સ્વીડનના લોકો ત્યારે સૌથી વધારે હૈરાન થઈ ગયા, જ્યારે ત્યાંનું આકાશ કાળા રંગના બદલે અચાનક રિંગણી કલરનું થઈ ગયું. સ્વીડનના દક્ષિણી કટ પર ટ્રેલીબોર્ગમાં રાતે આકાશ જાંબલી એટલે કે પર્પલ કલરનું થઈ જાય છે. થોડા દિવસ તો લોકો તેને જોઈને પરેશાન થઈ ગયા હતા. બાદમાં તેમણે ખબર પડી કે, કારણ કંઈક જુદૂ જ છે. હકીકતમાં એવુ છે કે, નજીકમાં આવેલા એક ટામેટાના ફાર્મમાં એનર્જી-એફીશંટ લાઈટીંગ સિસ્ટમ લગાવેલી છે. જેની અસર અહીં સુધી આવે છે, તેના કારણે આકાશ જાંબલી કલરનું દેખાય છે.

ટ્રેલીબોર્ગથી 10 મિનિટના અંતરે ગિસ્લોવમાં ટામેટાના ફાર્મ ઓપરેટરોએ એનર્જી-સેવિંગ LED લાઈટ સિસ્ટમ લગાવી છે, જેનો રંગ જાંબલી કલરનો છે. માનવામાં આવે છે કે, છોડ પર આ રોશની પડતા પાક સારો ઉતરે છે. આ પ્રકાશ એટલો બધો વધુ પ્રમાણમાં ફેલાતો હતો કે, લોકોએ પણ ફરિયાદ કરવી પડી હતી.

6 નવેમ્બરે ઓપરેટરોએ 5થી 11 વાગ્યાની વચ્ચે લાઈટ બંધ કરવાનું શરૂ કર્યુ હતું. જો કે, ટ્રેલીબોર્ગના પર્યાવરણ સંરક્ષક માઈકલ નોરેને કહ્યુ હતું કે, લોકોને પરેશાની ન થાય એટલા માટે બીજા એક્શન પ્લાન પણ બનાવ્યા છે.

ટામેટાના ફાર્મ માલિક આલ્ફ્રેડ પેડરસન એન્ડ સને નિવેદન પણ જાહેર કર્યુ છે. જેમાં કહેવાયુ છે કે, સાંજના સમયે ટામેટાની ખેતી બંધ કરી દેવામાં આવશે. તેનાથી તેમને નુકસાન તો થશે, પણ વિજળી બચાવવા માટે આવુ કરવામા આવ્યુ છે. લોકોને ગુસ્સે કરવા માટે નહીં.

હાલ ગુજરાતમાં દેશવિદેશમાંથી પ્રવાસીઓ સિંહ દર્શન માટે આવતા હોય છે. ત્યારે એવી જ રીતે ગુજરાતમાં ગાય જોવા માટે પ્રવાસીઓ આવે તેવી સરકારે તૈયારીઓ કરી લીધી છે. મધ્યપ્રદેશની સરકારે ગાયોના સંવર્ધન અને સંરક્ષણ માટે કાઉ કેબિનેટની રચના કરી છે. ત્યારે ગુજરાતને ગાય આધારિત પ્રવાસન કેન્દ્ર બનાવવા માટે કેન્દ્રીય કામધેનુ આયોગે એક યોજના બનાવી છે.

આ યોજનામાં રાજ્યની ગૌશાળાઓ અને આણંદ જિલ્લાના ધર્મજમાં આવેલી ગૌચર લેન્ડનો ટુરિસ્ટ સર્કિટમાં સમાવેશ કરવામાં આવ્યો છે. રાષ્ટ્રીય કામધેનુ આયોગના ચેરમેન વલ્લભ કથિરીયાએ જણાવ્યું છે કે, ભારત સરકારના પ્રયાસથી ગાય આધારિત પ્રવાસન કેન્દ્ર ઉભા કરવામાં આવી રહ્યા છે.

હાલ કોરોના સંક્રમણના કારણે સર્કિટ બનાવવાનું કાર્ય સ્થગિત કરવામાં આવ્યું છે. પરંતુ કોરોનાની સ્થિતિ થાળે પડી જાય પછી ગુજરાતમાં ગાય આધારિત ટુરિઝમનો વિકાસ કરવામાં આવશે. મહત્વનું છે કે, ગુજરાતમાં સૌરાષ્ટ્ર, ઉત્તર ગુજરાત, મધ્ય ગુજરાત અને દક્ષિણ ગુજરાતમાં અલગ અલગ પ્રજાતિઓની ગાયો જોવા મળે છે. ગુજરાતમાં 800થી પણ વધારે ગૌશાળાઓ આવેલી છે. જેને પ્રવાસનના રૂટમાં સમાવેશ કરવામાં આવશે. જેથી હવે પ્રવાસનના નક્શામાં ‘કાઉ ટુરિઝમ’ પણ જોવા મળશે.

કેન્દ્ર સરકારે ફરી ચાઇનીઝ એપ પર ડિજિટલ સ્ટ્રાઇક કરી છે. કેન્દ્રએ મંગળવારે વધુ 43 મોબાઇલ એપ્લિકેશન પર પ્રતિબંધ લગાવ્યો છે. સરકારે 69એ ઇન્ફોર્મેશન ટેક્નોલોજી કાયદા અંતર્ગત આ નિર્ણય લીધો છે. આ ચોથી વખત છે જ્યારે કેન્દ્ર સરકાર દ્વારા ચાઇનીઝ એપ્લિકેશન પર પ્રતિબંધ લગાવવામાં આવ્યો છે.

આ પહેલા ત્રણ વખત મળીને કુલ 220 જેટલી મોબાઇલ એપ્લિકેશન પર પ્રતિબંધ લગાવવામાં આવ્યો હતો. ત્યારે વધુ 43 એપ પર પ્રતિબંધ લગાવી દેવામાં આવ્યો છે. સરકારને આ ઍપ્સને લઇને ફરિયાદ મળી હતી કે આ ઍપ્સ ભારતીય સુરક્ષા અને કાયદો વ્યવસ્થા માટે ખતરારૂપ સાબિત થઇ શકે છે. જે બાદ સરકારે આગમચેતીરૂપે આ 43 એપ્સને બ્લોક કરવાનો નિર્ણય લીધો છે. આ એપ્લિકેશનમાં સ્નેક વિડિયો જેવી ઘણી લોકપ્રિય એપ્લિકેશન સામેલ છે.

ટિકટોક પર બેન બાદ સ્નૈક વીડિયો ઝડપથી તેના વિકલ્પ તરીકે ઉભરી હતી. આ પણ ચાઇનીઝ એપ છે. આ 43 મોબાઇલ એપ વિરુદ્ધ કાર્યવાહી એટલે કરવામાં આવી છે કે સરકારને ઇનપુટ મળ્યા હતા કે આ ભારતની સંપ્રભુતા, અખંડતા, સુરક્ષા અને પબ્લિક ઓર્ડર પ્રત્યે પૂર્વાગ્રહ વાળી ગતિવિધિઓમાં સામેલ છે.