Connect with us

આણંદ

વરસાદના વિરામ બાદ રોગચાળો વકર્યો

Published

on

બોરસદ શહેરમાં અગાઉ ધોધમાર વરસ્યા બાદ વરસાદે વિરામ લેતા વાયરલ ઈન્ફેકસનના કેસો વધી રહ્યા છે, જેના કારણે આરોગ્ય કેન્દ્ર તેમજ ખાનગી દવાખાનાઓ દર્દીઓથી ઊભરાઈ રહ્યા છે. છેલ્લા ૪ દિવસમાં સરકારી તેમજ ખાનગી હોસ્પિટલો થઈ આશરે 250થી વધુ દર્દીઓના કેસ નોંધાયા છે.
બોરસદ શહેરના ભોભાફળી, રાજા મહોલ્લા, મલેકવાડા, ફતેપુર, બળિયાદેવ વિસ્તાર સહિત શહેરની સોસાયટીઓમાં છેલ્લા ૪ દિવસથી રોગચાળાએ માથું ઊંચક્યું છે અને ઘરે ઘરે માંદગીના ખાટલા જોવા મળી રહ્યા છે. આ વિસ્તારના લોકોમાં વાયરલ ઈન્ફેક્શનથી તાવ અને ઝાડા-ઊલ્ટીનો રોગચાળો જોવા મળી રહ્યો છે.
છેલ્લા ચાર પાંચ દિવસથી વાયરલ ઈન્ફેકશનને લઈ તાવ, ઝાડા, ઊલટી, શરીરના દુ:ખાવા સહિતના રોગચાળાએ માથું ઉંચકતા દર્દીઓને સરકારી હોસ્પિટલ અને ખાનગી હોસ્પિટલોમાં સારવાર લેવી પડી રહી છે. ઉલ્લેખનીય છે કે બોરસદ પંથકમાં ભારે વરસાદ બાદ અનેક સ્થળે પાણી ભરાઈ રહેતા તેમજ કાદવ કીચડ થવાના કારણે મચ્છરો અને અન્ય જીવ જંતુઓનો ઉપદ્રવ વધ્યો છે. જો તંત્ર દ્વારા તાકીદે પગલાં ભરવામાં નહિ આવે તો રોગચાળો વકરે તેવી સ્થિતિ સર્જાઈ છે. વાયરલ ઈન્ફેકશનના દર્દીઓ વધી રહ્યા હોવા છતાં પાલિકા તંત્ર દ્વારા હજુ સુધી શહેરમાં દવાનો છટકાંવ કરવામાં આવ્યો નથી તેમજ આરોગ્ય વિભાગ દ્વારા પણ રોગચાળાને કાબૂમાં લેવા કોઈ જ કાર્યવાહી કરી ન હોવાનો સ્થાનિકોએ રોષ વ્યકત કર્યો હતો.

Continue Reading
Advertisement
Click to comment

Leave a Reply

Your email address will not be published.

આણંદ

ખંભાત બેઠક પર ભાજપ-કોંગ્રેસનો પ્રચાર, લગાવી રહ્યા છે એડીચોંટીનું જોર

Published

on

By

ચૂંટણીમાં રાજકીય પક્ષોએ પ્રચારમાં એડીચોટીનું જોર લગાવ્યું છે. આણંદની ખંભાત બેઠક પર પણ ભાજપ અને કોંગ્રેસના ઉમેદવારો છેલ્લી ઘડીનો પ્રચાર કરી રહ્યા છે અને જીતનો દાવો કરી રહ્યા છે. ખંભાત ભાજપનો ગઢ ગણાય છે. ખંભાત પાલિકા અને તાલુકા પંચાયતને પણ ભાજપે છેલ્લા 30 વર્ષથી હસ્તગત કરી છે.

મધ્ય ગુજરાતના આણંદ જિલ્લાની 108 ખંભાત વિધાનસભા બેઠક ભાજપનો ગઢ મનાય છે. 1990થી ખંભાત વિધાનસભા બેઠક પર ભાજપ સતત જીતતું આવ્યું છે. બીજી મહત્વની બાબત એ છે કે, ખંભાત વિધાનસભાના મત વિસ્તારની મહત્વની બાબત એ છે કે સ્થાનિક સ્વરાજ્યની સંસ્થા ખંભાત નગરપાલિકા અને ખંભાત તાલુકા પંચાયત પર પણ ભાજપે સતત છેલ્લા 30 વર્ષથી સત્તા હસ્તગત કરી છે, ત્યારે ભાજપના ધારાસભ્ય કે જેમને રિપીટ કરાયા છે તેવા મહેશ રાવલ અને કોંગ્રેસના ચિરાગ પટેલે ગ્રામીણ વિસ્તારમાં પ્રચાર શરુ કર્યો છે.

