સમગ્ર રાજ્યમાં આવતીકાલથી નવા શૈક્ષણિક સત્રનો પ્રારંભ થવા જઇ રહ્યો છે.‌ વાલીઓ સહિત બાળકો સ્ટેશનરી અને પાઠય પુસ્તકોની ખરીદીમાં દોટ લગાવી છે. આ વચ્ચે નડિયાદમાં છેલ્લા ત્રણેક વર્ષથી પછાત વિસ્તારમાં ‘ડોનેટ યોર સન્ડે’ના થીમ પર ચાલી રહેલ સરદાર ગુરુકુળમાં આજથી નવા શૈક્ષણિક કાર્યનો પ્રારંભ થયો છે.ઉનાળુ વેકેશન પૂરું થયા બાદ આવતીકાલથી સમગ્ર રાજ્યમાં નવા શૈક્ષણિક સત્રનો પ્રારંભ થશે. નડિયાદમાં છેલ્લા ત્રણ વર્ષથી ઈન્દીરાનગરી વિસ્તારમાં ‘ડોનેટ યોર સન્ડે’ ના થીમ પર સ્થાનિક બાળકોને પાયાનું શિક્ષણ આપવામાં આવી રહ્યું છે.

ખૂબજ ગરીબીમાથી આવતા આ બાળકોનો શિક્ષણનો પાયો મજબૂત થાય અને પોતાના કેરિયરમાં કંઈક બની શકે અને હાંસલ કરી શકે તેવા ઉમદા આશયથી યુવા એકતા સમિતિ દ્વારા સરદાર ગુરુકુળ નામ આપી બાળકોને વિનામૂલ્યે શિક્ષણ આપવામાં આવી રહ્યું છે. ‘ડોનેટ યોર સન્ડે’ ના થીમ પર લગભગ 70-80 વોલેન્ટીયર ભેગા થઈ 50થી વધુ બાળકોને શિક્ષણ આપવાની કામગીરી છેલ્લા ત્રણેક વર્ષથી કરી રહ્યા છે. જેના પરિણામે ટેલેન્ટેડ વિદ્યાર્થીઓમા ભણવામાં રસ રુચિ વધી છે અને તેથી જ તાજેતરમાં યોજાયેલી બોર્ડની પરીક્ષામાં અહીંયાનો એક વિદ્યાર્થી સારા પર્સન્ટેજથી પાસ થયો છે.

ખેડા જિલ્લાના વસો પંથકમાં ગતરોજ રાત્રે ગમખ્વાર અકસ્માત થયો હતો. જેમાં બે લોકો મોતના મુખમાં ધકેલાઈ ગયા છે. લગ્નનનુ રીસેપ્શન પતાવી પરત ફરતાં અરેરાના બે વ્યક્તિઓને વસોના પીજ-રામોલ રોડ ઉપર અકસ્માત નડ્યો હતો. જેમાં બંનેના મોત થતા વાળંદ પરિવાર પર આભ ફાટ્યું છે. મોટરસાયકલને ટેમ્પીએ ટક્કર મારતા અકસ્માત થયો હતો. આગળ અન્ય મોટરસાયકલ ચલાવી જતાં દીકરાએ પિતા અને કૌટુંબિક દાદા ન આવતાં ફોન કરતા અકસ્માતની જાણ થઈ હતી. આ બનાવ સંદર્ભે વસો પોલીસે ફરિયાદના આધારે ગુનો નોંધી વધુ તપાસ હાથ ધરી દીધી છે.

