કોરોના વાયરસ મહામારીએ આજે સમગ્ર વિશ્વને પોતાના ભરડામાં લીધુ છે. આ વાયરસના સંક્રમણને જોતા લોકો સાવચેતી પણ એટલી જ રાખવા લાગ્યા છે. આ મહામારી દરમિયાન એક વાત તો તમે સાંભળી હશે કે કંઇ પણ બહારથી લાવો તો તેને બરાબર ધોઇ લો. પરંતુ ઘણા લોકો એવા છે જે તેમા કોઇને કોઇ જુગાડ કરતા રહે છે. એક વીડિયો હાલ સોશિયલ મીડિયા પર વાયરલ થઇ રહ્યો છે.
(File Pic)
આ વીડિયોમાં એક વ્યક્તિ તેના ઘરના રસોડામાં ઉભા રહીને શાકભાજીને એક ખાસ રીતે સાફ કરી રહ્યા છે. IAS અધિકારી દ્વારા શેર કરવામાં આવેલ વિડિયોમાં એક વ્યક્તિ તેના રસોડામાં શાકભાજીમાં જીવાણું મારતા નજરે પડી રહ્યો છે. પરંતુ જીવાણું મારવાની જે રીત છે તે ખરેખર વખાણ કરવા લાયક છે.
Look at the great Indian Jugaad to sterilise vegetables.😁 The efficacy of this methodology can not be certified by me however India never fails to amaze 🇮🇳 Truly Incredible India #corona #COVID19Pandemic #CoronavirusIndia pic.twitter.com/PuOhzy7TVl
— Supriya Sahu IAS (@supriyasahuias) July 24, 2020
વીડિયોમાં જોઇ શકો છો કે આ વ્યક્તિ પ્રેશર કુકરની સીટી નીકાળીને તેમા એક પાઇપ લગાવી દીધી છે અને પ્રેશર કુકરને ગેસના હાય ફલેમ પર ચઢાવીને તેમાથી વરાળ નીકળી રહી છે, જેનાથી શાકભાજી સાફ કરવામાં આવી રહી છે. વીડિયોમાં જુગાડુ વ્યક્તિ કહી રહ્યો છે કે, ગરમ પાણીથી શાક ખરાબ થઇ શકે છે પરંતુ વરાળથી આ શાકભાજીને અડ્યા વગર આરામથી સાફ કરી શકાય છે. હાલ આ વિડિયો સોશિયલ મીડિયામાં ખૂબ વાયરલ થઈ રહ્યો છે અને આ જુગાડુ આઈડિયાને પસંદ કરી રહ્યા છે.