ગત ટર્મ 2017ના સીટીંગ એમએલએ મહેશ રાવલને ભાજપ પાર્લામેન્ટરી બોર્ડએ ફરી રિપીટ કરી ખંભાત વિધાનસભા બેઠકના ઉમેદવાર બનાવ્યા છે, જ્યારે કોંગ્રેસે મૂળ ભાજપ ગૌત્રના અને 2019 સુધી ભાજપના કાર્યકર રહ્યા હતા અને ત્યારબાદ ભાજપમાં જોડાયેલા ચિરાગ પટેલને કોંગ્રેસે ટિકિટ આપી છે. હાલ બંને ઉમેદવારોએ ગ્રામીણ વિસ્તારમાં પ્રચાર પ્રસાર શરુ કરી પોતાની જીતના દાવા રજૂ કર્યા છે.

ખંભાત ગુજરાત રાજ્યના ચરોતર પ્રદેશમાં આવેલા આણંદ જિલ્લામાં આવેલું છે તેમ જ ખંભાત તાલુકાનું મુખ્ય મથક પણ છે. ખંભાત ગુજરાતના 182 વિધાનસભા મતવિસ્તારો પૈકીનો એક છે. આ બેઠક આણંદ જિલ્લામાં આવેલી છે. આ વિધાનસભા બેઠકમાં 245 મતદાન મથકો બનાવવામાં આવ્યા છે. ખંભાત વિધાનસભા બેઠકમાં ખંભાત તાલુકાના તમામ ગામોનો સમાવેશ કરવામાં આવે છે. મતદારક્ષેત્રમાં આશરે કુલ 213555 મતદારો છે, જેમાંથી 111859 પુરૂષ અને 101696 મહિલા છે. ભાજપના મુખ્ય મતદારો ગણાતા ઓબીસી અને પટેલ મતદારોનો અહીં દબદબો છે. જો કે અહીં હિંદુ ધર્મનો પ્રભાવ ઘણો છે. આ જ કારણ છે કે રામ મંદિર નિર્માણ આંદોલન દરમિયાન ભાજપ અહીં કોંગ્રેસના કિલ્લામાં ઘૂસી ગયો હતો. જો કે, અહીં મુસ્લિમ અને ખ્રિસ્તી મતદારો પણ સારી સંખ્યામાં છે.

Continue Reading

આણંદ

આણંદમાં ચૂંટણી નિરિક્ષકોએ મતગણતરી કેન્દ્રોની મુલાકાત લીધી

Published

on

By

આણંદ જિલ્લાની સાત વિધાનસભા બેઠકો માટે આગમી તા.પાંચમી ડીસેમ્બર-૨૦૨૨ના રોજ મતદાન પ્રક્રિયા હાથ ધરવામાં આવનાર છે. ત્યાર બાદ ૮મી ડીસેમ્બરના રોજ વલ્લભ વિદ્યાનગર ખાતે મત ગણતરી હાથ ધરવામાં આવશે. આણંદ જિલ્લાની સાત વિધાનસભા બેઠકો માટે ચૂંટણી નિરીક્ષકોની નિમણુંક કરી દેવામાં આવી છે. સાત વિધાનસભા બેઠકો ઉપર થયેલ મતદાનની મતગણતરી ૮મી ડીસેમ્બરના રોજ વિદ્યાનગર સ્થિત બીજેવીએમ કોમર્સ કોલેજ અને નલિની આર્ટસ કોલેજ ખાતે યોજાનાર છે.

