મહારાષ્ટ્રના સિદ્ધિવિનાયક મંદિરનો એક એવો વીડિયો સામે આવ્યો છે જે જોઈને સૌ કોઈ હેરાન છે. આ વીડિયો હાલ સોશિયલ મીડિયામાં ખૂબ જ વાયરલ થઈ રહ્યો છે. વીડિયોમાં જોઈ શકાય છે કે મંદિરના દ્વાર પર બેઠેલ એક કુતરુ મંદિરે દર્શન કરવા આવતા ભક્તોને આશીર્વાદ આપી રહ્યું છે.
મળતી માહિતી મુજબ, મહારાષ્ટ્રમાં એક મંદિરની બહાર બેઠેલુ કુતરુ હાલ ચર્ચાનું કેન્દ્ર બન્યું છે. આ કુતરુ મંદિરમાં દર્શન માટે આવતા ભક્તો જોડે માત્ર હાથ મિલાવતો નથી પણ તેમને માથા પર હાથ મુકીને આશીર્વાદ પણ આપે છે. તો લોકો પણ આ કુતરા પાસે શિશ ઝુકાવીને આશીર્વાદ લઈ રહ્યા છે.
આ વીડિયોને ફેસબુક પર અરુણ લીમાદીયા નામના યુઝર દ્વારા શેર કરવામાં આવ્યો હતો. લોકો એક પશુને પુજારીની જેમ વર્તન કરતા જોઈને આશ્ચર્યચકિત થયા છે. મહત્વનું છે કે, સોશિયલ મીડિયામાં કોઈને કોઈ મુદ્દો અવાર નવાર વાયરલ થતો હોય છે. ત્યારે હાલમાં આ કુતરાનો આશીર્વાદ આપતો વીડિયો વાયરલ થયો છે.
