ઓગસ્ટમાં જીએસટી કલેક્શન ફરી એકવાર શાનદાર રહ્યું છે. રોઇટર્સના રિપોર્ટ અનુસાર, ગયા વર્ષના ઓગસ્ટ મહિનાની સરખામણીએ આ વર્ષે ઓગસ્ટમાં GST કલેક્શનમાં 11 ટકાનો વધારો થયો છે. અહેવાલો અનુસાર ઓગસ્ટ મહિનામાં GST કલેક્શન 1.44 લાખ કરોડ રૂપિયા રહ્યું છે. આ જુલાઈ કરતાં ઓછો છે.
જુલાઈમાં GST કલેક્શન કેટલું હતું?
સરકારી આંકડા મુજબ જુલાઈ મહિનામાં જીએસટી કલેક્શન રૂ. 1.65 લાખ કરોડ હતું. જે વાર્ષિક ધોરણે 11 ટકા વધુ હતું. આ પાંચમી વખત હતો જ્યારે GST કલેક્શન રૂ. 1.60 કરોડને વટાવી ગયું છે.
તહેવારોની સિઝન ફરી શરૂ થઈ રહી છે. જેના કારણે લોકો વધુને વધુ ખરીદી કરશે. આવી સ્થિતિમાં, આગામી મહિનાઓમાં જીએસટી કલેક્શન વધુ સારું રહેવાની અપેક્ષા છે.
મહેસૂલ સચિવ સંજય મલ્હોત્રાએ જણાવ્યું હતું કે એપ્રિલ-જૂન ક્વાર્ટરમાં આર્થિક વૃદ્ધિ દર (જીડીપી) 7.8 ટકા હતો. તેમણે કહ્યું, “જૂન ક્વાર્ટરમાં GSTની આવકમાં 11 ટકાથી વધુનો વધારો થયો છે. મતલબ કે ટેક્સ-જીડીપી રેશિયો 1.3 કરતા વધારે છે.
