બિહારમાં એક અન્ય શેલ્ટર હોમની વિદ્યાર્થિનીઓએ જાતીય સતામણીનો આરોપ લગાવ્યો છે, જે બાદ તેના ઈન્ચાર્જની ધરપકડ કરવામાં આવી છે. રવિવારે આ માહિતી આપતા એક વરિષ્ઠ પોલીસ અધિકારીએ જણાવ્યું કે, શનિવારે ધરપકડ બાદ ગાયઘાટ શેલ્ટર હોમના અધિક્ષકને કોર્ટમાં રજૂ કરવામાં આવ્યા હતા, જ્યાંથી તેમને ન્યાયિક કસ્ટડીમાં મોકલી દેવામાં આવ્યા છે.પટનાના વરિષ્ઠ પોલીસ અધિક્ષક (એસએસપી) માનવજીત સિંહ ધિલ્લોન. પીટીઆઈને કહ્યું, “શારીરિક શોષણની ફરિયાદો પર ધ્યાન આપવા માટે એક વિશેષ તપાસ ટીમ (એસઆઈટી) ની રચના કરવામાં આવી છે. સીઆરપીસીની કલમ 164 હેઠળ મેજિસ્ટ્રેટ સમક્ષ નોંધાયેલા નિવેદનોમાં, ત્રણ છોકરીઓએ જાતીય શોષણની ફરિયાદ કરી છે.” જ્યારે અન્ય કેટલાક લોકોએ કહ્યું કે તેને અધિક્ષક દ્વારા વારંવાર માર મારવામાં આવતો હતો.
જો કે, તેમણે કહ્યું કે મોટાભાગના કેદીઓએ એવા નિવેદનો આપ્યા હતા જે “ખૂબ અસ્પષ્ટ હતા અને અન્ય લોકોની સંડોવણીના ઓછા સંકેત આપ્યા હતા.” “હજુ પણ, અમારી પાસે જે પણ માહિતી છે તેની મદદથી અમે ઊંડાણપૂર્વક તપાસ કરવાનો પ્રયાસ કરી રહ્યા છીએ,” એસએસપીએ કહ્યું.
