ગુજરાતમાં માવઠાની સિઝન શરૂ થઈ ગઈ છે. રાજ્યમાં ભારે પવન સાથે વરસાદ પડી રહ્યો છે. જેથી હવે ગરમીનું પ્રમાણ વધશે તેવી આગાહી કરવામાં આવી છે. હવામાન વિભાગના જણાવ્યા અનુસાર આગામી પાંચ દિવસ સુધી વાતાવરણ સૂકું રહેવાની શક્યતા છે. વરસાદ બાદ તાપમાનમાં વધારો થવાની આગાહી કરવામાં આવી છે. અમદાવાદમાં આગામી 4 અને 5 જૂન માટે યલો એલર્ટ જારી કરવામાં આવ્યું છે. તે ઉપરાંત સાબરકાંઠામાં થંડર સ્ટોર્મ એક્ટિવિટી થવાની શક્યતાઓ પણ વ્યક્ત કરવામાં આવી છે.

અરબી સમુદ્રમાં ચક્રવાત સર્જાશે
બીજી તરફ હવામાનશાસ્ત્રી અંબાલાલ પટેલે પણ રાજ્યમાં ચોમાસાને લઈને નિવેદન આપ્યું છે. મીડિયાના મતે તેમણે આ વખતે રોહિણી નક્ષત્ર, ચોમાસુ સરુ પ્રમાણે ગુજરાતમાં રહેવાની શક્યતાઓ દર્શાવી છે. તેમના મતે હાલમાં બે ચક્રવાત વિકસી રહ્યા છે. એક સાથે બે ટોર્નેડો સક્રિય થશે. બંગાળની ખાડી અને અરબી સમુદ્રમાં ચક્રવાત સર્જાશે. જેની અસર ગુજરાતના પર્યાવરણને થશે.

15 થી 17 જૂન દરમિયાન દક્ષિણ ગુજરાતમાં ચોમાસુ બેસી શકે છે
અંબાલાલ પટેલના જણાવ્યા અનુસાર ચક્રવાતને કારણે કચ્છ અને સૌરાષ્ટ્રમાં વરસાદ પડી શકે છે. તે સિવાય દક્ષિણ ગુજરાતમાં પણ વરસાદ પડી શકે છે. રાજ્યમાં 8 થી 11 જૂન દરમિયાન વરસાદની શક્યતાઓ છે. ચોમાસા અંગે તેમણે કહ્યું હતું કે દક્ષિણ ગુજરાતમાં 15 થી 17 જૂન સુધી ચોમાસું બેસી શકે છે. જ્યારે 22મીથી 25મી જૂન દરમિયાન રાજ્યના અન્ય વિસ્તારોમાં ચોમાસુ બેસવાની શક્યતાઓ છે.

અમદાવાદમાં હવામાન વિભાગે યલો એલર્ટ જાહેર કર્યું છે
ગઈકાલે હવામાન વિભાગે કહ્યું હતું કે આગામી 24 કલાક દરમિયાન વરસાદની આગાહી છે. જો કે, આ સમયગાળા દરમિયાન સામાન્ય રીતે વરસાદ થવાની ધારણા છે. ખાસ કરીને સૌરાષ્ટ્ર અને કચ્છમાં વરસાદ પડશે. જ્યારે ઉત્તર તેમજ મધ્ય અને દક્ષિણ ગુજરાતમાં હજુ ગરમીનો અનુભવ થશે. રાજ્યમાં 40 ડિગ્રીની આસપાસ ગરમીનો અનુભવ થશે. હવામાન વિભાગે અમદાવાદ માટે 1 જૂન અને 4 જૂને યલો એલર્ટ જાહેર કર્યું છે.

શહેરમાં રિક્ષામાં બેઠેલા મુસાફરોનો કિમતી સામાન તો સુરક્ષિત નથી પણ મુસાફરો પણ સુરક્ષિત નહીં હોવાની ઘટના સામે આવી છે. શહેરમાં એક રિક્ષા ચાલક મુસાફરને અધવચ્ચે ઉતારી દઈને તેની પાસેથી પૈસા પડાવતો હોવાનો વીડિયો વાયરલ થયા બાદ તેની સામે કાર્યવાહી હાથ ધરવામાં આવી છે. શહેરની ટ્રાફિક પોલીસે આ રિક્ષા ચાલકની ધરપકડ કરીને તેની રિક્ષા ડીટેઈન કરી છે અને ડ્રાઈવિંગ લાયસન્સ રદ કરવાની કાર્યવાહી પણ હાથ ધરી છે.

સોશિયલ મિડીયામાં એક વીડિયો વાયરલ થયો હતો
પ્રાપ્ત વિગતો પ્રમાણે ગઇ કાલે સોશિયલ મિડીયામાં એક વીડિયો વાયરલ થયો હતો. આ વીડિયો જોતા એક રીક્ષાનો ડ્રાઇવર કાલુપુર રેલ્વે સ્ટેશનથી પેસેંજર લઈ પેસેંજરને રસ્તામાં ઉતારી બળજબરીથી પૈસા પડાવતો હોવાનુ તથા પેસેન્જરને માર મારતો હોવાનુ જણાયું હતું. આ વીડિયો પોલીસના હાથે લાગતાં રીક્ષા ડ્રાઇવર તેમજ રીક્ષાની ડીસીપી ટ્રાફિક પૂર્વ સ્કોડના માણસો દ્વારા ખાનગી રાહે તપાસ કરાવતા રીક્ષા ડ્રાઇવર મોહનલાલની ચાલી રાજપુર ગોમતીપુર નાનો હોવાનુ માલુમ પડ્યું હતું.

