યુવા ઓલરાઉન્ડર નીતિશ રેડ્ડીએ IPL 2024માં પોતાના ઓલરાઉન્ડ પ્રદર્શનથી બધાનું ધ્યાન ખેંચ્યું છે. સનરાઇઝર્સ હૈદરાબાદે હરાજી પહેલા નીતિશ રેડ્ડીને જાળવી રાખ્યો હતો, જેણે ઘણા લોકોને આશ્ચર્યચકિત કર્યા હતા કારણ કે તે ગત સિઝનમાં વધુ પ્રદર્શન કરી શક્યો ન હતો. જોકે, ચાલુ સિઝનમાં નીતિશ રેડ્ડીએ પોતાની બેટિંગથી પ્રભાવિત કર્યા છે. નીતિશ રેડ્ડી આઈપીએલમાં સનરાઈઝર્સ હૈદરાબાદ સાથે માત્ર બેઝ પ્રાઈસ પર જોડાયેલા છે. જોકે, એવી અપેક્ષા રાખવામાં આવે છે કે આગામી હરાજીમાં તેને સારી બોલી મળશે. દરમિયાન, આંધ્ર પ્રીમિયર લીગ માટે યોજાયેલી હરાજીમાં નીતીશ રેડ્ડીનું નસીબ ચમક્યું છે અને તે હરાજીમાં સૌથી મોંઘો ખેલાડી બની ગયો છે.
સનરાઈઝર્સ હૈદરાબાદના સ્ટાર ખેલાડી નીતિશ કુમાર રેડ્ડીનો એક વીડિયો સોશિયલ મીડિયા પર વાયરલ થઈ રહ્યો છે. જેમાં તે આંધ્ર પ્રીમિયર લીગ માટે હરાજી લાઈવ જોતો જોવા મળે છે. સૌથી મોંઘા ખેલાડી બન્યા બાદ નીતિશ રેડ્ડીની પ્રતિક્રિયા વાયરલ થઈ છે. તેને આંધ્ર પ્રીમિયર લીગમાં 15.6 લાખ રૂપિયામાં ખરીદવામાં આવ્યો હતો, જ્યારે IPLમાં તેનો પગાર 20 લાખ રૂપિયા છે.
Andhra Pradesh Premier League witnesses history as Nitish Kumar Reddy becomes the most expensive player ever picked! pic.twitter.com/tSC0HeANXi
— SunRisers OrangeArmy Official (@srhfansofficial) May 16, 2024
સનરાઈઝર્સ હૈદરાબાદના મિડલ ઓર્ડરને મજબૂત બનાવવાની ભૂમિકા ભજવી રહેલા યુવા નીતિશ રેડ્ડીને ભવિષ્યમાં ભારતીય ટીમના ઓલરાઉન્ડર તરીકે જોવામાં આવી રહ્યો છે કારણ કે તે એક ઉપયોગી મધ્યમ ઝડપી બોલર પણ છે. નીતિશ રેડ્ડી બોલિંગ ઓલરાઉન્ડર છે, તે ગયા વર્ષે શ્રીલંકાના પ્રવાસે ગયેલી ‘ઈન્ડિયા ઇમર્જિંગ’ ટીમનો ભાગ હતો. જો તે સતત સારું પ્રદર્શન કરી શકશે તો તે ટીમ ઈન્ડિયામાં જગ્યા બનાવી શકે છે કારણ કે ભારત પાસે અત્યારે ઘણા વિકલ્પો નથી.
