ટીમ ઈન્ડિયાના ઘાતક ફાસ્ટ બોલર જસપ્રીત બુમરાહ તમામ મહાન બોલરોને પાછળ છોડીને બાંગ્લાદેશ વિરૂદ્ધ મોટી સિદ્ધિ મેળવી શકે છે. તે તેની ખૂબ નજીક છે. અત્યાર સુધી તેણે વર્તમાન વર્લ્ડ કપ સિઝનમાં શાનદાર બોલિંગ કરી છે. 14 મેચો પછી, તે 8 વિકેટ સાથે સૌથી વધુ વિકેટ લેનારા બોલરોમાં ત્રીજા સ્થાને છે.
બુમરાહ ઘાતક ફોર્મમાં છે
ઘણા મહિનાઓ બાદ ટીમ ઈન્ડિયામાં વાપસી કરી રહેલો જસપ્રિત બુમરાહ હાલમાં ઘાતક ફોર્મમાં છે. તેણે વર્લ્ડ કપ 2023માં અત્યાર સુધી રમાયેલી ત્રણ મેચમાં 8 વિકેટ ઝડપી છે. અત્યાર સુધી તે સૌથી વધુ વિકેટ લેવાના મામલે ત્રીજા સ્થાને છે. બુમરાહે પાકિસ્તાન સામેની મેચમાં જામી ગયેલા બેટ્સમેન મોહમ્મદ રિઝવાનને પણ પોતાનો શિકાર બનાવ્યો હતો. આ મેચમાં નજર 31 વર્ષ જૂના રેકોર્ડ પર રહેશે જે પૂર્વ ક્રિકેટર કપિલ દેવે બનાવ્યો હતો. માત્ર કપિલ દેવ જ નહીં, તે તમામ મહાનુભાવોને પાછળ છોડી શકે છે.
બુમરાહ તમામ મહાન ખેલાડીઓને પાછળ છોડી શકે છે
જસપ્રીત બુમરાહે વર્લ્ડ કપ ઈતિહાસમાં અત્યાર સુધી રમાયેલી 12 મેચોમાં 26 વિકેટ લીધી છે. તેની 13મી વર્લ્ડ કપ મેચ બાંગ્લાદેશ સામે થશે. આ મેચમાં તે મહાન કપિલ દેવને પાછળ છોડી શકે છે. વર્લ્ડ કપમાં ભારત માટે સૌથી વધુ વિકેટ લેનારા બોલરોમાં કપિલ દેવનું નામ પણ સામેલ છે. તેણે 1979-1992 દરમિયાન 28 વિકેટ ઝડપી હતી. બુમરાહ તેમને પાછળ છોડવાથી માત્ર 3 વિકેટ દૂર છે. જો તે આગામી મેચમાં 3 વિકેટ લેશે તો તે કપિલ દેવને પાછળ છોડી દેશે.
આ દિગ્ગજોને પણ પાછળ છોડી શકે છે
જો બુમરાહ 5 વિકેટ લેવામાં સફળ રહે છે, તો તે વર્લ્ડ કપમાં સૌથી વધુ વિકેટ લેવાના મામલે પાકિસ્તાનના દિગ્ગજ ઓલરાઉન્ડર શાહિદ આફ્રિદી (30)ને પાછળ છોડી દેશે. આ સાથે તે શોએબ અખ્તર (30)ને પણ પાછળ છોડી દેશે. અનિલ કુંબલે (31)ની બરાબરી કરવા માટે તેને માત્ર 5 વિકેટની જરૂર છે.
વર્લ્ડ કપમાં ભારત માટે સૌથી વધુ વિકેટ ઝડપનાર બોલરો
ઝહીર ખાન – 44
જવાગલ શ્રીનાથ – 44
મોહમ્મદ શમી – 31
અનિલ કુંબલે – 31
કપિલ દેવ – 28
જસપ્રિત બુમરાહ – 26
