વિશ્વના સૌથી મોટા હીરા કટીંગ અને પોલિશિંગ કેન્દ્ર સુરતમાં ડાયમન્ટેયર્સને રફ હીરાની તીવ્ર અછતનો સામનો કરવો પડી શકે છે. સિવિલ સોસાયટી ગઠબંધન દ્વારા રશિયન ફેડરેશનને કિમ્બર્લી પ્રોસેસ સર્ટિફિકેશન સ્કીમમાં સહભાગી તરીકે દૂર કરવામાં આવે તેવી વિનંતી કરવામાં આવી છે. ( KPCS)સુરત અને મુંબઈ હીરા ઉદ્યોગમાં તમામની નજર 20 જૂનથી બોત્સ્વાનામાં શરૂ થનારી આગામી ચાર-દિવસીય કેપી ઇન્ટરનેશનલ મીટિંગ પર છે. સિવિલ સોસાયટી ગઠબંધન વ્યાપક અથવા પ્રણાલીગત હિંસા સાથે સંકળાયેલા હીરાને રશિયન આક્રમકતા સાથે જોડવા માટે નવી પરિભાષાનો વિસ્તાર કરવાની માંગ કરી રહ્યું છે.

જો રશિયન ફેડરેશનને KP સ્કીમમાંથી હાંકી કાઢવામાં આવશે તો રશિયન સ્ટેટ માઇનિંગ કંપની અલરોઝા દ્વારા વેચવામાં આવતા રફ હીરા પર સંપૂર્ણ પ્રતિબંધ મૂકવામાં આવશે. ભારત અલરોઝામાંથી હીરાનો સૌથી મોટો ગ્રાહક છે. દર વર્ષે 1 બિલિયનથી વધુ મૂલ્યના હીરાની નિકાસ રશિયાથી સીધા મુંબઈ અને સુરતમાં થાય છે. જ્યારે લગભગ 3.5 બિલિયન દુબઈ અને એન્ટવર્પ મારફતે આવે છે. ડી બીયર્સ પછી અલરોસા વિશ્વની બીજી સૌથી મોટી હીરા ખાણકામ કરતી કંપની છે. કેપીમાંથી રશિયાના સસ્પેન્શનનો અર્થ એ થશે કે, ભારત અલરોઝામાંથી હીરાની આયાત કરી શકશે નહીં, જેના કારણે સુરતમાં અને ગુજરાતના અન્ય નાના કેન્દ્રોમાં સેંકડો નાની અને મધ્યમ હીરાની કંપનીઓને મુશ્કેલી થશે.

લિંબાયત નીલગીરી સર્કલ પાસે નાઇટ પેટ્રોલિંગમાં નીકળેલા પોલીસ કોન્સ્ટેબલ પર 2 હુમલાખોરે ચપ્પુથી હુમલો કર્યો હતો. લિંબાયત પોલીસે બન્ને હુમલાખોરોની સામે ગુનો નોંધી ધરપકડ કરી છે. અત્રે ઉલ્લેખનિય છે કે, પોલીસકર્મીએ ઝઘડો નહીં કરી ઘરે જવાનું કહેતા બે યુવકો ઉશ્કેરાઈ ગયા હતા અને પીઠમાં એક ચપ્પુનો ઘા મારી દીધો હતો. આ ઘટનામાં અન્ય પોલીસકર્મીઓ જીપમાં ત્યાં આવી જતા પોલીસકર્મીનો જીવ બચી ગયો હતો.

લિંબાયત પોલીસમાં ફરજ બજાવતા પોલીસ કોન્સ્ટેબલ 36 વર્ષીય ભાવિન પરષોત્તમ સોલંકી 11 જૂને મધરાત્રે નાઇટ રાઉન્ડ પેટ્રોલિંગમાં ખાનગી બાઇક પર નીકળ્યો હતો. દરમિયાન લિંબાયત નીલગીરી સર્કલ પાસે ગણેશ છોટુ સૂર્યવંશી અને દીપક હીરામણ કોળી અંદરો અંદર ઉંચા અવાજે બોલી ઝઘડો કરી રહ્યા હતા. જેથી પોલીસ કોન્સ્ટેબલ ત્યાં પહોંચ્યા હતા અને ઝઘડો નહીં કરવા અને તેઓને ઘરે ચાલી જવા માટે કહ્યું હતું. જેથી ઉશ્કેરાયેલા ગણેશ ઉર્ફે છોટુએ પોતાની પાસે રહેલા છરા વડે કોન્સ્ટેબલના પીઠના ભાગે મારી ગંભીર ઈજાઓ પહોંચાડી હતી.

કોરોનાના કેસો ફરી નોંધાવા માંડ્યા છે. અગાઉ પાલિકાના રસીકરણ અભિયાનમાં 12થી 17 વર્ષ સુધીના વિદ્યાર્થીઓમાં 98 હજાર રસી લઈ શક્યા ન હતા. આ અંગે દિવ્ય ભાસ્કરના 12 જૂનના અહેવાલ બાદ પાલિકાએ ફરી અભિયાન હાથ ધર્યું છે. મંગળવારે 4 ઝોનની 16 સ્કૂલોમાં રસી આપવામાં આવી હતી. જોકે માત્ર 792 વિદ્યાર્થીઓએ જ રસી લીધી હતી. બાકી વિદ્યાર્થીઓને રસી અપાવવા પાલિકાએ અપીલ કરી છે તેથી વધુ ને વધુ બાળકોને રક્ષણ મળી શકે. આ અભિયાન પખવાડિયા સુધી ચાલશે.

સુમન શાળા અને નગર પ્રાથમિક શાળા બે-બે સહિત ખાનગી સ્કૂલો મળી કુલ ૧૭ સ્કૂલોમાં વૅક્સિનેશન હાથ ધરાયું હતું કુલ ૮૩૦ ના ટાર્ગેટ સામે ૭૯૨ વિદ્યાર્થીઓએ રસીનો લાભ લીધો હતો. સવારે ૧૦ વાગ્યાથી લઈ ને ૪ વાગ્યા સુધી આ તમામ સ્કૂલો ખાતે રસીકરણ હાથ ધરાયું હતું. ​​​​​​​આરોગ્ય વિભાગે 12થી 15 દિવસ સુુધી રસીકરણ અભિયાન હાથ ધર્યું છે. બુધવારે 42થી 45 સ્કૂલોમાં રસીકરણ કરાશે, આ સ્કૂલોમાં 2500 જેટલા વિદ્યાર્થીઓને રસી આપવામાં આવી શકે તેવો ટાર્ગેટ નક્કી કરાયો છે. ​​​​​​​