આમ તો બોલીવુડની દુનિયામાં ઘણા બધા રાઝ છુપાયેલા છે જે બહાર પણ આવ્યા છે. અત્યારે સુશાતસિંહ મોત કેસ બાદથી બોલીવુડના કેટલાક સરગનાઓ દ્વારા જ બોલીવુડનું સંચાલન કરવામાં આવતુ હોવાના આક્ષેપો પણ થયા. આ કેસ સાથે ડ્રગ્સ કનેક્શન જોડાયુ અને તેમાં પણ બોલીવુડના ઘણા સેલિબ્રિટીઓ સામેલ હોવાનું સામે આવ્યુ છે. ત્યારે બોલીવુડની હોટ અભિનેત્રીએ આ પડદા પાછળની દુનિયાનો ચોંકાવનારો ખુલાસો કર્યો છે.
સુશાંત સિંહ રાજપૂત કેસમાં ડ્રગ એંગલની તપાસ શરુ થયા પછી એવી વાત સામે આવી કે બોલિવૂડ ઇન્ડસ્ટ્રીમાં ડ્રગ પાર્ટીઝ થાય છે જેમાં સ્ટાર્સ ડ્રગ્સનું સેવન કરે છે. હવે ફિલ્મ કામસૂત્ર અભિનેત્રી શર્લિન ચોપડાએ ઇન્ડસ્ટ્રીમાં ડ્રગ્સ પાર્ટી થતી હોવાનો ખુલાસો કર્યો છે. તેણે કહ્યું કે સેલિબ્રિટીઓની પાર્ટીમાં ડ્રગ ઓફર કરવામાં આવે છે. અભિનેત્રીએ આ વખતે તેના સોશિયલ મીડિયા પર એક પોસ્ટ શેર કરી છે.
https://www.instagram.com/p/CE6a4EMhj0e/?utm_source=ig_web_copy_link
શર્લિન ચોપરાએ તેનો એક વીડિયો ઇન્સ્ટા પર શેર કર્યો છે. આ વીડિયોમાં તે યોગ કરતી જોવા મળી રહી છે. આ વીડિયો સામે આવતા શર્લિન કહે છે કે – તમે હંમેશા મારી ફિટનેસનું રહસ્ય પૂછો છો તો રહસ્ય ન્યુટ્રિશન, અનુશાસન અને યોગા. યોગથી થશે અવશ્ય થશે. વીડિયો શેર કરતા તેણે કેપ્શનમાં લખ્યું છે – “હું ચેન સ્મોકર હતી, પરંતુ ઓક્ટોબર 2017 માં મેં સ્મોકિંગ છોડી દીધું હતું. મેં હંમેશાં ડ્રગ્સથી મારું અંતર રાખ્યું છે. ઇન્ડસ્ટ્રીના લોકો પાર્ટીમાં બોલાવે છે અને ટ્રે પર ડ્રગ્સ આપે છે, પરંતુ લેવાનું નહીં. ”શર્લિનની પોસ્ટ સોશિયલ સાઇટ પર એકદમ વાયરલ થઈ રહી છે.
શર્લિને કાસ્ટિંગ કાઉચને લઈને પણ કર્યો હતો ખુલાસો
હોટ અભિનેત્રી તરીકે જાણીતી શર્લિને બોલિવૂડમાં કાસ્ટિંગ કાઉચ વિશે ખુલીને વાત કરી હતી. તેણે કહ્યું હતું કે તેણીએ પણ આનો સામનો કરવો પડ્યો છે. એક ઇન્ટરવ્યૂમાં શર્લિને કહ્યું કે જ્યારે મેં ફિલ્મ ઈન્ડસ્ટ્રીમાં પગ મૂક્યો ત્યારે મને ઘણા ફિલ્મ નિર્માતાઓ દ્વારા તેમની સાથે કોમ્પ્રોમાઇઝ કરવાનું કહેવામાં આવ્યું. અભિનેત્રીએ કહ્યું કે ત્યાં સુધી તે જાણતી નહોતી કે ‘ડિનર’ નો અસલી અર્થ કોમ્પ્રોમાઇઝ કરવાનું હોય છે.
