ભારતમાં ગઈ કાલ કરતા આજે કોરોના કેસોમાં થયો વધારો થયો છે. ભારતમાં કોરોનાએ છેલ્લા કેટલાક દિવસથી માથું ઉચક્યું હોય તેમ લાગી રહ્યું છે. કેમ કે, દેશમાં 24 કલાકમાં 4528 કોરોના કેસો નોંધાયા છે. કોરોનાનો આ આંક ગઈ કાલે 4270 નોંધાયો હતો. સામાન્ય કેસો ગઈ કાલ કરતાંવધ્યા છે. સતત, અગાઉની સરખામણીએ કસો વધી રહ્યા છે. ખાસ કરીને મુંબઈમાં સૌથી વધુ કેસો નોંધાઈ રહ્યા છે. એક જ દિવસમાં ગઈ કાલે 889 કેસો નોંધાયા હતા. જેમાં બોલિવૂડમાં શાહરૂખ ખાન , કૈટરીના કૈફ પણ કોરોના પોઝિટિવ આવ્યા છે અગાઉ કરણજોહરની પાર્ટીમાં ગયેલા 50 જેટલા કોરોના પોઝિટીવ આવ્યા હોવાની શંકા વ્યક્ત કરવામાં આવી છે. ત્યારે કેસમાં વધારો થઈ રહ્યો છે.

દેશમાં ખાસ કરીને મુંબઈ, દિલ્હી એ કોરોનાનું કેન્દ્ર એક સમયે હતા ત્યારે મુંબઈમાં માસ્ક પહેરવું ફરજીયાત કરી દેવામાં આવ્યું છે. ત્યારે દેશમાં કોરોનાના કારણે 09 લોકોના મૃત્યુ પણ થયા છે. આજ સ્થિતિ રહી તો આગામી સમયમાં કેસો વધી શકે છે.દિવસમાં અત્યારે દેશમાં 4 લાખથી વધુ ટેસ્ટીંગ કોરોનાનું કરાઈ રહ્યું છે. કોરોના ટેસ્ટિંગ પણ સંક્રમણને રોકવા માટે કરવામાં આવી રહ્યું છે. રીકવરી રેટ પણ કોરોનાનો વધી રહ્યો છે. અત્યાર સુધી દેશમાં 194 કરોડથી વધુને વેક્સિનના ડોઝ લોકોને અપાઈ છે. એક્ટિવ કેસ દેશમાં અત્યારે 24,000 ને પાર પહોંચ્યા છે. અત્યાર સુધી 4.30 કરોડથી વધુ કોરોના

સુશાંત સિંહ રાજપૂતના મોતના મામલામાં ડ્રગ્સ એન્ગલની તપાસ કરનારી નારકોટિક્સ કન્ટ્રોલ બ્યૂરો (NCB)એ શુક્રવારે મુંબઈની NDPS કોર્ટમાં ચાર્જશીટ ફાઇલ કરી છે. 30 હજાર પાનાની ચાર્જશીટમાં દીપિકા પાદુકોણ, સારા અલી ખાન અને શ્રદ્ધા કપૂરના નિવેદન પણ જોડવામાં આવ્યા છે.

પાંચ આરોપી ફરાર ગણાવવામાં આવ્યા છે, જ્યારે રિયા ચક્રવર્તી અને તેના ભાઈ શોવિક ચક્રવર્તી મુખ્ય આરોપી છે. એનસીબી મુંબઇ યુનિટ બોલિવૂડ ડ્રગ્સ કનેક્શન કેસમાં આજે પહેલી વાર ચાર્જશીટ કોર્ટમાં રજૂ કરી છે.

સુશાંત સિંહ કેસની તપાસ દરમિયાન ઇડીને ડ્રગ્સ સાથે જોડાયેલી ચેટ મળી હતી. જે બાદ ઇડીએ તે ચેટ એનસીબીને સોંપી હતી. જે બાદ કેસમાં એનસીબીની એન્ટ્રી થઇ અને તપાસનો ધમધમાટ શરૂ થયો હતો.

એનસીબીની ચાર્જશીટમાં રિયા ચક્રવર્તી સહિત કુલ ૩૩ લોકોના નામ આરોપી તરીકે છે. આમાં રિયા, શોવિક, દીપેશ સાવંત, સેમુઅલ મિરાંડા અને ક્ષિતિજ પ્રસાદના નામ છે. ઉપરાંત પકડાયેલા ડ્રગ્સ પેડલર સહિત રિયાની નજીકના અને કેટલાક ડ્રગ્સ પેડલર સપ્લાયરના નામ પણ ચાર્જશીટમાં સામેલ કરાયા છે.

સુપ્રીમ કોર્ટે ગુરુવારે ઓવર ધી ટોપ અર્થાત OTT પ્લેટફોર્મ પર રજૂ કરાતા કન્ટેન્ટનું સ્ક્રીનિંગ જરૂરી હોવાનું ગણાવતા કહ્યું કે, અમુક પ્લેટફોર્મ ઉપર પોર્ન પણ દર્શાવવામાં આવી રહ્યું છે. સુપ્રીમ કોર્ટે જણાવ્યું કે આ પ્રકારના કાર્યક્રમોની દેખરેખ માટે વ્યવસ્થાની જરૂર છે.

સુપ્રીમ કોર્ટે કેન્દ્ર સરકારને સોશિયલ મીડિયા પ્લેટફોર્મ્સના નિયમન માટે તૈયાર ગાઈડલાઈન રજૂ કરવા જણાવ્યું છે. વેબસીરિઝ તાંડવ વિરુદ્ધ ચાલી રહેલા કેસમાં અલ્હાબાદ હાઈકોર્ટના ચુકાદા વિરુદ્ધ એમેઝોનના ઈન્ડિયા હેડ અપર્ણા પુરોહિત દ્વારા દાખલ કરાયેલી અરજી પર સુનાવણી દરમિયાન જસ્ટિસ અશોક ભૂષણે જણાવ્યું કે, ઈન્ટરનેટ અને ઓટીટી પર મૂવી જોવું હવે સામાન્ય થઈ ગયું છે.

આવા પ્લેટફોર્મ પર પોર્ન પણ દર્શાવવામાં આવે છે. બેન્ચે સોલિસિટર જનરલ તુષાર મહેતાને તાજેતરમાં સોશિયલ મીડિયા માટે તૈયાર ગાઈડલાઈન રજૂ કરવા જણાવ્યું હતું. સુનાવણી દરમિયાન સુપ્રીમ કોર્ટમાં પુરોહિત વતી હાજર રહેલા વરિષ્ઠ વકીલ મુકુલ રોહતગીએ જણાવ્યું કે તેમના અસીલ વિરુદ્ધ લગભગ 10 કેસ દાખલ કરવામાં આવ્યા છે, જ્યારે તેઓ એક કર્મચારી છે અને તેઓ પ્રોડ્યુસર નથી જે ઓટીટી પ્લેટફોર્મ્સ પર વેબ સીરિઝનું સ્ટ્રીમિંગ કરે છે.