Connect with us

નર્મદા

નર્મદા : સ્વાતંત્ર્ય દિનની મોહદ્દીસે આઝમ મિશન દ્વારા ઉજવણી કરાઈ

Published

on

નર્મદા જિલ્લાના નાંદોદ તાલુકાના તોરણા ગામે મોહદ્દીસે આઝમ મિશન રાજપીપળા બ્રાન્ચ દ્વારા કબ્રસ્તાનમાં સ્વતંત્રતા દિનની ઉજવણી નિમિત્તે વૃક્ષારોપણનો કાર્યક્રમ રાખવામાં આવ્યો હતો જેમાં મોહદ્દીશે આઝમ મિશન રાજપીપળા બ્રાન્ચના પ્રમુખ શાહનવાઝ પઠાણ, મુસ્લિમ અગ્રણી સૈયદ સુબ્હાનિ બાપુ, ઈરફાન ખોખર, નિઝામ રાઠોડ, આરીફ કુરેશી તેમજ તોરણા ગામના સરપંચના પુત્ર નીતિનભાઈ વસાવા ડેપ્યુટી સરપંચ અકબરખાં મલેક તેમજ તોરણા ગામના મસ્જિદના ઇમામ અને બાળકો ઉપસ્થિત રહ્યા હતા.
ઉલ્લેખનીય છે કે મોહદ્દીશે આઝમ મિશન ગરીબો અને વિધવાઓ તેમજ જરૂરિયાત વાળા લોકોને મદદ કરે છે દર વર્ષે યતિમ અને ગરીબ છોકરીઓના લગ્ન જેવા ઉત્તમ સામાજિક કાર્યો આ સંસ્થા દ્વારા કરવામાં આવે છે. જેનું સંચાલન મુસ્લિમ ધર્મ ગુરુ એવા સૈયદ મદનીમિયાંના પુત્ર હસન અસ્કરીમિયાં દ્વારા કરવામાં આવી રહ્યું છે.
ઉપસ્થિત મુસ્લિમ અગ્રણી સૈયદ સુબ્હની બાપુએ જણાવ્યું હતું કે, ઇસ્લામમાં વતનની મોહોબ્બત એ ઈમાન નો એક ભાગ બતાવવામાં આવ્યો છે અને અલ્લાહના મહાન પયગંબરે વૃક્ષો વાવવાની પણ લોકોને પ્રેરણા આપી છે જેથી આજે અમે વૃક્ષો વાવી આપણા દેશના પર્યાવરણની જાળવણી માટે નાનો પ્રયાસ કર્યો છે.

Continue Reading
Advertisement
Click to comment

Leave a Reply

Your email address will not be published.

નર્મદા

રાજપીપળામાં કેન્દ્રીય ગૃહમંત્રી અમિતભાઈ શાહની ઉપસ્થિતિમાં યોજાનારા રોડ શો સંદર્ભે “નો ફ્લાય ઝોન” જાહેર કરાયો

Published

on

By

રાજપીપળામાં કેન્દ્રીય ગૃહમંત્રી અમિતભાઈ શાહની ઉપસ્થિતિમાં યોજાનારા રોડ શો સંદર્ભે “નો ફ્લાય ઝોન” જાહેર કરાયો. ચાઇનીઝ તુક્કલ, ફુગ્ગા, પતંગ, વાવટા, ડ્રોન, પ્લાસ્ટિક તેમજ કાપડ ફરકાવવા / ઉડાડવા ઉપર પ્રતિબંધ

