પંચમહાલ

પુલની તકનીકી અને ગુણવત્તા સામે સવાલો

Published

4 years ago

14/08/2019

કાલોલ તાલુકામાંથી પસાર થતી ગોમા નદીના પુલની બન્ને સાઈડો તાજેતરમાં પડેલા ભારે વરસાદને કારણે બેસી જતા નુકસાન થયુ છે. 5.5 કરોડના ખર્ચે તૈયાર કરવામાં આવેલા પુલ ખખડધજ હાલતમાં જોવા મળી રહ્યો છે. જેને લઈ પુલની તકનીકી અને ગુણવત્તા સામે સવાલો ઉભા થયા છે. મળતી માહિતી મુજબ, કાલોલ તાલુકાના બોરૂથી બાકરોલ વચ્ચે આશરે ₹ ૫.૫ કરોડના ખર્ચે નવીન બનાવવામાં આવેલા ગોમા નદીના પુલની બંને બાજુની સાઈડો ભારે વરસાદને કારણે બેસી જતાં પુલની તકનીકી અને ગુણવત્તાની ક્ષમતા સામે સવાલો ઉભા થયા છે . કાલોલ તાલુકાના બોરૂથી બાકરોલ વચ્ચે ગોમા નદી પસાર થાય છે આને લીધે બોરૂ થી કાલોલ તરફ અને બાકરોલથી ધંતેજ સાવલી તરફના વાહન ચાલકોને પાંચથી દસ કિલોમીટર લાંબુ અંતર કાપવું પડતું હોય છે. આ લાંબુ અંતર કાપવું ના પડે તે માટે ગોમા નદી ઉપર પુલ બનાવવામાં આવ્યો હતો. પરંતુ આ પુલ તૈયાર થઈ જવા છતાં ગમે તે કારણોસર હજી સુધી લોકાર્પણ કરવામાં આવ્યું નથી. આ પુલ તૈયાર થઈ ગયો હોવા છતાં લોકાર્પણ ન કરવામાં આવતા આ પુલ પરથી સામાન્ય અવર જવર ચાલુ થઈ જવા પામી હતી. જેની તંત્રએ પણ પરવા કરી ન હતી.આ નવીન પુલ આ વર્ષના પહેલા જ ચોમાસે આ પાછલા દસ દિવસ સુધી થયેલા ભારે વરસાદને કારણે પુલના મધ્ય ભાગને છોડીને પુલની આજુબાજુના બંને છેડા પરની સંરક્ષણ દિવાલ સહિત માટીનું ધોવાણ થઈ ગયું અને બંને છેડાઓના પુરક માર્ગો પર તિરાડો પડી જતાં આ પુલ ક્ષતિગ્રસ્ત બની ગયો હતો. જેને લઈ તંત્ર અને ઈજારદાર વચ્ચેની મીલીભગતની પોલ ખુલી પાડી દીધી હોવાની લોકચર્ચાઓ જોર પકડયું છે. આ પૂલ અને એપ્રોચ રોડની કામગીરીમાં હલકી ગુણવત્તા અને ભ્રષ્ટાચારને પગલે આગામી ભારે વરસાદમાં વધારે પોલ ખુલવાની શકયતાઓની ચર્ચાઓએ પણ વેગ પકડાયો છે.

પંચમહાલ

પંચમહાલની 5 પૈકી ત્રણમાં ભાજપની જીત, બે બેઠક પર ભાજના ઉમેદવાર જીત તરફ

Published

4 months ago

08/12/2022

admin

ગુજરાત વિધાનસભાની 182 બેઠક પર આજે મતગણતરી યોજાશે. જેમાં પંચમહાલની પાંચ બેઠકોની મતગણતરી પંચમહાલ શહેરમાં યોજાશે. 5 ડીસેમ્બરે યોજાયેલી પંચમહાલ જિલ્લાની શહેરા, મોરવા હડફ (ST), ગોધરા, કાલોલ અને હાલોલ બેઠક પર 38 ઉમેદવારોનું ભાવિ EVMમાં કેદ થઈ ચૂક્યું છે. જે તમામના ભાવિનો આજે ફેંસલો થશે. સવારે 8 વાગ્યેથી મતગણતરી શરૂ થઈ ગઈ છે. બપોર સુધીમાં તમામ બેઠકો પર હારજીતનું ચિત્ર સ્પષ્ટ થઈ જશે.

