જો તમે ઉનાળાના વેકેશનમાં ટ્રેનમાં ક્યાંક ફરવા જઈ રહ્યા છો, તો આ સમાચાર તમારા માટે ઉપયોગી છે. આજકાલ દરેકના ફોનમાં વોટ્સએપ હોવું નાની વાત છે, પરંતુ શું તમે જાણો છો કે આ એપ ખૂબ જ ઉપયોગી છે. જો તમારા ફોનમાં વોટ્સએપ એપ છે તો તમે ગમે ત્યાં મુસાફરી કરતી વખતે સરળતાથી ટ્રેન PNR સ્ટેટસ અને ટ્રેનનું લાઈવ સ્ટેટસ ચેક કરી શકો છો.
રેલવેનું આ ફીચર વોટ્સએપ પર રીઅર ટાઈમ પીએનઆર સ્ટેટસ અને ટ્રેનની મુસાફરીની માહિતી આપે છે. આ સાથે તમને યાત્રા વોટ્સએપ પર ટ્રેન ઉપડવાનો સમય, ટ્રેનનો વિલંબ, સ્ટેશન એલર્ટ, આગામી સ્ટેશન જેવી માહિતી પણ મળે છે. આ માટે તમારે વોટ્સએપ ચેટબોટમાં ફક્ત 10 અંકનો PNR નંબર દાખલ કરવો પડશે અને બધી માહિતી પ્રાપ્ત થશે. જાણો WhatsAppના આ ફીચરનો તમે કેવી રીતે ઉપયોગ કરી શકો છો:
>> સૌપ્રથમ યુઝરે પોતાનું વોટ્સએપ અપડેટ કરવું જોઈએ. એન્ડ્રોઈડ યુઝર્સ તેને ગૂગલ પ્લે સ્ટોર પરથી અપડેટ કરી શકે છે, જ્યારે આઈફોન યુઝર્સે એપલ એપ સ્ટોર પરથી વોટ્સએપ અપડેટ કરવાનું રહેશે.
>> આ પછી WhatsApp પર ટ્રેનનો પૂછપરછ નંબર ‘+91-9881193322’ તમારા ફોનમાં સેવ કરવાનો રહેશે.
>> ત્યારબાદ વોટ્સએપ પર જાઓ અને ન્યૂ મેસેજ બટન પર ક્લિક કરો. ત્યારબાદ કોન્ટેક્ટ લિસ્ટ ખોલવાનું રહેશે.
>> આ પછી તમારે રેલોફી કોન્ટેક્ટ પસંદ કરવાનો રહેશે. અને પછી મેસેજ વિન્ડોમાં 10 અંકનો PNR નંબર નાખવો પડશે.
>> આ રીતે તમારો PNR નંબર રેસવે પર પહોંચી જશે.
>> ત્યારપછી તમને WhatsApp પર રિયલ ટાઈમ ટ્રેનની માહિતી મળશે.
