કેન્દ્ર સરકાર દિલ્હીના વર્તમાન મુખ્ય સચિવ નરેશ કુમારનો કાર્યકાળ છ મહિના વધારવા માંગે છે. સુપ્રીમ કોર્ટ દ્વારા ઉઠાવવામાં આવેલા પ્રશ્નના જવાબમાં કેન્દ્ર સરકારે કહ્યું છે કે તેને આવું કરવાનો અધિકાર છે અને આ પહેલા મુખ્ય સચિવોનો કાર્યકાળ 57 વખત લંબાવવામાં આવ્યો છે. ઉલ્લેખનીય છે કે દિલ્હી સરકાર અને નરેશ કુમાર વચ્ચે ઘર્ષણ ચાલી રહ્યું છે. નરેશ કુમારનો કાર્યકાળ 30 નવેમ્બરે પૂરો થઈ રહ્યો છે. દિલ્હીની આમ આદમી પાર્ટીની સરકારે સુપ્રીમ કોર્ટમાં અરજી દાખલ કરીને તેની સંમતિથી નવા મુખ્ય સચિવની નિમણૂક કરવાની માંગ કરી છે.
