અમદાવાદ શહેરના ગુજરાત યુનિવર્સિટી પાસે બસ સ્ટેન્ડ નજીક ઉભેલી બસમાં અચાનક આગ લાગી હતી અને ગણતરીની મિનિટોમાં આખી બસ આગની લપેટમાં આવી ગઈ હતી. સદનસીબે આગની આ ઘટનામાં કોઈ જાનહાની થઈ ન હતી. પ્રાપ્ત માહિતી અનુસાર અમદાવાદમાં ગુજરાત યુનિવર્સિટી પાસે આવેલા AMTS બસ સ્ટોપ પાસે ઉભેલી એક બસમાં આગ લાગી હતી. કોલેજ અને નોકરીએ જવાનો સમયે ગુજરાત યુનિવર્સિટી પાસે આવેલા AMTS બસ સ્ટોપ પાસે ઉભેલી એક બસમાં બસનો ડ્રાઇવરે બસ ચાલુ કરતા અચાનક ધૂમાડા નીકળવાનો ચાલુ થયો હતો અને જોતજોતામાં આગ લાગી હતી. ગણતરીની મિનિટોમાં બસ આગની લપેટમાં આવી ગઈ હતી. બસનો ચાલક અને કંડકટર સમય સૂચકતા દાખવીને તાત્કાલિક નીચે ઉતરી ગયા હતા. આ બનાવને પગલે રોડ ઉપરથી પસાર થતા લોકો મોટી સંખ્યામાં એકત્ર થઈ ગયા હતા. આ ઘટનાની જાણ થતા જ ફાયરબ્રિગેડની બે ગાડીઓ તાત્કાલિક સ્થળ પર દોડી ગઈ હતી. તેમજ પાણીનો મારો ચલાવીને આગ ઉપર કાબુ મેળવ્યો હતો. આગમાં કોઈપણ જાનહાની થઈ નથી. બસમાં કયા કારણોસર આગ લાગી હતી તે હજુ સુધી જાણી શકાયું નથી.
LD એન્જિનિયરીંગ કોલેજની બહાર AMTS બસમાં આગ
