રાજકોટમાં 8 વર્ષની બાળકીનું અપહરણ કરવામાં આવ્યું હતું. જે બાદ તેની સાથે દુષ્કર્મ આચરવાનો પ્રયાસ પણ કરવામાં આવ્યો હતો. જે બાદ અપહત બાળકીને રેઢી મૂકી આરોપી ઘટના સ્થળે થી નાસી ગયો હતો. ત્યાર બાદ રાજકોટ પોલીસ ની 15 જેટલી ટીમે આરોપીની શોધખોળ શરૂ કરી હતી. ત્યારે ગણતરી ની કલાકમાં જ રાજકોટ પોલીસે આરોપી બાબુ બાંભવા ને પકડી કોર્ટમાં રિમાન્ડ અર્થે રજૂ કર્યો હતો. ત્યારે કોર્ટે આરોપીના રિમાન્ડ મંજુર કરતા પોલીસે ઘટનાનું રી કન્સ્ટ્રકશન આરોપી પાસે કરાવ્યું હતું. સૌ પ્રથમ રાજકોટ ક્રાઇમબ્રાન્ચ આરોપીને અપહરણ જ્યાંથી કરવામાં આવ્યું હતું તે સ્થળે લઈ ગઈ હતી. જ્યાં આરોપીને જોતા જ સ્થાનિક મહિલાઓ એ આરોપીને તેમની હવાલે કરી દ્યો ના નારા લગાવ્યા હતા. બાદમાં ક્રાઇમબ્રાન્ચ ન અધિકારીઓ એ લોકો ને શાંત કર્યા હતા. જે બાદ પંચનામાં ની કાર્યવાહી કરવામાં આવી હતી. આ તકે રાજકોટ ની જનતા એ તાળીઓ પાડી રાજકોટ પોલીસ ની પ્રશંસનીય કામગીરી ને વધાવી હતી. જે બાદ રાજકોટ ક્રાઇમબ્રાન્ચ આરોપી ને લઈ ને દુષ્કર્મ આચરવાની કોશિષ કરી હતી તે સ્થળે લઈ ગઈ હતી