રિક્ષા ચાલકની અટકાયત કરવાની કાર્યવાહી
પોલીસે આ રીક્ષા ચાલકની તેના ઘરે જઈ તપાસ કરતા તે રીક્ષા સાથે હાજર મળી આવતા તેનુ નામ ઠામ પુછતા તેણે પોતાનુ નામ અકબર મુમતાજ હુસેન ખલીફા હોવાનુ જણાવેલ જેથી તેની રીક્ષા ડીટેઇન કરવામાં આવી હતી. તેમજ સદરી રીક્ષા ચાલકનુ ડ્રાઇવીંગ લાઇસન્સ તેમજ પરમીટ રદ કરવા આર.ટી.ઓ અધિકારીને રીપોર્ટ કરવા સુચના કરવામાં આવેલ છે. રીક્ષા ડ્રાઇવર વિરુધ્ધ કાલુપુર પોલીસ સ્ટેશન ખાતે અટકાયતી પગલા લેવડાવવામાં આવેલ છે.

પોલીસે પેસેન્જરને શોધવા ચક્રો ગતિમાન કર્યાં
બીજી તરફ વીડિયોમાં દેખાતો રિક્ષામાં બેઠેલો પેસેન્જર પોલીસને મળ્યો નહોતો. જેથી તેને શોધવાની તપાસ ચાલુ કરવામાં આવી છે. પોલીસે સોશિયલ મીડિયામાં વાયરલ થયેલા આ વીડિયો અંગે તાત્કાલિક કાર્યવાહી કરીને દાખલો બેસાડ્યો છે. અમદાવાદમાં બહારથી આવેલા મુસાફરો સાથે દાદાગીરી કરતાં રિક્ષા ચાલકોને સબક શિખવવા પોલીસ હવે સક્રિય થઈ ગઈ હોવાનું આ કાર્યવાહી પરથી લાગી રહ્યું છે.

સનરાઈઝર્સ હૈદરાબાદ માટે ડાન્સ કરતી ચીયરલીડરની તસવીર સોશિયલ મીડિયા પર વાયરલ થઈ હતી. તેના હાથ પર પ્લાસ્ટર કાસ્ટ હોવા છતાં સારું પ્રદર્શન કરવા બદલ લોકોએ BCCI અને IPLની ટીકા કરી છે. તો બીજી બાજુ નેટીઝન્સએ આ તસ્વિત પ્રત્યે તેમના પ્રામાણિક મંતવ્યો શેર કર્યા હતા.

ચીયરલીડર ઇજાગ્રસ્ત હાથ સાથે પ્રદર્શન કરે છે

pic.twitter.com/eyec3kHDLX

— Out Of Context Cricket (@GemsOfCricket) May 15, 2023

શરમજનક

One cheerleader arm is fractured but BCCI and IPL authorities want her to cheer for SRH.

Such a shame. #GTvsSRH pic.twitter.com/Q55kAX6fpq

— Rowan (@JustLikeGon) May 15, 2023

સોમવાર, 15 મેના રોજ IPL 2023માં ગુજરાત ટાઇટન્સ વિ સનરાઇઝર્સ હૈદરાબાદની મેચ દરમિયાન એક ચીયરલીડર સ્લિંગમાં એક હાથ હોવા છતાં પ્રદર્શન કરતો જોવા મળે છે. કેટલાક નેટીઝન્સે પ્રશ્ન ઉઠાવ્યો કે શું તે ‘સમર્પણ કે જવાબદારી’ છે. અન્ય લોકોએ તેના હાથ પર પ્લાસ્ટર કાસ્ટ હોવા છતાં સારું પ્રદર્શન કરવા બદલ BCCI અને IPLની ટીકા કરી છે.

જણાવી દઈએ એક ગુજરાત ટાઇટન્સે સનરાઇઝર્સ હૈદરાબાદને 34 રને હરાવ્યું. આ જીત સાથે ગુજરાત પ્લેઓફમાં પહોંચનારી પ્રથમ ટીમ બની ગઈ છે. ગુજરાતની ટીમ 18 પોઈન્ટ સાથે પોઈન્ટ ટેબલમાં ટોપ પર છે. આ સાથે જ હૈદરાબાદની ટીમ આ હાર સાથે પ્લેઓફની રેસમાંથી બહાર થનારી બીજી ટીમ બની ગઈ છે. આ મેચમાં સનરાઇઝર્સ હૈદરાબાદે ટોસ જીતીને પ્રથમ બોલિંગ કરવાનો નિર્ણય કર્યો હતો અને ગુજરાતે પ્રથમ બેટિંગ કરતા 188 રન બનાવ્યા હતા. જવાબમાં હૈદરાબાદની ટીમ માત્ર 154 રન જ બનાવી શકી હતી અને મેચ હારી ગઈ હતી.