઘજી ચૌધરીએ જણાવ્યું હતું કે, આ એક આગોતર કાવતરું હતું. ડેરીના ચેરમેનના આદેશથી આ કાવરતું રચાયું છે.