ચૂંટણી નિરીક્ષકો દ્વારા મતગણતરી કેન્દ્રોની મુલાકાત લઈ નિરીક્ષણ કરવામાં આવ્યું હતું. જેમાં મતગણતરી કેન્દ્રો ખાતે ઉભા કરાયેલ સ્ટ્રોંગરૂમ, કાઉન્ટીંગરૂમ, મીડિયા સેન્ટર સહિતના સ્થળોની મુલાકાત લઈ માર્ગદર્શન આપ્યું હતું. સાથે સાથે જિલ્લા ચૂટંણી અધિકારી અને જિલ્લા પોલીસ અધિક્ષક સહિતના અધિકારીઓએ સમગ્ર આયોજનની રૂપરેખા મેળવી હતી. આણંદ, ખંભાત તથા ઉમરેઠ બેઠકોની મતગણતરી નલિની આર્ટસ કોલેજ ખાતે યોજાશે જ્યારે બોરસદ, આંકલાવ, પેટલાદ અને સોજિત્રા વિધાનસભાની બેઠકો ઉપર થયેલ મતદાનની મતગણતરી બીજેવીએમ કોમર્સ કોલેજ ખાતે યોજાશે.

Continue Reading

આણંદ

આણંદ જિલ્લામાં અધિકારીઓએ ઉત્સાહપૂર્વક પોસ્ટલ બેલેટથી મતદાન કર્યુ

Published

on

By

ગુજરાત વિધાનસભાની સામાન્ય ચૂંટણી (Gujarat Assembly Election 2022) અંતર્ગત આણંદ જિલ્લાની 7 બેઠકો ઉપર આગામી તારીખ 5 મી ડીસેમ્બરના રોજ મતદાન થવાનું છે. મતદાનની આ પ્રક્રિયા દરમિયાન ચૂંટણીલક્ષી કાર્ય સાથે જોડાયેલા જિલ્લાના સાત મતદાર વિભાગના પોલીસ, હોમગાર્ડ અને એસ.ટી. વિભાગના અધિકારી- કર્મચારીઓ માટે પોસ્ટલ બેલેટથી મતદાન યોજાયું હતુ.

પોસ્ટલ બેલેટથી મતદાન આણંદ સ્થિત સરદાર વલ્લભભાઇ પટેલ હાઈસ્કુલ ખાતે યોજાયેલા આ પોસ્ટલ બેલેટથી મતદાનમાં જિલ્લાના તમામ મતદાર વિભાગના પોલીસ, હોમગાર્ડ અને એસ.ટી. વિભાગના અધિકારી- કર્મચારીઓ મોટી સંખ્યામાં ઉપસ્થિત રહ્યા હતા અને પોસ્ટલ બેલેટથી મતદાન કરી તેમની ફરજ અદા કરી હતી. આ સાથે જ પેટલાદના નાયબ પોલીસ અધિક્ષક પી.કે.દીયોરાએ ઉપસ્થિત રહી તેમનો કિંમતી મત આપ્યો હતો. આ તકે તેમણે જણાવ્યું હતુ કે, હું દરેક ચૂંટણીઓમાં મતદાન અવશ્ય કરૂં છું, ફરજમાં હોવા છતાં પણ પોસ્ટલ બેલેટથી મત આપી મતદાન કરવાનું ચુકતો નથી. અને તેથી જ લોકોને કહું છું કે, આપણે મતદાનના અધિકારનો અવશ્ય ઉપયોગ કરવો જોઇએ.

લોકશાહીના આ પર્વમાં સહભાગી બનવા જિલ્લાના પોલીસ, હોમગાર્ડ અને એસ.ટી. વિભાગના અધિકારી- કર્મચારીઓએ મળી પોસ્ટલ બેલેટથી ખુબ જ ઉત્સાહભેર મતદાન કરીને લોકોને વધુમાં વધુ મતદાન કરવાનો સંદેશો આપ્યો હતો.મતદાર વિભાગ નોંધનીય છે કે, આણંદ જિલ્લાના પોલીસ, હોમગાર્ડ અને એસ.ટી. વિભાગના 3015 અધિકારી-કર્મચારીઓ પૈકી 2377 અધિકારી-કર્મચારીઓએ પોસ્ટલ બેલેટ દ્વારા મતદાન કરી તેમની ફરજ અદા કરી હતી. સાતેય મતદાર વિભાગના અધિકારી-કર્મચારીઓએ પોસ્ટલ બેલેટથી કરેલ મતદાન પૈકી ખંભાત મતદાર વિભાગના 549 પૈકી 454, બોરસદ મતદાર વિભાગના 858 પૈકી 688, આંકલાવ મતદાર વિભાગના 228 પૈકી 194, ઉમરેઠ મતદાર વિભાગના 460 પૈકી 360, આંણંદ મતદાર વિભાગના 308 પૈકી 250, પેટલાદ મતદાર વિભાગના 159 પૈકી 126અને સોજીત્રા મતદાર વિભાગના 453 પૈકી 305 અધિકારી-કર્મચારીઓએ તેમના મતાધિકારનો ઉપયોગ કર્યો હતો.

