આગામી પહેલી ફેબ્રુઆરીથી ધોરણ-9 અને ધોરણ-11નું સ્કૂલોમાં શિક્ષણ કાર્ય શરૂ કરવાની ગુજરાત સરકાર દ્વારા જાહેરાત કરવામાં આવી છે. શિક્ષણ મંત્રી ભૂપેન્દ્રસિંહ ચુડાસમાએ પત્રકાર પરીષદમાં જણાવ્યું હતું કે, કેબિનેટમાં ધોરણ 9 અને 11નું સ્કૂલોમાં શિક્ષણ કાર્ય પહેલી ફેબ્રુઆરીથી શરૂ કરવાની મંજૂરી આપવામાં આવી છે.

અગાઉ ધો. 10,12માં કલાસરૂમમાં શૈક્ષણિક કાર્ય હાથ ધર્યા પછી હવે ધો. 9 અને 11માં પણ કલાસરૂમમાં શૈક્ષણિક કાર્યને મંજૂરી આપી દેવામાં આવી છે.

મળતી માહિતી મુજબ, કોરોના મહામારીને કારણે ઓફલાઇનને બદલે ઓનલાઇન શૈક્ષણિક કાર્ય કરાવ્યા પછી ઓફલાઇન શૈક્ષણિક કાર્ય હાથ ધરવું પણ સરકાર માટે પડકારજનક છે. કોરોનાના ડરને કારણે ઓછી હાજરીનો પ્રશ્ન છે, તેવા સંજોગોમાં રાજય સરકાર હવે ધોરણ 9 અને 11ના વર્ગો શરૂ કરવા મંજૂરી આપી છે. બીજીબાજુ કોરોનાની ગાઈડલાઈન મુજબ ટ્યુશન ક્લાસ 1 ફેબ્રુઆરીથી શરુ કરવા પણ અનુમતી આપવામાં આવી હોવાની માહિતી સામે આવી છે.

અમદાવાદ મહાનગર પાલિકા દ્વારા ફ્રન્ટલાઈન કોરોના વોરીયર્સ માટે શાહીબાગ ખાતે આવેલ બી.એ.પી.એસ. યોગીજી મહારાજ હોસ્પિટલમાં કોરોના રસીકરણ કેન્દ્રનો આરંભ કરવામાં આવ્યો છે. આ પ્રસંગે બી.એ.પી.એસ. સ્વામિનારાયણ મંદિર શાહીબાગના કોઠારી પૂજ્ય આત્મકીર્તિ સ્વામી, પૂજ્ય નિખિલેશ સ્વામી તથા અન્ય સંતોની ઉપસ્થિતિમાં ઠાકોરજીના વિધિવત વેદોક્ત પૂજન બાદ રસીકરણનો આરંભ થયો હતો.

આ પ્રસંગે અમદાવાદ મ્યુનિસિપલ કોર્પોરેશનના મધ્ય ઝોનના ડે. મ્યુ. કમિ. શ્રી વિપુલ મહેતા, મેડી. ઓફિસર હેલ્થ શ્રી ભાવિનભાઈ સોલંકી, ડેપ્યુટી હેલ્થ ઓફિસર (મધ્ય ઝોન) ડો. હેમેન્દ્ર આચાર્ય, આસિ. કમિ. શાહીબાગ વોર્ડ સાગરભાઈ પિલુચીયા સહિત કોર્પોરેશનના ઉચ્ચ અધિકારીઓ હાજર રહ્યા હતા.

બી.એ.પી.એસ. યોગીજી મહારાજ હોસ્પિટલ તથા કોર્પોરેશનના ડોક્ટર્સ તથા પેરામેડીકલ સ્ટાફે રસીકરણનો લાભ લીધો છે.

અત્રે ઉલ્લેખનીય છે કે કોરોના મહામારીના વિકટ સંજોગોમાં લોકહિતના અનેક સેવાકાર્યોનું વહન કરનારી બી.એ.પી.એસ. સંસ્થા પરમ પૂજ્ય મહંત સ્વામી મહારાજના આશીર્વાદ અને માર્ગદર્શનથી કોરોના રસીકરણ અભિયાનમાં પણ વડોદરા અને સુરત બાદ અમદાવાદમાં પણ રસીકરણ કેન્દ્ર માટે જરૂરી સુવિધાઓ પૂરી પાડીને ખૂબ મહત્ત્વનું યોગદાન આપી રહી છે. અંદાજે 100 જેટલા લોકોને રસી આપવામાં આવી છે.

ગાંધીનગરથી અમદાવાદ વચ્ચે રોજના ઘણા લોકો અપડાઉન કરી રહ્યાં છે. ત્યારે રાજ્ય સરકાર દ્વારા હવે અમદાવાદ-ગાંધીનગર વચ્ચે ઇલેકટ્રીક બસ દોડાવાનો મહત્વનો નિર્ણય લેવામાં આવ્યો છે. જેને લઇને રોજ મુસાફરી કરતા લોકોને ઘણી રાહત મળશે.

ગાંધીનગર અને અમદાવાદમાં પ્રદૂષણને ઘટાડવા માટે એપ્રિલ માસમાં ઇલેક્ટ્રિક બસો ફાળવાશે. જોકે પ્રથમ તબક્કે 1 બસની ટ્રાયલ કર્યા બાદ તેને ઓકે કર્યા પછી જ એસ ટી નિગમ દ્વારા ગાંધીનગર અમદાવાદ વચ્ચે 20 બસ દોડાવાશે.

કોરોનાકાળ દરમિયાન રાજ્ય સરકાર દ્વારા ગાંધીનગર-અમદાવાદમાં પ્રદૂષણ અટકાવવા આ અંગેનો નિર્ણય લેવામાં આવ્યો છે. આ બસમાં 20 જેટલા મુસાફર મુસાફરી કરી શકશે. રાજ્ય સરકારે એપ્રિલ 2021માં ઇલેકટ્રીક બસ સેવા શરુ કરાશે, શરુઆતમાં 30 જેટલી ઇલેકટ્રીક બસ દોડશે. રાજ્ય સરકાર દ્વારા ગાંધીનગર અને અમદાવાદમાં પ્રદૂષણને ઘટાડવા માટે ઇલેક્ટ્રિક બસો દોડાવામાં આવશે. પ્રાપ્ત મળતી વિગત અનુસાર જોકે પ્રથમ તબક્કે 1 બસની ટ્રાયલ કર્યા બાદ તેને મંજૂરી આપ્યા પછી જ એસ ટી નિગમ દ્વારા ગાંધીનગર-અમદાવાદ વચ્ચે 30 ઇલેક્ટ્રિક બસો દોડાવાશે. એસી, અવાજ નહીં કરે તેવી તેમજ ઓછા સીટીંગ વાળી અને પ્રદૂષણ મુક્ત બસ હોવાનું એસ ટી નિગમના આધારભૂત સૂત્રોએ જણાવ્યું છે.