દસેક મિનિટ બાદ ભરતભાઈના મોબાઇલ પરથી અજાણ્યા વ્યક્તિનો નયનકુમારને ફોન આવ્યો અને જણાવ્યું કે પીજ-રામોલ રોડ ઉપર અકસ્માત થયો છે. આથી નયનકુમાર તુરંત પરત પાછા ફર્યા હતા. તેઓએ બનાવ સ્થળે પહોંચતા જાણવા મળ્યું હતું કે પૂરપાટ આવતી અતુલ શક્તિ ટેમ્પી નંબર (GJ 23 Z 0612)એ ઉપરોક્ત ભરતભાઇના મોટરસાયકલને ટક્કર મારી હતી. જેથી ભરતભાઈ વાળંદ તથા રમેશભાઈ વાળંદ બન્ને રોડ ઉપર પટકાયા હતા. આથી ભરતભાઈનું ઘટનાસ્થળે મોત નીપજ્યું હતું. જ્યારે રમેશભાઈ વાળંદનું ટૂંકી સારવાર દરમિયાન આજે વહેલી સવારે મોત નિપજ્યું છે. આ બનાવ સંદર્ભે નયનકુમાર વાળંદે વસો પોલીસને જાણ કરતા પોલીસે તેઓની ફરિયાદના આધારે ગુનો નોંધી વધુ તપાસ હાથ ધરી દીધી છે. નોંધનીય છે કે અકસ્માતમાં બે લોકોએ જીવ ગુમાવ્યા છે જેથી વાળંદ પરિવાર પર ભારે આક્રંદ જોવા મળી રહ્યો છે.

ખેડા પાસેથી પસાર થતાં અમદાવાદ-મુંબઈ નેશનલ હાઇવે પર ગત રોજ ટોયેટા કાર અને ઈકો કાર વચ્ચે ગમખ્વાર અકસ્માત થયો હતો. જેમા અમદાવાદ તરફથી વડોદરા તરફ જઈ રહેલી ટોયેટા કાર એકાએક ડિવાઈડર કુદી રોગ સાઈડે ધસી આવી હતી. જેથી સામેથી આવતી ઈકો કાર સાથે ટક્કર થઈ હતી. આ અકસ્માતમાં ઈકો કારના ફુરચે ફુરચા ઉડી ગયા હતા. જ્યારે 10થી વધુ લોકોને ઈજાઓ પહોંચી હતી. તેમજ એકનું સારવાર દરમિયાન મોત નિપજ્યું છે. આ બનાવ સંદર્ભે ખેડા ટાઉન પોલીસે ફરિયાદના આધારે ગુનો નોંધી વધુ તપાસ હાથ ધરી દીધી છે.અમદાવાદ જિલ્લાના વિરમગામ ખાતે દાણાપીઠા વિસ્તારમાં રહેતા બાધુભાઈ રામાભાઈ ભરવાડનું સાસરીયુ ચકલાસી મુકામે છે. ત્યારે તાજેતરમાં જ તેમના સાળાનું દેહાંત થતાં ગતરોજ તેમનું બેસણું હતું.

જેથી બાધુભાઈ અને તેમની પત્ની તથા કુટુંબીજનો ઇકો કાર નંબર (GJ 38 B 2724)મા બેસી ચકલાસી મુકામે આવ્યા હતા. જ્યાં બેસણું પતાવી આ તમામ લોકો ભરત વિરમગામ ખાતે જઈ રહ્યા હતા.ઈકો કારમાં બેઠેલા બાધુભાઈ ભરવાડ, ગંગાબેન ભરવાડ, ભોપાભાઈ છગનભાઈ ભરવાડ, જીનાભાઈ કાભાઈભાઈ ભરવાડ, કંકુબેન કાશીરામ ભરવાડ, માનાબેન ભોપાભાઈ ભરવાડ, બબુબેન રામભાઈ ભરવાડ, ટીડીબેન હાજાભાઈ ભરવાડ, રઘુભાઈ ગોપાલભાઈ ભરવાડને તથા ઉપરોક્ત ટોયેટા કારમા સવાર લોકો‌ મળી કુલ 10થી વધુ વ્યક્તિઓને શરીરે નાની મોટી ઈજાઓ પહોંચી હતી. આ પૈકી ચાર લોકોને ગંભીર ઈજાઓ પહોંચતા તેઓને સારવાર માટે અમદાવાદની હોસ્પિટલમાં ખસેડવામાં આવ્યા હતા. જોકે, સારવાર દરમિયાન ભોપાભાઈ છગનભાઈ ભરવાડ નામના વ્યક્તિનું મોત નિપજ્યું હતું.