સુરત જીએસટી વિભાગ પાસે જીએસટી નંબર લેવા માટે અનેક અરજીઓ આવી છે. ત્યારે ખાતા દ્વારા અરજીઓની તપસ કરતાં અરજીઓ અનેક ભોપાળા સામે આવ્યા છે. સુરતમાં GSTના નંબરના પુરાવા માટે રજૂ કરાતા લાઇટ બિલ ડુપ્લીકેટ હોવાનું કૌભાંડ જીએસટી વિભાગે પકડી પાડયું છે. સુરતમાં જીએસટી નંબર માટેની જે 10 હજાર અરજી આવી છે તે તમામ સ્કેનિંગમાં આવી છે. સ્કેન્ડલ ઝડપનાર અધિકારીએ કહ્યું હતું હે, લાઇટ બિલ જોઇને ખ્યાલ જ ન આવે કે તે ડુપ્લીકેટ છે. પરંતુ ઓનલાઇન ચેક કરવામાં આવ્યુ ત્યારે સમગ્ર ભોપાળું બહાર આવ્યું હતું.
આ દરમિયાન, બીજી તરફ ઘરમાંથી ધંધો કરવા માટે અરજીઓ કરવામાં આવી છે તે તમામ અરજીઓ હાલ રદ કરવામાં આવી રહી છે. એક ઉચ્ચ અધિકારીએ કહ્યું કે, પુરાવા રૂપે અ્નેક જાતના ડોક્યુમેન્ટ આપવામાં આવે છે. જેમાં એક લાઇટ બિલ પણ હોય છે. એક કેસમાં જ્યારે લાઇટ બિલની તપાસ કરી ત્યારે સ્કેન્ડલ સામે આવ્યું હતું. કચેરીએ માલિક કોણ છે તેની તપાસ કરવામાં આવી તો માલિક અને જીએસટી નંબર માટે એપ્લિકેશન કરનારા જુદા નિકળ્યાં હતા. કેટલીક જગ્યાએતો ઓફિસનું એડ્રેસ હતું. પરંતુ ત્યાં ઓફિસ ન હતી. આવી રજિસ્ટ્રેશનની અરજીઓ હાલ રદ કરવામાં આવી છે.
સુરત-GST નંબર મેળવવાનું કૌભાંડ: ડુપ્લીકેટ લાઈટબિલ રજૂ કરાયા
Leave a comment
Leave a comment