ટીમ ઈન્ડિયાના ભૂતપૂર્વ સ્પિનર હરભજન સિંહ ICC વર્લ્ડ ટેસ્ટ ચેમ્પિયનશિપ 2021-23ની ફાઈનલ મેચ માટે કોમેન્ટ્રી પેનલનો ભાગ છે. WTCની ફાઇનલ મેચ ભારત અને ઓસ્ટ્રેલિયા વચ્ચે લંડનના ઓવલ મેદાન પર રમાઈ રહી છે. આ મેચ જોવા માટે પાકિસ્તાનના ખાસ ફેન પણ પહોંચ્યા હતા. હરભજન સિંહે પાકિસ્તાનના આ દિવ્યાંગ ફેનને ઓટોગ્રાફ પણ આપ્યો હતો અને તેની સાથે થોડી વાતચીત પણ કરી હતી. હરભજન સિંહની પાકિસ્તાનના ભૂતપૂર્વ ક્રિકેટર શોએબ અખ્તર અને શાહિદ આફ્રિદી સાથે સારી મિત્રતા છે. હરભજન સિંહનો પાકિસ્તાની ફેન સાથેનો વીડિયો સોશિયલ મીડિયા પર વાયરલ થઈ રહ્યો છે. આ દિવ્યાંગ ચાહકે પાકિસ્તાનની જર્સી પહેરી છે. મેચની વાત કરીએ તો પહેલા બે દિવસની રમત પૂરી થઈ ગઈ છે અને ઓસ્ટ્રેલિયા અત્યારે ડ્રાઈવિંગ સીટ પર છે. ઓસ્ટ્રેલિયાએ પ્રથમ દાવમાં 469 રન બનાવ્યા છે, જેના જવાબમાં ભારતે બીજા દિવસની રમતના અંત સુધી પાંચ વિકેટે માત્ર 151 રન જ બનાવી લીધા છે. ભારતીય ટીમ હજુ ઓસ્ટ્રેલિયાથી 318 રન પાછળ છે, જ્યારે તેની માત્ર પાંચ વિકેટ બાકી છે.
હરભજન સિંહનો આ વીડિયો સોશિયલ મીડિયા પર ઘણો ખળભળાટ મચાવી રહ્યો છે. કેટલાક પાકિસ્તાની ચાહકોએ આ વીડિયો જોયા બાદ કહ્યું કે હરભજન સિંહ માટે તેમનું સન્માન વધુ વધી ગયું છે. એક વ્યક્તિએ આ પ્રશંસકને પૂછ્યું કે આ ભારતીય ક્રિકેટર કયા પાકિસ્તાની ક્રિકેટર સાથે મિત્ર છે, તો આ પ્રશંસકે તરત જ શોએબ અખ્તરનું નામ લીધું.
My respect for Harbhajan Singh just went on to another level ♥️ #WTCFinal2023 #WTCFinal @harbhajan_singh @shoaib100mph pic.twitter.com/yvuJxEEpt4
— Farid Khan (@_FaridKhan) June 8, 2023
હરભજન સિંહ અને શોએબ અખ્તર ભલે મેદાન પર લડતા જોયા હશે, પરંતુ મેદાનની બહાર બંને વચ્ચે સારી મિત્રતા છે અને બંને એકબીજાના પગ ખેંચતા રહે છે. ભારત 13 વર્ષથી ICC ટ્રોફી જીતી શક્યું નથી. ભારતે છેલ્લી ICC ટ્રોફી 2013માં જીતી હતી, જ્યારે મહેન્દ્ર સિંહ ધોનીની કપ્તાનીમાં ભારતે ઈંગ્લેન્ડમાં જ ચેમ્પિયન્સ ટ્રોફી જીતી હતી.