તા.૨૫/૧૧/૨૦૨૨ ના રોજ ભારતના ગૃહમંત્રી અમિત શાહ રાજપીપલા ટાઉન ખાતે રોડ શો કરશે તેમની સુરક્ષા વ્યવસ્થાને ધ્યાને લઇ કાર્યક્રમ વિસ્તારોમાં “નો ફ્લાય ઝોન” જાહેર કરવા અંગે નર્મદાના અધિક જિલ્લા મેજીસ્ટ્રેટ સી.એ.ગાંધીને મળેલ સત્તાની રૂએ રોડ શો દમિયાન જાહે૨ સલામતી-સુરક્ષા જળવાય રહે તેમજ કાયદો અને વ્યવસ્થાની પરિસ્થિતિ જોખમાય નહી તે હેતુસ૨ જાહેરનામામાં નિર્દિષ્ટ કૃત્યો પર પ્રતિબંધ ફરમાવ્યો છે. તા.૨૫/૧૧/૨૦૨૨ ના રોજ ૦૦:૦૦ કલાક થી ૨૪:૦૦ કલાક સુધી રાજપીપલા શહે૨માં “નો ફ્લાય ઝોન” જાહે૨ ક૨વા. તથા “નો ફ્લાય ઝોન” માં જમીનથી આકાશ તરફ ઉડાવવામાં આવતા ચાઇનીઝ તુક્કલ, ફુગ્ગા, પતંગ, વાવટા, ડ્રોન, સિન્થેટીક પ્લાસ્ટિક તેમજ અમુક કલરના ફુકાવતા/ ઉડાવવામાં આવતા કાપડ ફરકાવવા/ ઉડાડવા ઉપર પ્રતિબંધ ફરમાવ્યો છે.

Continue Reading

નર્મદા

નાંદોદ બેઠક પર ભાજપ, કોંગ્રેસ અને અપક્ષ વચ્ચે ખેલાશે જંગ

Published

on

By

નાંદોદ વિધાનસભા બેઠક પર ભાજપ સામે ભાજપ પ્રદેશ આદિજાતિ મોરચા અધ્યક્ષે બળવો કરતા હવે આ બેઠક પર ભાજપ, કોંગ્રેસ અને અપક્ષ વચ્ચે ખરાખરીનો જંગ ખેલાશે તેવા એંધાણ છે. જેમાં કોંગ્રેસે નાંદોદ બેઠક પર કોંગ્રેસે વર્તમાન ધારાસભ્ય પી.ડી.વસાવાની ટિકિટ કાપી નવયુવાન અને 2012ની ચૂંટણીમાં હારેલ ઉમેદવાર હરેશ વસાવાને ટિકિટ આપી છે તો સામે ભાજપે પણ 2 પૂર્વ ધારાસભ્યો શબ્દશરણ તડવી અને હર્ષદભાઈ વસાવા કે જેઓ પ્રદેશ ભાજપ આદિજાતિ મોરચાના વર્તમાન અધ્યક્ષ હતા તેઓને કોરાણે મૂકીને પૂર્વ સાંસદ સ્વ. ચંદુભાઈ દેશમુખની તબીબ દીકરીને ટિકિટ ફાળવી છે.

ભાજપમાં ટિકિટ ફાળવણીમાં 2 ટર્મ ધારાસભ્ય રહી ચૂકેલા હર્ષદ વસાવાને ટિકિટ નહીં આપતા તેઓએ નારાજ થઈને અપક્ષ તરીકે ઝુકાવ્યું છે આથી આખુ રાજકીય ગણિત પણ બગડ્યું છે. ન માત્ર હર્ષદ વસાવા પણ તેમની સાથે પૂર્વ જિલ્લા અધ્યક્ષ ઘનશ્યામ દેસાઈ,ભારતીબેન તડવી, જિલ્લા પંચાયત ઉપાધ્યક્ષ કિરણ વસાવા સહિતના સિનિયર આગેવાનોએ પણ બળવો પોકારીને હર્ષદ વસાવાને ખુલ્લો ટેકો જાહેર કર્યો છે.બીજી બાજુ નાંદોદ બેઠકના તમામ 5 ઉમેદવાર માત્ર વસાવા સમાજમાંથી આવતા સૌથી વધુ મતદાર ધરાવતા તડવી સમાજમાં છૂપો રોષ છે.

