રાજ્યમાં દશેરાની સવાર દુ:ખદ સમાચાર સામે લઈને આવ્યા છે. સવારે રાજ્યના બે મોટા અકસ્માતમાં કુલ પાંચ જીંદગીઓનો દિપ બુજાયો છે. ભરુચ અને દાહોદ જિલ્લામાં અકસ્માતની ઘટના સામે આવી હતી. જેમાં 3 બાળક સહિત 5 લોકોના મોત નિપજ્યા છે.
મળતી માહિતી મુજબ, દહેજ રોડ ઉપર દશાન નજીક આજે સવારે એક ગમખ્વાર અકસ્માત નીપજ્યો હતો. આ અકસ્માતમાં એક ટ્રકની ટક્કર બાદ ટેમ્પો પલટી જતા ટેમ્પોમાં સવાર 2 લોકોનાં મોત નિપજ્યા હતી. જ્યારે આ ગમ્ખાવર અકસ્માતમાં 3 લોકોને ઇજાઓ પહોંચતા હોસ્પિટલ ખસેડાયા હતા.
અંકલેશ્વરના વેપારી દહેજની રવિવારીમાં વેપાર કરવા જઈ રહ્યા હતા તે દરમિયાન કાળ બની આવેલા ટ્રકની ટક્કરે બે કમનસીબોનું પ્રાણનું પંખેરૂં ઉડી ગયું હતું. જ્યારે દાહોદમાં નાનીડોકી ખાતે રીક્ષા પાણીમાં ખાબકી હતી. તળાવના કોતરમાં રીક્ષા ગરકાવ થતા 3 બાળકોનાં મોત નીપજ્યા હતા. રીક્ષામાં સવાર 3 મહિલાનો આ અકસ્માતમાં બચાવ થયો હતો. હોસ્પિટલથી પ્રસુતિ બાદ ઘરે લઈ જતા રસ્તામાં બની હતી ઘટના. ફાયર ફાઈટરની ટીમે મૃતદેહોને બહાર કાઢ્યા હતા.
