અમદાવાદ-વડોદરા એક્સપ્રેસ વે પર નડિયાદ નજીક આજે સવારે એક મોટો અકસ્માત સર્જાયો હતો. એસટી બસ અને કાર વચ્ચે અથડામણમાં બે મુસાફરોના ઘટના સ્થળે જ મોત નિપજ્યા હતા. તો 10 જેટલા મુસાફરો ઘાયલ થયા છે. અકસ્માતની જાણ થતાં જ એક સાથે પાંચ એમ્બ્યુલન્સ દોડવા લાગી હતી. ઇજાગ્રસ્તોને તાત્કાલિક હોસ્પિટલમાં ખસેડવામાં આવ્યા હતા.
પ્રાપ્ત માહિતીના પગલે અમદાવાદ-વડોદરા એક્સપ્રેસ વે પર નડિયાદ નજીક અકસ્માત સર્જાયો હતો. કાર અને એસટી બસ વચ્ચે ટક્કર થઈ હતી. એસયુવી કાર અચાનક રોંગ સાઇડમાં આવી જતાં આ અકસ્માત સર્જાયો હતો. જેમાં એસટી બસ બેકાબુ બની હતી. જેમાં બે વ્યક્તિના ઘટનાસ્થળે જ મોત થયા હતા. જેથી દસ લોકો ઘાયલ થયા હતા. ઘાયલોમાં બે મુસાફરોની હાલત અત્યંત ગંભીર છે.
અકસ્માતની જાણ થતાં જ નડિયાદ, આણંદ, ઉત્તરસંડાની પાંચ એમ્બ્યુલન્સ ઘટના સ્થળે પહોંચી ગઈ હતી. તમામ ઇજાગ્રસ્તોને સારવાર માટે નડિયાદ સિવિલ હોસ્પિટલમાં ખસેડવામાં આવ્યા છે.
