કેબિનેટ મંત્રી ગણત વસાવાના અધ્યક્ષ સ્થાને સુરત જિલ્લાના તરસાડી નગર ભાજપ પ્રમુખની વરણીનો કાર્યક્રમ યોજાયો હતો. જેમાં તરસાડી નગર ભાજપ પ્રમુખ તરીકે દેવેન્દ્રસિંહ ચૌહાણની વરણી કરવામાં આવી હતી. રાજ્યમાં હાલ ભાજપ દ્વારા મંડળોના પ્રમુખ અને હોદ્દેદારો નિમવાની પ્રક્રિયા ચાલુ છે ત્યારે સુરત જિલ્લા માંગરોળ તાલુકાના તરસાડી નગર ખાતે આવેલ કોમ્યુનિટી હોલમાં નગર સંગઠન પ્રમુખની આજે વરણી કરવામાં આવી હતી. કેબીનેટ મંત્રી ગણપત વસાવાના અઘ્યક્ષ સ્થાને કાર્યક્રમ યોજાયો હતો. જિલ્લા સંરચના અધિકારી અર્જુન વસાવાએ પ્રમુખના નામની જાહેરાત કરી હતી, 2017 વિધાન સભા અને 2019 લોકસભાના તરસાડી નગરના સારા પરિણામો દેવેન્દ્રસિંહ ચૌહાણને ફળ્યા હતા. અને પૂનઃ દેવેન્દ્રસિંહ ચૌહાણના નામની જાહેરાત કરાય હતી તેમજ નગરના મહામંત્રી તરીકે અમિત કોસાડા, બંકીમ દેસાઈની નિમણૂક કરવાની જાહેરાત કરવામાં આવી હતી. કાર્યક્રમમાં જિલ્લા પંચાયતના પ્રમુખ, મહામંત્રી, સહિતના આગેવાનો તેમજ મોટી સંખ્યામાં કાર્યકરો હાજર રહ્યા હતા, કાર્યકરોએ પુષ્પગુચ્છ આપી દેવેન્દ્રસિંહ ચૌહાણને ફરીથી પ્રમુખ બનવા બદલ શુભકામનાઓ પાઠવી હતી.
