સરકારી અને ખાનગી બેંકોમાં ખાતા ધરાવતા કરોડો ગ્રાહકોને મોટો ફટકો પડ્યો છે. જો તમારું પણ બેંક ખાતું છે તો હવે તમારે વધારે પૈસા ખર્ચવા પડશે. ICICI બેંક અને પંજાબ નેશનલ બેંકે MCLR દરમાં વધારો કર્યો છે. આ બેંકોમાં ખાતાધારકોની EMI વધી છે. ICICI બેંકે કેટલીક મુદત માટે વ્યાજ દરમાં ઘટાડો કર્યો છે, જ્યારે પંજાબ નેશનલ બેંકે તમામ મુદત માટે તેના વ્યાજ દરમાં વધારો કર્યો છે.
ખાનગી ક્ષેત્રની ICICI બેંકની વાત કરીએ તો, આ બેંકે વ્યાજ દરોમાં ઘટાડો કર્યો છે, એટલે કે ગ્રાહકોની EMI ઘટી છે. બેંકે રાતોરાત વ્યાજ દર 8.5 ટકાથી ઘટાડીને 8.35 ટકા કર્યો છે. આ સિવાય 3 મહિના માટેના દરોમાં પણ 15 બેસિસ પોઈન્ટનો ઘટાડો કરવામાં આવ્યો છે. તેના દર 8.55 ટકાથી ઘટીને 8.40 ટકા થયા છે. જો ICICI બેંક 6 મહિના અને એક વર્ષના સમયગાળા માટેના વ્યાજ દરોની વાત કરીએ તો બેંકે તેમાં વધારો કર્યો છે. આમાં બેંકે 5 બેસિસ પોઈન્ટનો વધારો કર્યો છે. આમાં તમારે 8.85 ટકાના દરે વ્યાજ ચૂકવવું પડશે.
દેશની સરકારી બેંક PNB એ તમામ સમયગાળા માટે વ્યાજ દરોમાં વધારો કર્યો છે. PNBએ MCLR રેટમાં 10 બેસિસ પોઈન્ટનો વધારો કર્યો છે. બેંકના નવા વ્યાજ દર 1 જૂનથી અમલમાં આવી ગયા છે. PNBની સત્તાવાર વેબસાઇટ અનુસાર, બેંકે રાતોરાત MCLR દરોમાં 10 બેસિસ પોઈન્ટનો વધારો કર્યો છે, ત્યારબાદ વ્યાજ દર 8 થી વધીને 8.10 ટકા થઈ ગયો છે.
આ સિવાય એક મહિના, 3 મહિના અને 6 મહિનાના દરમાં પણ વધારો થયો છે. એક મહિનાનો વ્યાજ દર 8.20 ટકા, 3 મહિનાનો વ્યાજ દર 8.30 ટકા, 6 મહિનાનો વ્યાજ દર 8.50 ટકા થયો છે. આ સિવાય એક વર્ષના MCLR રેટને વધારીને 8.60 ટકા અને 3 વર્ષના MCLR રેટને 8.90 ટકા કરવામાં આવ્યા છે.
બેંક તરફથી મળેલી માહિતી અનુસાર, જો આપણે અલગ-અલગ સમયગાળાના વ્યાજ દરની વાત કરીએ તો ગઈકાલથી તમારી EMI વધી ગઈ છે. હવેથી તમારે વધુ પૈસા ખર્ચવા પડશે. આ સિવાય ICICI બેંકે વ્યાજ દરોમાં ઘટાડો કર્યો છે, તેથી તમારી EMI ઘટી જશે.
