પ્રિયંકા ચોપરા અને નિક જોનસ તાજેતરમાં જ નિક જોનસના ભાઈ જો જોનસની બર્થડે પાર્ટીમાં સાથે જોવા મળ્યા હતા. બર્થ ડે પાર્ટીની થીમ જેમ્સ બૉન્ડ પર હતી. પ્રિયંકા ચોપરા અને નિક જોનાસને જોઈને બધાંનું ધ્યાન તેમના પર જ સ્થિર થઈ ગયું હતુ.
નિક જોનસે બ્લેક સૂટ અને વાઇટ શર્ટ પહેર્યું હતું અને પ્રિયંકાએ ખુબ જ સુંદર બ્લેક ડ્રેસ પહેર્યો હતો. પ્રિયંકા નિકની જોડીને લોકો ખુબ જ પસંદ કરે છે. આ પ્રસંગે સોફી ટર્નરે ગાઉન પહેર્યો હતો અને સોફી ટર્નર અને જો જોનસ પણ સાથે ખૂબ જ સુંદર દેખાતા હતા. હવે તેમના બર્થડેની તસવીરો સોશિયલ મીડિયા પર વાયરલ થઈ રહી છે. બધાં લોકો તેમના લૂકના વખાણ કરી રહયા છે. પ્રિયંકા ચોપરા ટૂંક સમયમાં જ ફિલ્મ ‘ધ સ્કાય ઇઝ પિન્ક’માં દેખાશે. આ ફિલ્મમાં તેના સિવાય ઝાયરા વસીમ અને ફરહાન અખ્તર મુખ્ય ભૂમિકામાં છે. આ ફિલ્મનું નિર્દેશન સોનાલી બૉઝે કર્યું છે. આ ફિલ્મ ટૂંક સમયમાં રિલીઝ થવાની છે. આ ફિલ્મને લઈને તે ખૂબ જ ઉત્સાહિત છે.
