ઓનલાઇન ઓર્ડરના આધારે ફૂડની હોમ ડિલીવરી કરતી કંપનીઓમાં વધેલા વ્યાપ બાદ હવે ડિલીવરી બોય દ્વારા ફૂડની આડમાં દારૂ-બીયરની પણ ડિલીવરી કરવાની શરૂ થઇ હોવાનો કિસ્સો પ્રકાશમાં આવ્યો છે. વડોદરામાં ગોત્રી વિસ્તારમાં ફૂડની સાથે સાતે બીયરની ટીન પણ ડિલીવરી કરતા સ્વિગીના એક ડિલીવરી બોયને પોલીસે ઝડપી પાડ્યો હતો.
પોલીસ સૂત્રોના જણાવ્યા અનુસાર વડોદરાના ગોત્રી વિસ્તારમાં આવેલા નદીશ કોમ્પ્લેક્ષ પાસેથી એક સ્વિગીનો ડિલીવરી બોય બીયરના ટીનની ડિલીવરી આપવા માટે જઇ રહ્યો હોવાની બાતમની મળતાં લક્ષ્મીપૂરા પોલીસ મથકના ઇન્ચાર્જ પો.ઇ. કે.એ.ગોહીલ, પીએસઆઇ આર.એન. બારૈયા તથા એ.એસ.આઇ કાર્તીકસિંહ કિશોરસિંહ સહિતના સ્ટાફે વોચ રાખી હતી. બાઈક પર સ્વીગીની બેગ સાથે પસાર થઇ રહેલા એક યુવાનને આંતરીને પોલીસે તેની પૂછપરછ કરતાં લક્ષ્મીપુરા ગામનો રાહુલસિંહ કરણસિંહ મહીડા હોવાનું તેણે જણાવ્યુ હતુ. તેની બેગમાંથી બીયરના છ ટીન મળી આવ્યા હતા. તે ડિલીવરી આપવા માટે જઇ રહ્યો હોવાનું જણાવ્યુ હતુ. પોલીસે તેની વધુ પૂછપરછ કરતાં તે સ્વિગી કંપનીમાં છેલ્લા કેટલાક સમયથી ડિલીવરી બોય તરીકે ફરજ બજાવતો હતો. પરંતુ તેણે બીયરના ટીન સપ્લાય કરવાનો વ્યક્તિગત ધોરણે પહેલો જ ઓર્ડર લીધો હતો. જેમાં જ તે પકડાઇ ગયો હતો. પોલીસે તેની સામે ગુનો દાખલ કરીને તેની બાઈક, મોબાઇલ વગેરે મત્તા કબ્જે કરીને ધરપકડ કરીને કાયદેસરની કાર્યવાહી હાધ ધરી હતી.
https://www.facebook.com/shubhagrawal1996/videos/vb.100002554694144/2331819706913163/?type=2&theater¬if_t=video_processed¬if_id=1566142873509227