કોંગ્રેસના મહાસચિવ પ્રિયંકા ગાંધીએ ફરી એક વખત વધતી કિંમતોને લઈને કેન્દ્ર સરકાર પર નિશાન સાધ્યું છે. પ્રિયંકા ગાંધીએ ટ્વિટ કરીને લખ્યું કે ‘વચન આપ્યું હતું કે હવાઈ ચપ્પલવાળા લોકો વિમાનમાં મુસાફરી કરશે, પરંતુ ભાજપ સરકારે પેટ્રોલ અને ડીઝલના ભાવ એટલા વધારી દીધા છે કે હવે હવાઈ ચપ્પલ અને મધ્યમ વર્ગ માટે રસ્તા પર મુસાફરી કરવી મુશ્કેલ થઇ ગયું છે. પ્રિયંકા ગાંધીએ ટ્વીટમાં ‘भाजपा लाई महंगे दिन’ હેશટેગનો પણ ઉપયોગ કર્યો છે, આ સાથે પ્રિયંકા ગાંધીએ પોતાના ટ્વિટમાં મીડિયા રિપોર્ટનો પણ ઉલ્લેખ કર્યો છે.
આ રિપોર્ટમાં લખવામાં આવ્યું છે કે વિમાનના ઇંધણ કરતાં પેટ્રોલ 30 ટકા મોંઘું થયું છે. આ પહેલા પણ પ્રિયંકા ગાંધીએ પેટ્રોલ અને ડીઝલની વધતી કિંમતોને કારણે સરકારને ઘેરી હતી. ભારતીય જનતા પાર્ટીએ NPK ના ભાવમાં 275 રૂપિયા અને NP ખાતર ના ભાવમાં 20 રૂપિયાનો વધારો કર્યો છે. તેમણે ટ્વિટ કર્યું હતું કે, દૈનિક વધારા સાથે સરકારે ડીઝલની કિંમત 100 રૂપિયાને પાર કરી દીધી છે. ભાજપના શાસનમાં કામદારો અને ખેડૂતો વધતા ભાવોથી બોજામાં છે, જ્યારે માત્ર મોદીના મિત્રો જ ધનવાન બની રહ્યા છે. બીજી બાજુ રવિવારે રાહુલ ગાંધીએ પણ મોંઘવારીને લઈને સરકારને ઘેરવાનો પ્રયાસ કર્યો હતો. કોંગ્રેસના નેતા રાહુલ ગાંધીએ પેટ્રોલ અને ડીઝલની વધતી કિંમતો વિશે લખ્યું હતું “બધાનો વિનાશ” અને “વધતી કિંમતો” નો વિકાસ છે. રાહુલ ગાંધીએ રિપોર્ટને ટ્વિટર પર ટેગ કર્યો હતો, જેમાં દાવો કરવામાં આવ્યો હતો કે જો સરકારે ટેક્સ વધાર્યો ન હોત તો પેટ્રોલ 66 રૂપિયા પ્રતિ લીટર અને ડીઝલ 55 રૂપિયા પ્રતિ લીટર હોત. ગાંધીએ ‘ટેક્સ એક્સ્ટ્રોશન’ હેશટેગનો ઉપયોગ કરીને હિન્દીમાં ટ્વિટ કર્યું