મતગણતરી અપડેટ

કાલોલમાં ભાજપના ઉમેદવાર જીત તરફ
હાલોલાના ભાજપના ઉમેદવાર જીત તરફ
પંચમહાલની 5 પૈકી ત્રણમાં ભાજપની જીત, બે બેઠક પર ભાજના ઉમેદવાર જીત તરફ
શહેરામાં ભાજપના ઉમેદવાર જેઠા ભરવાડની જીત
મોરવા હડફ બેઠક પર ભાજપના ઉમેદવાર 40 હજારની લીડથી જીત્યા
35 હજારની લીડથી ગોધરા બેઠકના ભાજપના ઉમેદવાર સી.કે.રાઉલજી વિજેતા
મોરવા હડફ બેઠક પર ભાજપના ઉમેદવાર ફરી એકવાર જીત તરફ

જિલ્લામાં સરેરાશ 68 ટકા મતદાન થયું હતું

પંચમહાલ જિલ્લામાં કુલ 13 લાખ 41 મતદાર નોંધાયેલા છે. જેમાંથી 2022ના ચૂંટણી જંગમાં 8 લાખ 89 હજાર 800 મતદારોએ પોતાના મતાધિકારનો ઉપયોગ કર્યો હતો. જિલ્લાની પાંચ બેઠકો પર સરેરાશ 68.44 ટકા મતદાન નોંધાયું હતું. 2017માં આ ટકાવારી 70.96 ટકા હતી. જેની સરખામણીએ આ વખતે 2.52 ટકા મતદાનમાં ઘટાડો થયો છે. બેઠક વાઈઝ થયેલા 2017 અને 2022ના મતદાનના આંકડા નીચે મુજબ છે.

પંચમહાલ

મોરવા હડફમાં મંત્રી નિમિષાબેન સુથાર આગળ

Published

4 months ago

08/12/2022

admin

ગુજરાત વિધાનસભાની 182 બેઠક પર આજે મતગણતરી યોજાઈ રહી છે. 5 ડીસેમ્બરે યોજાયેલી પંચમહાલ જિલ્લાની શહેરા, મોરવા હડફ (ST), ગોધરા, કાલોલ અને હાલોલ બેઠક પર 38 ઉમેદવારોનું ભાવિ EVMમાં કેદ થઈ ચૂક્યું છે. જે તમામના ભાવિનો આજે ફેંસલો થશે. સવારે 8 વાગ્યેથી મતગણતરી શરૂ થઈ ગઈ છે. બપોર સુધીમાં તમામ બેઠકો પર હારજીતનું ચિત્ર સ્પષ્ટ થઈ જશે.

મતગણતરી અપડેટ

કાલોલ બેઠક પર ચોથા રાઉન્ડના અંતે ઉમેદવાર ફતેસિંહ ચૌહાણ 19 હજાર મતથી આગળ
આઠ રાઉન્ડના અંતે ગોધરા બેઠક પર ભાજપના ઉમેદવાર સી.કે રાઉલજી આગળ
હાલોલ બેઠક પર ભાજપ આગળ
મોરવા હડફમાં ભાજપ આગળ
કાલોલમાં ભાજપ આગળ
શહેરામાં ભાજપ આગળ
ગોધરામાં ભાજપ આગળ
ગોધરા બેઠક ઉપર ભાજપના સી કે રાઉલજી ત્રીજા રાઉન્ડમાં આગળ
હાલોલ બેઠક ઉપર ભાજપના ઉમેદવાર જયદ્રસિંહ પરમાર આગળ
મોરવા હડફ બેઠક ઉપર ભાજપના ઉમેદવાર નિમિષા બેન સુથાર આગળ
શહેરા બેઠક ઉપર ભાજપના ઉમેદવાર જેઠા ભરવાડ આગળ
ગોધરા બેઠક ઉપર ભાજપના ઉમેદવાર સી કે રાઉલજી આગળ

