વિશ્વભરમાં કેન્સરના વધતા જતા કેસોમાં કેન્સર સંબંધિત તમામ મૃત્યુના 30 ટકા અને ફેફસાના કેન્સરથી થતા મૃત્યુમાં 80 ટકા હિસ્સો ધૂમ્રપાનનો છે. તે મનુષ્યોમાં 12 થી વધુ પ્રકારના કેન્સરનું જોખમ પણ વધારે છે. શરીર પર તેની ઘણી હાનિકારક અસરો હોવા છતાં ધૂમ્રપાન ખૂબ જ પ્રચલિત છે. જેના કારણે વિશ્વ આરોગ્ય સંસ્થા દર વર્ષે 31 મેના રોજ તમાકુ વિરોધી દિવસ ઉજવે છે, જેને વિશ્વ તમાકુ વિરોધી દિવસ તરીકે પણ ઓળખવામાં આવે છે.
વર્લ્ડ નો ટોબેકો ડે પર અમે તમને સિગારેટ વેચતી કંપનીઓ વિશે જણાવવા જઈ રહ્યા છીએ. સિગારેટથી લોકોને ચોક્કસ નુકસાન થાય છે, પરંતુ તેમ છતાં આ કંપનીઓનો નફો કરોડોમાં છે. આવો જાણીએ આ કંપનીઓ વિશે…
ભારતમાં ITC કંપનીનો બિઝનેસ નોંધપાત્ર છે. વિવિધ ક્ષેત્રોમાં ફેલાયેલો ITCનો વ્યવસાય તમાકુ ક્ષેત્રમાં પણ વ્યાપકપણે ફેલાયેલો છે અને આ ક્ષેત્રમાં ITCનું વર્ચસ્વ ગણાય છે. ITC દર વર્ષે તમાકુ વેચીને કરોડો રૂપિયાની કમાણી કરે છે. હાલમાં કંપનીનું માર્કેટ કેપ 482097 કરોડ રૂપિયા છે. તમને જણાવી દઈએ કે 1910માં શરૂ થયેલી આ કંપનીનું પહેલું નામ ઈમ્પિરિયલ ટેબેકો હતું. જે બાદ 1970માં તેનું નામ ઈન્ડિયા ટોબેકો રાખવામાં આવ્યું. ત્યારબાદ 1974માં તેનું નામ બદલીને ITC રાખવામાં આવ્યું.
ગોડફ્રે ફિલિપ્સ નામના વિદેશીએ 1944માં લંડનમાં આ કંપની શરૂ કરી હતી. ભારતીય ઉદ્યોગપતિઓએ તેને ખરીદ્યું. કંપની દર વર્ષે કરોડોમાં નફો પણ કમાય છે.
વર્ષ 1930 VST ઈન્ડસ્ટ્રીઝની શરૂઆત થઈ હતી. કંપનીની શરૂઆત વઝીર સુલતાન દ્વારા કરવામાં આવી હતી. વઝીર સુલતાન ટોબેકો કંપની લિમિટેડ નામ પણ વઝીરના નામ પરથી રાખવામાં આવ્યું હતું. કંપની હૈદરાબાદથી કામ કરે છે.
કંપનીની શરૂઆત વર્ષ 1931માં થઈ હતી. તેનું મુખ્ય મથક કોલકાતામાં છે. આ કંપનીનું કુલ માર્કેટ 92 કરોડ રૂપિયા છે.
દાલમિયા ગ્રુપ ગોલ્ડન ટોબેકો નામથી સિગારેટ વેચે છે. આ કંપની સિગાર પણ બનાવે છે.