Continue Reading
આણંદ2 days ago

ખંભાત બેઠક પર ભાજપ-કોંગ્રેસનો પ્રચાર, લગાવી રહ્યા છે એડીચોંટીનું જોર

આણંદ2 days ago

આણંદમાં ચૂંટણી નિરિક્ષકોએ મતગણતરી કેન્દ્રોની મુલાકાત લીધી

આણંદ2 days ago

આણંદ જિલ્લામાં અધિકારીઓએ ઉત્સાહપૂર્વક પોસ્ટલ બેલેટથી મતદાન કર્યુ

નર્મદા2 days ago

રાજપીપળામાં ચૂંટણીને લઈ અધિકારીઓએ આંતરરાજ્ય ચેક પોસ્ટની વિઝીટ કરી સમીક્ષા કરી

નર્મદા2 days ago

ભાજપમાંથી છેડો ફાડી નાંદોદ બેઠક ઉપર અપક્ષ ઉમેદવારી કરનાર હર્ષદ વસાવાની જંગી સભા

નર્મદા2 days ago

ડેડીયાપાડામાં રવિન્દ્ર જાડેજાનો રોડ શો, ભાજપના ઉમેદવાર માટે કર્યો પ્રચાર

પંચમહાલ2 days ago

પંચમહાલ જિલ્લામાં યુથ આઈકોન તરીકે RJ નયનની નિમણૂક કરાઈ

પંચમહાલ2 days ago

ફતેસિંહ ચૌહાણ પ્રચાર દરમિયાન ભજન કાર્યક્રમમાં તાલબદ્ધ રીતે ઢોલ વગાડતા નજરે પડ્યા

ગુજરાત4 weeks ago

પ્રતિક ગાંધી અને દીક્ષા જોશી પર ફિલ્માવાયેલ રોમેન્ટિક ટ્રેક ‘ચોરી લઉ’ થકી પ્રેક્ષકોને આકર્ષિત કર્યા બાદ, ‘વ્હાલમ જાઓ ને’નું આગામી ગીત – ‘મુરતીયો મૂડમાં નથી’ હવે રીલિઝ થઇ ચૂક્યુ છે.

Indian tech CEO offers jobs to thousands of employees fired by Twitter, Meta, Spotify! Said: 'Come back home'
ઇન્ડિયા3 weeks ago

ભારતીય ટેક સીઇઓ ટ્વિટર, મેટા, સ્પોટાઇફ દ્વારા કાઢી મૂકવામાં આવેલા હજારો કર્મચારીઓને નોકરીની ઓફર કરી! કહ્યું: ‘ઘરે પાછા આવો’

વર્લ્ડ3 weeks ago

Global Carbon Budget 2022: વિશ્વનો વિનાશ ફક્ત 9 વર્ષ દૂર છે! વૈજ્ઞાનિકોના રિપોર્ટ અનુસાર

ગુજરાત4 weeks ago

ક્રેડિટ કાર્ડ પર આધારિત કોમેડી ફિલ્મ ‘ભગવાન બચાવે’નું ફર્સ્ટ લૂક પોસ્ટર રીલિઝ કરાયું

આણંદ2 weeks ago

આણંદ: નિરંજન પટેલને ટિકિટ ન મળતા કૉંગ્રેસ છોડી

નર્મદા2 weeks ago

નાંદોદ અને ડેડિયાપાડામાં AAPના 3000થી વધુ કાર્યકર્તા ભાજપમાં જોડાયા

આણંદ2 weeks ago

આણંદમાં ત્રણ બેઠક પર ઉમેદવાર રિપિટ, ત્રણ નવા ચહેરાને તક અપાઇ

Gujarat Assembly Elections 20224 weeks ago

Gujrat Election 2022: ગુજરાત વિધાનસભાની ચૂંટણી જાહેર, આ મતદાતા ઘરેથી કરી શકશે વોટિંગ

Trending