સહકારી ક્ષેત્રની અગ્રિમ રાજકોટ બેડી માર્કેટ યાર્ડની ખેતી વિભાગની 10 અને વેપારી વિભાગની 4 સહિત 14 બેઠક માટે ચૂંટણી યોજાઈ છે. આજે સવારે 9 વાગ્યાથી મતદાન શરૂ થયું છે. સાંજે 5 વાગ્યા સુધી યાર્ડ ખાતે મતદાન પ્રક્રિયા ચાલશે. 14 બેઠક માટે 32 ઉમેદવાર વચ્ચે જંગ છે. ત્યારે 9 વાગ્યાથી જ મતદાન શરૂ થતાં મતદારોની લાંબી લાઇન લાગી છે. 2032 મતદારો પોતાનો કીમતી મત આપી રહ્યા છે. જોકે મતદારો ઉત્સાહમાં કોરોનાની ગાઇડલાઇન્સ ભૂલી ગયા હોય એવાં દૃશ્યો જોવા મળી રહ્યાં છે.
સોશિયલ ડિસ્ટન્સનો ઉલાળિયો અને માસ્ક વગર મતદારો જોવા મળી રહ્યા છે. જયેશ રાદડિયા યાર્ડ પહોંચતા તેણે જણાવ્યું હતું કે, મેં ક્યારેય મતદારોને ડરાવવાનો કે ધમકાવાનો પ્રયાસ કર્યો નથી. ચૂંટણી અધિકારી અને જિલ્લા રજિસ્ટ્રારના માર્ગદર્શન હેઠળ ચૂંટણીની સમગ્ર વ્યવસ્થા ગોઠવવામાં આવી છે, જેમાં ખેતી વિભાગમાં 10 બેઠક માટે 22 ઉમેદવાર અને 1462 મતદાર છે. જ્યારે વેપારી વિભાગમાં 4 બેઠક માટે 10 ઉમેદવાર અને 570 મતદાર છે. જે મતદાન પૂર્ણ થયા બાદ મતગણતરી આવતીકાલે સવારે એટલે કે 6 ઓક્ટોબરના રોજ સવારે 9 વાગ્યાથી શરૂ થશે
રાજકોટ- બેડી માર્કેટ યાર્ડમાં 14 બેઠક પર મતદાન
Leave a comment
Leave a comment