ભાજપે આ વર્ષે ઘણા રાજ્યોમાં યોજાનારી વિધાનસભાની ચૂંટણી અને આવતા વર્ષે લોકસભાની ચૂંટણીની તૈયારીઓ શરૂ કરી દીધી છે. ભાજપે ચૂંટણી માટે રણનીતિ બનાવવાનું શરૂ કરી દીધું છે. આ સંદર્ભમાં દિલ્હીમાં ભાજપની રાષ્ટ્રીય કાર્યકારિણીની બેઠક યોજાઈ રહી છે. દિલ્હીના NDMC સેન્ટરમાં આયોજિત આ બેઠકનો આજે બીજો અને છેલ્લો દિવસ છે.
પીએમ મોદીએ રોડ શો કર્યો
આ પહેલા PM મોદીએ સોમવારે સાંજે દિલ્હીમાં રોડ શો કર્યો હતો. ગુજરાત વિધાનસભાની ચૂંટણીમાં બમ્પર જીત બાદ કાઢવામાં આવેલા આ રોડ શોમાં મોદીનું ઉષ્માભર્યું સ્વાગત કરવામાં આવ્યું હતું. પીએમનો કાફલો પટેલ ચોક પર પહોંચતા જ લોકોએ મોદી-મોદી અને જય શ્રી રામના નારા લગાવ્યા હતા. રસ્તાઓ પર પીએમના કટઆઉટ પણ મુકવામાં આવ્યા હતા.
પાર્ટીના નેતાઓએ પીએમ મોદી પાસેથી શીખવું જોઈએઃ જેપી નડ્ડા
ભજરા પ્રમુખ જેપી નડ્ડાએ સોમવારે બે દિવસીય રાષ્ટ્રીય કાર્યકારિણીનું ઉદ્ઘાટન કર્યું. આ દરમિયાન તેમણે 2023ની તમામ વિધાનસભા ચૂંટણીઓ અને આવતા વર્ષે લોકસભાની ચૂંટણી જીતવા હાકલ કરી હતી. નડ્ડાએ પાર્ટી નેતાઓને પીએમ દ્વારા ગુજરાત વિધાનસભા ચૂંટણીમાં કરેલા પ્રચારમાંથી શીખવાની અપીલ કરી હતી.
તમામ ચૂંટણીમાં જીત થવી જોઈએઃ જેપી નડ્ડા
ભાજપના વરિષ્ઠ નેતા રવિશંકર પ્રસાદે બેઠક અંગે માહિતી આપી હતી. પ્રસાદના જણાવ્યા અનુસાર, નડ્ડાએ કહ્યું કે 2023માં નવ રાજ્યોમાં વિધાનસભા ચૂંટણી થવાની છે અને આવતા વર્ષે લોકસભાની ચૂંટણી પણ યોજાશે. આમાં એકમાં પણ હાર ન હોવી જોઈએ અને આ માટે બધાએ એક થવું જોઈએ. ભાજપની સરકાર હોય તેવા રાજ્યોમાં વધુ મહેનત કરવી જોઈએ, જ્યાં સરકાર નથી ત્યાં પણ સખત મહેનત જરૂરી છે.
