વોર્નર બ્રધર્સ 2021ની સુપરહિટ ફિલ્મ ‘ગોડઝિલા વર્સિસ કોંગ’ની સિક્વલ ‘ગોડઝિલા એક્સ કોંગ’ની સત્તાવાર જાહેરાત કરવામાં આવી છે. વોર્નર બ્રધર્સે સત્તાવાર રીતે ‘ગોડઝિલા એક્સ કોંગ’ ની જાહેરાત કરતું ટીઝર રિલીઝ કર્યું છે, જેમાં એક ભયાનક આત્માને ઉશ્કેરતું દ્રશ્ય દેખાય છે. ફિલ્મના ટીઝરથી એક વાત સ્પષ્ટ થાય છે કે આ ફિલ્મમાં કોંગનું રાજ જોવા મળવાનું છે. ટીઝરના અંતમાં કોંગની ચમકતી આંખો જોઈને કોઈ ડરી શકે છે.
‘ગોડઝિલા એક્સ કોંગ’ ટીઝર
વોર્નર બ્રોસની આગામી ફિલ્મ ‘ગોડઝિલા એક્સ કોંગ’ના ટીઝરમાં કોંગ હાડપિંજરના અવશેષોની વચ્ચે પોતાના સિંહાસન પર બેઠેલો જોવા મળે છે. આ જોઈને લાગે છે કે તે ફિલ્મમાં પોતાનું એક અલગ સામ્રાજ્ય બનાવવા જઈ રહ્યો છે. આ ફિલ્મના જે ભાગ અત્યાર સુધી આવ્યા છે તેને દુનિયાભરના દર્શકો તરફથી ઘણો પ્રેમ મળ્યો છે અને તેની કમાણીએ પણ ઘણા રેકોર્ડ બનાવ્યા છે. એડમ વિન્ગાર્ડ ફિલ્મ ‘ગોડઝિલા એક્સ કોંગઃ ધ ન્યૂ એમ્પાયર’નું નિર્દેશન કરવા જઈ રહ્યો છે. અગાઉ વર્ષ 2021માં ફિલ્મ ‘ગોડઝિલા વિ. કોંગ’નું નિર્દેશન પણ એડમ વિન્ગાર્ડ દ્વારા કરવામાં આવ્યું હતું.
‘ગોડઝિલા એક્સ કોંગ’ રિલીઝ ડેટ
ફિલ્મ ‘ગોડઝિલા વર્સીસ કોંગ’ 15 માર્ચ, 2024ના રોજ સિનેમાઘરોમાં રિલીઝ થવા જઈ રહી છે. મોનસ્ટર્સની આ ફિલ્મની દર્શકો રાહ જોઈ રહ્યા છે. સ્પેશિયલ ઈફેક્ટ સાથે બનેલી ગોડઝિલા અને કિંગ કોંગની વાર્તા ફિલ્મમાં બતાવવામાં આવશે. તમને જણાવી દઈએ કે કોરોના મહામારી બાદ રિલીઝ થયેલી ‘ગોડઝિલા વર્સિસ કોંગ’ને દર્શકોનો જબરદસ્ત પ્રેમ મળ્યો છે. હોલિવૂડ સ્ટાર એલેક્ઝાન્ડર સ્કારસગાર્ડ, રેબેકા હોલ, શાન ઓગુરી, બ્રાયન ટાયરી હેનરીએ ગોડઝિલા અને કિંગ કોંગની સ્પેશિયલ ઈફેક્ટ્સ સાથે ફિલ્મમાં મહત્વની ભૂમિકા ભજવી હતી.
