યુએઈ ખાતે હાલ IPL-2020 ટૂર્નામેન્ટ ચાલી રહી છે. જેમાં સનરાઈઝર્સ હૈદરાબાદનો કેપ્ટન અને ઓસ્ટ્રેલિયાનો સ્ટાર ઓપનર બેટ્સમેન ડેવિડ વાર્નરની ટીમ પણ રમી રહી છે. મેદાન પર તે બેટિંગ દરમિયાન પોતાના બેટથી દર્શકોનું ભરપુર મનોરંજન પુરૂ પાડે છે. તો ફિલ્ડિંગ દરમિયાન પોતાની ચપળતાથી અવાર નવાર ચોંકાવતો રહે છે.
પરંતુ આ ઓપનર બેટ્સમેન મોટા ભાગે શાંત અને કોઈ વિવાદમાં ઉતરતો નથી. પણ તાજેતરમાં તેનો એક વિચિત્ર વીડિયો સામે આવ્યો છે. ઓપનિંગ બેટ્સમેને તેના એક શરમજનક વીડિયોને ઓફિશિયલ ઇન્સ્ટાગ્રામ હેન્ડલ પર પોસ્ટ કર્યો. આ વીડિયોમાં વોર્નર અને જોની બેરસ્ટોને મેચ કોમેન્ટેટર સાથે જોવા મળી રહ્યાં છે. કોમેન્ટેટર સાથે વાત કરતા કરતા વોર્નરે અચાનક જ વા છૂટ કરી હતી. આમ કરતી વખતે તેણે પોતાનું માઈક પણ પાછળ લીધુ હતું અને તેમાંથી રીતસરની વા છૂટનો અવાજ સંભળાયો હતો.
https://www.instagram.com/p/CGcmxsjpICe/?utm_source=ig_web_copy_link
ત્યાર બાદ વોર્નર રીતસરનો હસી પડ્યો હતો. વાર્નરની સાથો સાથ બેરસ્ટ્રો અને સાથી કોમેન્ટેટર પણ જોર જોરથી હસી પડે છે. વોર્નરની આ હરકતથી ક્રિકેટ ચાહકો પણ આશ્ચર્ય પામે છે. આ વિડિઓ શેર કરતા વાર્નરે લખ્યું હતું કે – કેટલું શરમજનક… અરે… વોર્નરના આ વિડિયોને લોકો ખૂબ જ પસંદ કરી રહ્યા છે તો ઘણા યુઝર્સે વોર્નરને હૈદરાબાદની હવા લાગી ગઈ હોવાનું કહી રહ્યા છે.
