આપણે પાકિસ્તાનના ફાસ્ટ બોલર શાહીન શાહ આફ્રિદીને તેની શાર્પ બોલિંગ માટે જાણીએ છીએ, પરંતુ તેણે શુક્રવારે રાત્રે T20 બ્લાસ્ટમાં પોતાના બેટથી શાનદાર પ્રદર્શન કર્યું હતું. તેણે ન્યૂઝીલેન્ડના ઓલરાઉન્ડર માઈકલ બ્રેસવેલની એક ઓવરમાં ચાર જોરદાર સિક્સર ફટકારી હતી. આ ઘટનાનો વીડિયો સોશિયલ મીડિયા પર ખૂબ જ વાયરલ થઈ રહ્યો છે. જો કે આફ્રિદી પોતાની તોફાની બેટિંગના આધારે પણ પોતાની ટીમને જીત અપાવી શક્યો નથી. ડાબોડી બેટ્સમેન શાહીને 11 બોલમાં 1 ફોર અને 4 સિક્સરની મદદથી 29 રનની ઇનિંગ રમી હતી. આ દરમિયાન તેનો સ્ટ્રાઈક રેટ 263.64 હતો.
શાહીન આફ્રિદીએ વર્સેસ્ટરશાયર સામેની ઈનિંગની 16મી ઓવરમાં પોતાની બેટિંગ કૌશલ્ય દેખાડી હતી. પ્રથમ બોલ પર, તેણે મિડ-વિકેટ તરફ બ્રેસવેલને સિક્સર ફટકારી. આ પછી, તેણે લોંગ ઓન અને મિડ-વિકેટની દિશામાં ત્રીજા બોલ પર બીજો છગ્ગો ફટકાર્યો. આફ્રિદી અહીં જ ન અટક્યો, ત્યારપછી તેણે બેક ટુ બેક લોંગ ઓન તરફ આગળના બે બોલમાં બે સિક્સર ફટકારી. શાહિને આ ઓવરમાં સિક્સરની હેટ્રિક સાથે કુલ 26 રન બનાવ્યા હતા.
જો કે, શાહીન આફ્રિદી આ તોફાની ઈનિંગ્સના આધારે પણ પોતાની ટીમ નોટિંગહામશાયરને જીતી શક્યો ન હતો અને તેની ટીમને આ મેચમાં 56 રનથી મોટી હારનો સામનો કરવો પડ્યો હતો.
Shaheen Afridi 4 sixes in an over to Bracewell ❤️pic.twitter.com/Um4jEHdaa0
— Ahmer Najeeb Satti (@AhmerNajeeb) June 3, 2023
પ્રથમ બેટિંગ કરીને, વોર્સેસ્ટરશાયરએ માઈકલ બ્રેસવેલ અને એડમ હોસની ધમાકેદાર અડધી સદીની મદદથી બોર્ડ પર 226 રનનો વિશાળ સ્કોર બનાવ્યો. આ સ્કોરનો પીછો કરતા નોટિંગહામશાયર, એલેક્સ હેલ્સ (71) સિવાય કોઈ અપર ઓર્ડરનો બેટ્સમેન અદ્દભૂત દેખાડી શક્યો નહોતો. નોટિંગહામશાયરના 11માંથી આઠ બેટ્સમેન ડબલ ફિગર પાર કરવામાં નિષ્ફળ ગયા અને આખી ટીમ 170 રનમાં આઉટ થઈ ગઈ.