ગુજરાતમાં દિવાળી પછી કોરોના સંક્રમણ વધતાં રૂપાણી સરકાર ફરી એકવાર હરકતમાં આવી ગઈ છે. તેમજ કોરોનાને કાબૂમાં લેવા માટે પ્રયાસો શરૂ કરી દેવામાં આવ્યા છે. જ્યાં સ્કૂલ અને કોલેજો 23મીથી શરુ થવાની હતી તે નિર્ણય હાલ મોકૂફ રાખવામાં આવ્યો છે. ત્યારે જીપીએસસીની પરીક્ષાની તૈયારી કરતા વિદ્યાર્થીઓ માટે મહત્વના સમાચાર સામે આવ્યા છે. જીપીએસસીએ પરીક્ષાઓ મોકૂફ રાખી છે.
આગામી 22મી નવેમ્બરથી શરૂ થતી જીપીએસસીની પરીક્ષા મોકૂફ રાખવામાં આવી છે. નોંધનીય છે કે, 22, 24, 26, 28 & 29 પરીક્ષા લેવાવાની હતી. જીપીએસસી દ્વારા લેવાનાર મેડીકલ ટીચર્સની પરીક્ષાઓ હાલ પુરતી મોકૂફ રાખવામાં આવી છે. તેમજ નવી તારીખો ટૂંક સમયમાં જાહેર કરવામાં આવશે.
પરીક્ષાર્થીઓને નવી તારીખ એસએમએસ-ઈમેઈલ મારફતે મોકલવામાં આવશે. તો બીજીબાજુ આવતીકાલે લેવામાં આવનાર જીટીયુની પીએચડી પ્રવેશની પરીક્ષા પણ મોકૂફ રાખવાનો નિર્ણય લેવામાં આવ્યો છે.
