માર્ગ પરિવહન અને હાઇવે મંત્રાલયે સેન્ટ્રલ મોટર વ્હિકલ્સ નિયમો, 1989 માં સુધારો કરવાની દરખાસ્ત કરી છે. તેમાં નવા નિયમ હેઠળ, વાહનોના માલિક નોંધણી પ્રમાણપત્રમાં કોઈપણ એક વ્યક્તિને નોમિનેટ કરી શકશે. મંત્રાલયે એક નિવેદનમાં જણાવ્યું છે કે વાહનોના નોંધણી સમયે નોમિની સુવિધાને સમાવવાનો પ્રસ્તાવ છે. આ વાહન માલિકના મૃત્યુની સ્થિતિમાં નોમિનીના નામે મોટર વાહન નોંધણી / સ્થાનાંતરિત કરવામાં મદદ કરશે. અત્યારે આ પ્રક્રિયા ખૂબ જટિલ છે અને દેશભરમાં એકરૂપતા નથી. તેમાં કહેવામાં આવ્યું છે કે સરકારે ‘સૂચિત સુધારા અંગે જાહેર જનતા અને તમામ હોદ્દેદારોના સૂચનો અને ટિપ્પણીઓ આમંત્રિત કરી હતી’.
તેમાં જણાવાયું છે કે સૂચિત સુધારામાં ‘વધારાની જોગવાઈ ઉમેરવાનો પ્રસ્તાવ મૂકવામાં આવ્યો છે જ્યાં વાહન માલિક તેની મૃત્યુની ઘટનામાં વાહનના કાનૂની વારસદાર તરીકે કોઈને નોમિનેટ કરી શકે, જેના માટે નામાંકિતનું માન્ય ઓળખકાર્ડ રજૂ કરવું પડશે.
માર્ગ વાહન વ્યવહાર મંત્રાલયે મોટર વાહન અધિનિયમ 1989 માં ફેરફાર કરવા સૂચનો પણ માંગ્યા છે. આરસીને લઈને વિવિધ સ્વરૂપોમાં ફેરફાર કરવા સૂચનો પણ માંગવામાં આવ્યા છે. જો નોમિનીનું નામ પહેલેથી જ છે, તો વાહનના માલિકની મૃત્યુના કિસ્સામાં તેણે પોર્ટલ પર મૃત્યુનું પ્રમાણપત્ર અપલોડ કરવું પડશે. તે પછી તેણે તેના નામ પર નોંધણી પ્રમાણપત્ર માટે અરજી કરવાની રહેશે. જો નામાંકિત દ્વારા આધાર પ્રમાણીકરણની પસંદગી કરવામાં આવે છે, તો નવી આરસી ફેસલેસ હશે.
