UPI એ ડિજિટલ વ્યવહારો માટે સૌથી વધુ ઉપયોગમાં લેવાતી પદ્ધતિ છે અને લાખો વપરાશકર્તાઓ દરરોજ UPIની મદદથી ચુકવણી કરે છે. પ્રથમ વખત UPI એકાઉન્ટ સેટ કરવા માટે બેંક ખાતા સાથે લિંક થયેલ ડેબિટ કાર્ડની જરૂર છે, જેની મદદથી વપરાશકર્તાઓ તેમનો UPI પિન સેટ કરી શકે છે. હવે ગૂગલ પેએ એક નવું ફીચર લાવ્યું છે અને UPI એકાઉન્ટ ફક્ત આધાર નંબરથી જ બનાવી શકાશે.
ગૂગલ પેએ જણાવ્યું છે કે હવે યુઝર્સને તે બેંક એકાઉન્ટ્સને UPI સાથે લિંક કરવાનો વિકલ્પ આપવામાં આવશે, જેના માટે એકાઉન્ટ ધારકોએ ડેબિટ કાર્ડ બનાવ્યું નથી. કંપનીના જણાવ્યા અનુસાર યુઝર્સને નવી સર્વિસનો લાભ ત્યારે જ મળશે જ્યારે તેમનો મોબાઈલ નંબર બેંક એકાઉન્ટ અને આધાર નંબર બંને સાથે લિંક હશે. હવે યુઝર્સને આધાર નંબર અને ડેબિટ કાર્ડ વચ્ચે પસંદગી કરવાનો વિકલ્પ બતાવવામાં આવશે.
નવી સેવા પ્રદાન કરવા માટે ગૂગલે યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) સાથે ભાગીદારી કરી છે. ગૂગલ પે એવી પહેલી એપ બની ગઈ છે, જેના પર યુઝર્સ હવે ડેબિટ કાર્ડ વગર પણ તેમનું UPI એકાઉન્ટ સેટ કરી શકશે. શક્ય છે કે આવનારા દિવસોમાં યુઝર્સને અન્ય એપ્સમાં પણ આવો વિકલ્પ આપવામાં આવે. તમને જણાવી દઈએ કે, Google Payની નવી સુવિધા માત્ર પસંદગીની બેંકો માટે જ શરૂ કરવામાં આવી છે, પરંતુ ટૂંક સમયમાં જ તમામ બેંકો માટે નવો વિકલ્પ ઉપલબ્ધ થશે.
સૌથી પહેલા તમારે Google Pay એપ ડાઉનલોડ અથવા અપડેટ કરવી પડશે. આ પછી તમને બેંક ખાતા સાથે જોડાયેલ મોબાઈલ નંબર દાખલ કરવા માટે કહેવામાં આવશે. આગળના પગલા પર, બે વિકલ્પો – ડેબિટ કાર્ડ અથવા આધાર નંબર બતાવવામાં આવશે, જેમાંથી આધાર નંબર પસંદ કરવાનો રહેશે. આ પછી રજિસ્ટર્ડ મોબાઈલ નંબર પર આવતા OTPને એન્ટર કરવાનો રહેશે અને યુઝર્સ પિન સેટ કરી શકશે. બાદમાં આ પિનનો ઉપયોગ પેમેન્ટ દરમિયાન કરી શકાશે.