હાલની મતદારોની સ્થિતિ જોતા તડવી આદિવાસી -31 ટકા, વસાવા આદિવાસી -30 ટકા , ભીલ આદિવાસી -11 ટકા, પાટીદાર 06 ટકાઅને અન્ય સમાજ મહત્વપૂર્ણ છે.તેમાં પણ આ વખતે તડવી સમાજમાંથી એક પણ ઉમેદવાર મેદાને નથી. ભાજપ અને કોંગ્રેસ પોતાની ડેડીકેટેડ વોટબેંક ધરાવે છે પરંતુ આ વખતે ભાજપમાંથી બળવો થતા ભાજપનું ગણિત બગડ્યું છે તો બીજી તરફ કોંગ્રેસે વર્તમાન ધારાસભ્ય ની ટિકિટ પણ કપાતા તેની વોટબેંકનું ગણિત બગડ્યું છે. કોંગ્રેસના ધારાસભ્ય પી.ડી.વસાવા અને ભાજપના બળવાખોર હર્ષદ વસાવા સંબંધે વેવાઈ થાય છે અને ટિકિટ કપાતા દેખીતી રીતે પી.ડી.વસાવા નિષ્ક્રિય પણ થયા છે.તો આ તરફ સામાન્ય જ્ઞાતિ કે જેમાં પાટીદારો પણ મહત્વપૂર્ણ સ્થાન ધરાવે છે તેઓ મહદઅંશે ભાજપ તરફ ઝોંક ધરાવતા હતા તેમાં પણ હર્ષદ વસાવાએ ઉમેદવારી કરતા સ્વાભાવિક પણે ભાજપનું ગણિત બગડશે. આમ આદમી પાર્ટીમાંથી ડૉ. પ્રફુલ વસાવાએ ઉમેદવારી કરતા કેવડિયા વિસ્તારમાં તેઓની કેવડિયા વિસ્તારમાં સક્રિયતા જોતા આ વિસ્તારમાં 95 ટકા કરતા વધુ તડવી સમાજ વસવાટ કરે છે અને એકપણ તડવી ઉમેદવાર ન હોવાના કારણે સ્વાભાવિક રોષ મતદારોમાં છે જ, જે સ્થિતિ છે તેમાં ભાજપ અને કોંગ્રેસનું ગણિત બગાડ્યું છે.

ગત ચૂંટણીમાં કોંગ્રેસને 81,849 અને ભાજપને 75,520 મત મળ્યા હતા પણ આ વખતે ઉમેદવારો પણ બદલાતા અને ભાજપમાં બળવાખોરી અને કોંગ્રેસમાં ટિકિટ નહિ મળતા ધારાસભ્યની નિષ્ક્રિયતા અને આપમાંથી પ્રફુલ વસાવાની ઉમેદવારીએ પરિણામ કઈ તરફ જશે તે અનિશ્ચિત બનાવ્યું છે. જો ભાજપના બળવાખોર ઉમેદવાર 25,000 કરતા વધુ મત પણ લઈ જાય તો ભાજપનું ચિત્ર બગાડી શકે અને આપ ઉમેદવાર જો 15,000 મત લઈ જાય તો કોંગ્રેસનું ચિત્ર બગાડી શકે તેમ છે નાંદોદ વિધાનસભા માં ચિત્ર સ્પષ્ટ થતું દેખાતું નથીજો કે આજે ભાજપે 4 સભ્યો ને પક્ષ માંથી સસ્પેન્ડ કર્યા છે ભાજપ ના પૂર્વ પ્રમુખ ઘનશ્યામ દેસાઈ, પૂર્વ નગરપાલિકા પ્રમુખ ભારતીબેન તડવી,પ્રદેશ કિસાનમોરચા ના સભ્ય સુનિલ પટેલ અને જિલ્લા પંચાયત નર્મદા ના સભ્ય અને ભાજપ ના ઉપપ્રમુખ કિરણ વસાવા ને સસ્પેન્ડ કર્યા છે.

Continue Reading

નર્મદા

નર્મદા જિલ્લામાં 98 મતદારોએ બેલેટ પેપરથી નિવાસ સ્થાને જ મતદાન કર્યું

Published

on

By

નર્મદા જિલ્લામાં 80 વર્ષથી વધુ વયના માન્ય ઠરેલા 113 મતદારો પૈકી 98 મતદારોએ પોતાના નિવાસ સ્થાને જ પોસ્ટલ બેલેટથી મતદાન કર્યું હતું. જેમાં નર્મદા જિલ્લામાં 01 ડિસેમ્બરના રોજ મતદાન થવાનું છે. જેમાં નર્મદા જિલ્લાના નાગરિકોને અચૂક મતદાન કરી લોકશાહીના પર્વમાં ઉત્સાહભેર સહભાગી થવાનો સંદેશો આપતા વયોવૃદ્ધ મતદારો નર્મદા જિલ્લામાં વૃદ્ધો તેમનું મતદાન સુગમ્યયુક્ત વાતવરણમાં સરળતાથી કરી શકે તે માટે જિલ્લા ચૂંટણી તંત્ર કટિબદ્ધ છે નાંદોદ અને દેડિયાપાડા બંને વિધાનસભા વિસ્તારમાં મળી કર્મચારીઓની કુલ 12 ટીમો દ્વારા કામગીરી કરવામાં આવી છે.

