છત્તીસગઢના બિલાસપુરમાં ચારિત્ર્યની શંકાના કારણે પતિએ પત્ની અને ત્રણ બાળકોની હત્યા કરી નાખી. આ સમગ્ર ઘટના બિલાસપુરના હરી ગામની જણાવવામાં આવી રહી છે જ્યાં પતિએ ક્રૂરતાની હદ વટાવી દીધી હતી. પતિએ પત્ની અને ત્રણ બાળકોની ગળું દબાવી હત્યા કરી નાખી છે. હાલ પોલીસે આરોપી પતિની ધરપકડ કરી વધુ તપાસ હાથ ધરી છે.
આ આખી ઘટના જણાવવામાં આવી રહી છે કે સોમવારે રાત્રે બિલાસપુરના હરરી ગામમાં એક યુવકે તેની પત્ની અને ત્રણ બાળકો સૂતા હતા તે સમયે અવૈધ સંબંધોની શંકામાં તેનું ગળું દબાવીને હત્યા કરી દીધી હતી. જણાવવામાં આવી રહ્યું છે કે પતિને તેની પત્ની પર ગેરકાયદેસર સંબંધો હોવાની શંકા હતી જેના કારણે પતિ-પત્ની વચ્ચે રોજેરોજ ઝઘડા થતા હતા. આ વિવાદને લઈને એક પારિવારિક બેઠક પણ યોજાઈ હતી. કહેવામાં આવી રહ્યું છે કે સોમવારે આ મુદ્દે બંને વચ્ચે ઝઘડો થયો હતો. આ વિવાદ એટલો વધી ગયો કે પતિએ પત્ની અને ત્રણ માસૂમ બાળકોની હત્યા કરી નાખી.
હત્યાના મામલાની માહિતી મળતાં જ પોલીસે ઘટનાસ્થળે પહોંચીને આરોપી પતિની ધરપકડ કરી હતી. આરોપી પતિનું નામ ઉમેન્દ્ર કેવત જણાવવામાં આવી રહ્યું છે. મળતી માહિતી મુજબ પતિએ પત્ની અને બાળકોની હત્યા કર્યા બાદ પોતે પણ આત્મહત્યાનો પ્રયાસ કર્યો હતો. જ્યારે આ સમગ્ર ઘટના બની રહી હતી ત્યારે પડોશીઓને પણ ખ્યાલ આવ્યો કે ઘરમાં કંઈક ગરબડ છે. હાલ પોલીસે આરોપીની ધરપકડ કરી તપાસ હાથ ધરી છે. 26 વર્ષની સુનીતા કેવતે કહ્યું છે કે તેની પાંચ વર્ષની ખુશી, ચાર વર્ષની ઈચ્છા અને તેના 10 મહિનાના પુત્રની હત્યા કરવામાં આવી છે.
