ટ્રેનોને લઈને ઘણા નિર્ણયો રેલવે દ્વારા લેવામાં આવે છે. હવે જો તમે પણ આગામી દિવસોમાં દિલ્હી, પંજાબથી કેરળ જવાનો કોઈ પ્લાન બનાવી રહ્યા છો, તો આ તમારા માટે ઉપયોગી સમાચાર છે. રેલવેએ હવે ફરી ઘણી ટ્રેનોના સમયમાં ફેરફાર કર્યો છે. રેલવેએ જણાવ્યું કે દિલ્હીથી કેરળ જતી ઘણી ટ્રેનોના સમયપત્રકમાં ફેરફાર કરવામાં આવ્યો છે. તમારે મુસાફરી પહેલા એ પણ ચેક કરી લેવું જોઈએ કે કઈ ટ્રેનોના શેડ્યૂલ બદલાયા છે.
માહિતી આપતા, ભારતીય રેલ્વેએ જણાવ્યું છે કે ટ્રેનોના સમયપત્રકમાં આ ફેરફાર 10 જૂન, 2023 થી 31 ઓક્ટોબર, 2023 સુધી લાગુ થશે.
>> ટ્રેન નંબર 12617 – એર્નાકુલમ જંક્શન – હઝરત નિઝામુદ્દીન દૈનિક મંગલા લક્ષદ્વીપ એક્સપ્રેસનો સમય બદલવામાં આવ્યો છે. હવે આ ટ્રેન તેના સમયના 3.15 કલાક પહેલા ઉપડશે. આ ટ્રેન હવે એર્નાકુલમ જંક્શનથી 10.10 વાગ્યે ઉપડશે.
>> ટ્રેન નંબર 12618 – હઝરત નિઝામુદ્દીન – એર્નાકુલમ જંક્શન મંગલા લક્ષદ્વીપ ડેઈલી એક્સપ્રેસ એર્નાકુલમ જંક્શન 10.25 કલાકે પહોંચશે.
>> ટ્રેન નંબર 12431 તિરુવનંતપુરમ સેન્ટ્રલ – હઝરત નિઝામુદ્દીન ત્રિ-સાપ્તાહિક રાજધાની એક્સપ્રેસ તેના નિર્ધારિત સમય કરતાં 4 કલાક 35 મિનિટ મોડી દોડશે. આ ટ્રેન મંગળવાર, ગુરુવાર અને શુક્રવારે ઉપડશે. આ ટ્રેન તિરુવનંતપુરમ સેન્ટ્રલથી 14.40 કલાકે ઉપડશે.
>> ટ્રેન નંબર 12432 – હઝરત નિઝામુદ્દીન-તિરુવનંતપુરમ સેન્ટ્રલ રાજધાની એક્સપ્રેસ – 2 કલાક 15 મિનિટ મોડી દોડશે. આ ટ્રેન રવિવાર, મંગળવાર અને બુધવારે 01.50 કલાકે તિરુવનંતપુરમ સેન્ટ્રલ પહોંચશે.
>> ટ્રેન નંબર 22149 – એર્નાકુલમ જંક્શન – પુણે જંકશન દ્વિ સાપ્તાહિક એક્સપ્રેસનો સમય પણ બદલવામાં આવ્યો છે. હવે આ ટ્રેન 3 કલાક વહેલા ઉપડશે. રવિવાર અને શુક્રવારે એર્નાકુલમ જંકશનથી રવાના થશે.
>> ટ્રેન નંબર – 22655 એર્નાકુલમ જંકશન – હઝરત નિઝામુદ્દીન સુપરફાસ્ટ ટ્રેન પણ 3 કલાક વહેલા ઉપડશે.
>> ટ્રેન નંબર – 12217 કોચુવેલી-ચંદીગઢ દ્વિ-સાપ્તાહિક સુપરફાસ્ટ એક્સપ્રેસ પણ 4 કલાક 20 મિનિટ વહેલા ઉપડશે. સોમવાર અને શનિવારે કોચુવેલીથી રવાના થશે.
>> ટ્રેન નંબર – 12483 કોચુવેલી-અમૃતસર વીકલી સુપરફાસ્ટ એક્સપ્રેસ પણ 4 કલાક 20 મિનિટ વહેલા ઉપડશે.
>> ટ્રેન નંબર – 20923 તિરુનેલવેલી જંકશન – ગાંધીધામ જંકશન સાપ્તાહિક હમસફર સુપરફાસ્ટ 2 કલાક 45 મિનિટ પહેલા ઉપડશે.