જ્યારે નર્મદા જિલ્લામાં સમાવિષ્ટ નાંદોદ વિધાનસભા વિસ્તારમાં વસવાટ કરતા 80 વર્ષથી વધુ વયના નાગરિકો માટે ફોર્મ 12-D હેઠળ માન્ય રાખેલી યાદી મુજબના વયોવૃદ્ધ મતદારો માટે પોસ્ટલ બેલેટથી મતદાનની પ્રક્રિયા હાથ ધરવામાં આવી હતી. જેમાં ૩૦ જેટલાં વયોવૃદ્ધ મતદારોએ પોતાના મતાધિકારનો ઉપયોગ કર્યો હતો. જ્યારે દેડિયાપાડા વિધાનસભા મતદાર વિસ્તારમાં વયોવૃદ્ધ મતદાતાઓ માટે યોજાયેલા પોસ્ટલ બેલેટ મતદાનમાં માન્ય ઠરેલા 73 મતદાતાઓ પૈકી 68 મતદારોએ પોતાના મતાધિકારનો ઉપયોગ કર્યો હતો. સમગ્ર જિલ્લામાં કુલ મળીને 113 નોંધાયેલા વયોવૃદ્ધ મતદાતા પૈકી 98 મતદાતાઓએ તેમના નિવાસસ્થાને જ ટપાલથી મતદાન કર્યું હતું. ચૂંટણી કામગીરીમાં જોડાયેલા અધિકારીઓઅને પોલીસ જવાનોની કુલ 12 જેટલી ટીમો દ્વારા આ સમગ્ર કામગીરી કરવામાં આવી હતી.

વિધાનસભા-2022ની ચૂંટણીમાં મહત્તમ મતદાન થાય તે હેતુથી જિલ્લા ચૂંટણી તંત્ર દ્વારા 80 વર્ષથી વધુ વય ધરાવતા નિર્દિષ્ટ મતદાર નાગરિકો માટે ચૂંટણીમાં ઘર આંગણે જ ટપાલ મતપત્રથી મતદાન કરવાની વિશેષ સુવિધા ઉભી કરવામાં આવી છે. વયોવૃદ્ધ મતદાતાઓના ઘરે પહોંચેલી ટીમ દ્વારા જે-તે મતદારને મતદાનની સંપૂર્ણ પ્રક્રિયા અંગે સમજાવવામાં આવ્યા હતા. ત્યારબાદ તેમની પાસે મતદાન કરાવી મતદાનની સંપૂર્ણ ગુપ્તતા પણ જાળવવામાં આવી હતી.

નાંદોદ વિધાનસભા મતદાર વિભાગમાં હાથ ધરાયેલી પોસ્ટલ બેલેટની મતદાન પ્રક્રિયા દરમિયાન પોતાનો મત આપી ચૂંટણી તંત્ર દ્વારા ઉભી કરવામાં આવેલી આ વ્યવસ્થા સંદર્ભે આભાર વ્યક્ત કરતા રાજપીપલાના ભાટવાડા વિસ્તારમાં રહેતા અરવિંદકુમાર અમરસિંહ બારોટે જણાવ્યું હતું કે, ચૂંટણીપંચ દ્વારા આ ખૂબ સારી વ્યવસ્થા કરવામાં આવી છે. અમારા જેવા વૃદ્ધ મતદારો કે જેઓ મતદાન કરવા માટે મતદાન મથક સુધી જઈ શકતા નથી તેમના માટે મતદાન પૂર્વે ઘર આંગણે આવીને પોસ્ટલ બેલેટથી મતદાન કરવાની સુવિધા પુરી પાડવામાં આવી છે. જેથી લોકશાહીના આ મહાપર્વમાં કોઈપણ મતદાતા તેના મતાધિકારથી વંચિત ન રહે. આજે મારી મતદાનની પવિત્ર ફરજ અદા કરીને લોકશાહીના ઉત્સવમાં સહભાગી બની ગર્વની લાગણી અનુભવું છું.

