‘ધ કાશ્મીર ફાઇલ્સ’ ફેમ ડિરેક્ટર વિવેક અગ્નિહોત્રીએ પોતાની નવી ફિલ્મની જાહેરાત કરી છે. વિવેકે સોશિયલ મીડિયા પર પોસ્ટ કર્યું છે કે તેની આગામી ફિલ્મનું નામ ‘પર્વ’ હશે, જે મહાભાર પર આધારિત હશે. વિવેકે પોતાની સોશિયલ મીડિયા પોસ્ટ સાથે એક તસવીર અને વીડિયો શેર કર્યો છે. એક તરફ ફેન્સ આ સમાચારથી ઉત્સાહિત છે તો બીજી તરફ તેઓ વિવેકને ખૂબ ટ્રોલ કરી રહ્યા છે.
ફિલ્મનું નામ પર્વ હશે
વિવેક અગ્નિહોત્રીએ ટ્વિટ કર્યું, ‘મોટી જાહેરાત – મહાભારત ઇતિહાસ છે કે પૌરાણિક? અમે, IM બુદ્ધના લોકો, ભગવાનનો આભાર માનીએ છીએ કે પદ્મભૂષણ ડૉ. એસ.એલ. ભૈરપ્પાની આધુનિક ક્લાસિક – પર્વ – ધર્મની એક મહાકથા બની રહી છે. પર્વને માસ્ટરપીસની શ્રેષ્ઠ કૃતિ કહેવાનું એક કારણ છે. આ ફિલ્મને પલ્લવી જોશી પ્રોડ્યુસ કરશે.
વિવેકની ફિલ્મો
ઉલ્લેખનીય છે કે વિવેક અગ્નિહોત્રીની છેલ્લી રિલીઝ ધ વેક્સીન વોર છે, જેનો ઉલ્લેખ વડાપ્રધાન નરેન્દ્ર મોદીએ પણ કર્યો છે. આ પહેલા વિવેક અગ્નિહોત્રી ધ તાશ્કંદ ફાઇલ્સ અને ધ કશ્મીર ફાઇલ્સ જેવી ફિલ્મો માટે સમાચારમાં રહી ચૂક્યા છે. વિવેકને ફિલ્મ કાશ્મીર ફાઇલ્સથી ખ્યાતિ મળી હતી અને તેની ફિલ્મનું કલેક્શન ખૂબ જ સારું હતું.
