રેલ્વે મંત્રી અશ્વિની વૈષ્ણવે જણાવ્યું છે કે BAPS સ્વામિનારાયણ સંસ્થાના આધ્યાત્મિક નેતા પ્રમુખસ્વામી મહારાજને શ્રદ્ધાંજલિ રૂપે અમદાવાદ અને દિલ્હી વચ્ચેની સંપર્ક ક્રાંતિ એક્સપ્રેસ ટ્રેનનું નામ બદલીને અક્ષરધામ એક્સપ્રેસ રાખવામાં આવશે.
BAPS સ્વામિનારાયણ સંપ્રદાયના મહિના લાંબા પ્રમુખ સ્વામી શતાબ્દી ઉજવણીના ભાગ રૂપે રેલવે પ્રધાને સોમવારે આ જાહેરાત કરી હતી, જે 14 ડિસેમ્બરે વડા પ્રધાન નરેન્દ્ર મોદી અને વર્તમાન BAPS વડા મહંત સ્વામી મહારાજ દ્વારા શરૂ કરવામાં આવી હતી.
પ્રમુખસ્વામી મહારાજને શ્રદ્ધાંજલિ રૂપે, દિલ્હી અને અમદાવાદને જોડતી સંપર્ક ક્રાંતિ એક્સપ્રેસનું ટૂંક સમયમાં નામ બદલીને અક્ષરધામ એક્સપ્રેસ કરવામાં આવશે. વૈષ્ણવે વર્તમાન BAPS પ્રમુખ મહંત સ્વામી મહારાજના આશીર્વાદ માંગ્યા અને સંપ્રદાયના માનવતાવાદી કાર્યની પ્રશંસા કરી.
જણાવી દઈએ કે પ્રમુખસ્વામી મહારાજનો જન્મ 7 ડિસેમ્બર, 1921ના રોજ થયો હતો અને 1950માં BAPS સ્વામિનારાયણ સંપ્રદાયના વડા બન્યા હતા. 13 ઓગસ્ટ, 2016ના રોજ તેમનું નિધન થયું હતું.