Continue Reading
ગુજરાત4 hours ago

ઓરીનો એક દર્દી અન્ય 18 લોકોને કરી શકે છે સંક્રમિત,WHOએ જણાવ્યું કે કેટલો જીવલેણ હોઈ શકે છે આ વાયરસ

આણંદ19 hours ago

આણંદમાં સ્પેશ્યલ જનરલ ઓબ્ઝર્વર અને સ્પેશ્યલ પોલીસ ઓબ્ઝર્વરે બેઠક યોજી

આણંદ19 hours ago

આણંદ જિલ્લામાં માઇક્રો ઓબ્ઝર્વરની એક દિવસીય તાલીમ યોજાઇ

આણંદ19 hours ago

આણંદની સાત બેઠકો પર 17.66 લાખ મતદારો પોતાના મતાધિકારનો ઉપયોગ કરશે

નર્મદા19 hours ago

રાજપીપળામાં કેન્દ્રીય ગૃહમંત્રી અમિતભાઈ શાહની ઉપસ્થિતિમાં યોજાનારા રોડ શો સંદર્ભે “નો ફ્લાય ઝોન” જાહેર કરાયો

નર્મદા19 hours ago

નાંદોદ બેઠક પર ભાજપ, કોંગ્રેસ અને અપક્ષ વચ્ચે ખેલાશે જંગ

નર્મદા19 hours ago

નર્મદા જિલ્લામાં 98 મતદારોએ બેલેટ પેપરથી નિવાસ સ્થાને જ મતદાન કર્યું

પંચમહાલ19 hours ago

પંચમહાલ જીલ્લાની આ બેઠક પર કોંગી ઉમેદવાર પોતાનો મત પોતાને નહીં આપી શકે

ગુજરાત4 weeks ago

બોમ્બે હાઈકોર્ટે: OSA હેઠળ પોલીસ સ્ટેશન પ્રતિબંધિત સ્થળ નથી, પરિસરમાં વિડિયો રેકોર્ડિંગ ગુનો નથી

ગુજરાત3 weeks ago

પ્રતિક ગાંધી અને દીક્ષા જોશી પર ફિલ્માવાયેલ રોમેન્ટિક ટ્રેક ‘ચોરી લઉ’ થકી પ્રેક્ષકોને આકર્ષિત કર્યા બાદ, ‘વ્હાલમ જાઓ ને’નું આગામી ગીત – ‘મુરતીયો મૂડમાં નથી’ હવે રીલિઝ થઇ ચૂક્યુ છે.

નેશનલ4 weeks ago

હવે એ ફોર એપલને બદલે અર્જુન અને બી ફોર બલરામ, નવા મૂળાક્ષરોની સોશિયલ મીડિયા પર પ્રશંસા થઈ રહી છે

Indian tech CEO offers jobs to thousands of employees fired by Twitter, Meta, Spotify! Said: 'Come back home'
ઇન્ડિયા2 weeks ago

ભારતીય ટેક સીઇઓ ટ્વિટર, મેટા, સ્પોટાઇફ દ્વારા કાઢી મૂકવામાં આવેલા હજારો કર્મચારીઓને નોકરીની ઓફર કરી! કહ્યું: ‘ઘરે પાછા આવો’

વર્લ્ડ2 weeks ago

Global Carbon Budget 2022: વિશ્વનો વિનાશ ફક્ત 9 વર્ષ દૂર છે! વૈજ્ઞાનિકોના રિપોર્ટ અનુસાર

ગુજરાત3 weeks ago

ક્રેડિટ કાર્ડ પર આધારિત કોમેડી ફિલ્મ ‘ભગવાન બચાવે’નું ફર્સ્ટ લૂક પોસ્ટર રીલિઝ કરાયું

આણંદ1 week ago

આણંદમાં ત્રણ બેઠક પર ઉમેદવાર રિપિટ, ત્રણ નવા ચહેરાને તક અપાઇ

Gujarat Assembly Elections 20223 weeks ago

Gujrat Election 2022: ગુજરાત વિધાનસભાની ચૂંટણી જાહેર, આ મતદાતા ઘરેથી કરી શકશે વોટિંગ

Trending