મધ્ય ગુજરાતની 61 બેઠક પર ઈવીએમથી મતગણરી શરૂ થઈ ગઈ છે. 56 બેઠક પર ભાજપ આગળ છે. 3 બેઠક પર કોંગ્રેસ આગળ છે. અને 2 બેઠક પર અન્ય આગળ છે. જેમાં મોરવા હડફમાં મંત્રી નિમિષાબેન સુથાર આગળ ચાલી રહ્યા છે. તો ઘાટલોડિયા બેઠક પર CM ભૂપેન્દ્ર પટેલ આગળ છે. કાલોલ બેઠક પર કોંગ્રેસના પ્રભાતસિંહ ચૌહાણ પાછળ છે અને આંકલાવ બેઠક પર કોંગ્રેસના અમિત ચાવડા પણ પાછળ છે. વાઘોડિયામાં અપક્ષ ઉમેદવાર અને દબંગ નેતા મધુ શ્રીવાસ્તવ પાછળ છે. અમદાવાદની 20 બેઠક પર ભાજપ અને 1 બેઠક પર કોંગ્રેસ આગળ છે. વડોદરાની 8 બેઠક પર ભાજપ આગળ, 1 બેઠક પર કોંગ્રેસ અને 1 બેઠક પર અપક્ષ આગળ છે.

5 ડિસેમ્બરે અમદાવાદ, વડોદરા, આણંદ, ખેડા, મહીસાગર, પંચમહાલ, દાહોદ અને છોટાઉદેપુર જિલ્લામાં 64.82 ટકા મતદાન થયું હતું. આ પહેલા 2017ની ચૂંટણીમાં 69.69 ટકા મતદાન થયું હતું. આમ 2017ની ચૂંટણીની સરખામણીમાં મધ્ય ગુજરાતમાં 4.87 ટકા જેટલુ મતદાન ઘટ્યું છે. મધ્ય ગુજરાતમાં વિરમગામ બેઠક પર ભાજપના ઉમેદવાર હાર્દિક પટેલ, ઘાટલોડિયા બેઠક પર રાજ્યના મુખ્યમંત્રી ભૂપેન્દ્ર પટેલ, કાલોલ બેઠક પર કોંગ્રેસના ઉમેદવાર પ્રભાતસિંહ ચૌહાણ અને વાઘોડિયા બેઠક પર અપક્ષ ઉમેદવાર મધુ શ્રીવાસ્તવના પરિણામો પર સૌ કોઈની નજર છે. આ ઉપરાંત પંચમહાલની મોરવાહડફ બેઠક પર મંત્રી નિમિષાબેન સુથારના ભાવિનો પણ ફેંસલો થશે. આજે મધ્ય ગુજરાતના તમામ 61 બેઠકના ભાજપ, કોંગ્રેસ, આપ અને અપક્ષોના ઉમેદવારોના ભાવિ EVMમાંથી ખુલશે.

પંચમહાલ

પંચમહાલ જિલ્લાની 4 બેઠક પર ભાજપ આગળ

Published

4 months ago

08/12/2022

admin

મતગણતરી અપડેટ

હાલોલ બેઠક ઉપર ભાજપના ઉમેદવાર જયદ્રસિંહ પરમાર આગળ
મોરવા હડફ બેઠક ઉપર ભાજપના ઉમેદવાર નિમિષા બેન સુથાર આગળ
શહેરા બેઠક ઉપર ભાજપના ઉમેદવાર જેઠા ભરવાડ આગળ
ગોધરા બેઠક ઉપર ભાજપના ઉમેદવાર સી કે રાઉલજી આગળ

કઈ બેઠક પર કેટલા રાઉન્ડમાં મતગણતરી થશે?

શહેરા બેઠકની મતગણતરી 14 ટેબલ પર 21 રાઉન્ડમાં થશે. જ્યારે મોરવા હડફ (ST) બેઠકની મતગણતરી 14 ટેબલ પર 19 રાઉન્ડમાં, ગોધરા બેઠકની 14 ટેબલ પર 22 રાઉન્ડમાં, કાલોલ બેઠકની 14 ટેબલ પર 23 રાઉન્ડમાં, હાલોલની 14 ટેબલ પર 25 રાઉન્ડમાં મતગણતરી હાથ ધરાશે. જિલ્લાની 5 બેઠકોની મતગણતરી કુલ 70 ટેબલ પર હાથ ધરાશે.