ડભોઇ લિંગસ્થડી નજીકથી હાઈવા ટ્રકમાં ભરેલી રેતીની આડમાં દારૂનો મોટો જથ્થો લઈ જવાતો હોવાની પાક્કી બાતમી ડભોઇ પોલીસને મળતા સ્થળ ઉપર જઇ હાઈવા ટ્રકની તપાસ કરતાં હાઈવા ટ્રકની પાછળની ટ્રૉલીમાથી ઉપર રેતી અને ટ્રૉલીની નીચે એક અલગ ખાણું બનાવી દારૂનો મોટો જથ્થો હેરાફેરી કરતાં બે યુવકોને ડભોઇ પોલીસે ઝડપી પાડી દારૂ રૂ.7,43,580 અને હાઈવા ટ્રક 8,50,000 અને બે મોબાઈલ રૂ.6000 બધા મળી રૂ.15,99,580નો મુદામાલ કબ્જે કરી કાનૂની કાર્યવાહી હાથ ધરી છે. મળતી વિગત અનુસાર ડભોઇ પંથકમાં હાલ જ સ્થાનીક સ્વરાજની ચૂંટણીઓ પતી છે.
કેટલાક બુટલેગરો દારૂની હેરાફેરીના બાદશાહ હોય અને પોતાનો દારૂનો જથ્થો કોઈ ઝડપીના શકે તે માટે અવ નવા કીમિયાઓ અપનાવી દારૂની હેરાફેરી કરતાં હોય છે. અગાઉ ડભોઇમાં પાણીની ટેન્કર, કારની હેડલાઇટ, બોનેટ, સીટ નીચે જુદા જુદા ખાના બનાવી દારૂની હેરાફીરી કરતાં કિશાઓને પોલીસે ઝડપી પાડ્યા હતા. ડભોઇ પોલીસ પી.આઈ જે.એમ વાઘેલાને આજે પાકી બાતમી મળી હતી કે લીગસ્થળી ચોકડી નજીક આવેલ પેટ્રોલ પંપ સામે એક સફેદ કલરની ટાટા હાઈવા નંબર જી.જે.16- એક્ષ – 8301માં દારૂ નો જથ્થો ભરી અહી ઊભેલી છે