માણસ તેની જિંદગીમાં ઘણીવાર ખરાબ નજરનો ભોગ તો બન્યો હોય છે. અથવા તો ક્યારેક ખરાબ નજર લાગી એવુ તો સાંભળ્યુ જ હશે. કોઈને તબિયત, ધંધા, કરીયર અને પૈસામાં ખાબ નજર લાગી જાય છે. સાથે જ હસતા-રમતા સંબંધોને અને લગ્ન જીવનને પણ કોઈની નજર લાગી જતી હોય છે. જેના કારણે લગ્નજીવન ઘણી વખત બરબાદ પણ થઈ જતુ હોય છે. ત્યારે આવુ જ કંઈક પંચમહાલના શહેરામાં સામે આવ્યુ છે. જ્યાં એક મહિલાએ પરણિત પુરુષ સાથે આડા સંબંધ બાંધતા મહિલાએ મેથીપાક ચાખવો પડ્યો હતો. મળતી માહિતી મુજબ, પંચમહાલ જિલ્લાના શહેરા બસ સ્ટેશનમાં જાહેરમાં મહિલાએ પોતાના પતિ સાથે પ્રેમ સંબંધ રાખવા મામલે એક મહિલાને ઢોર માર માર્યો હતો. બસ સ્ટેશનમાં બેઠેલી મહિલા પર અચાનક એક મહિલા આવીને તૂટી પડી હતી અને મારા પતિ સાથે આડા સંબંધ રાખુ છું તેમ કહી ઝઘડો કરીને બરાબરનો મેથીપાક ચખાડ્યો હતો. આ બનાવના પગલે બસ સ્ટેન્ડ પર રહેલ અન્ય મુસાફરો પણ એકઠા થઈ ગયા હતા અને મહિલાએ આખુ બસ સ્ટેન્ડ માથે લીધુ હોય તેવો માહોલ સર્જાયો હતો. આ સમગ્ર ઘટનાનો વીડિયો કોઈ મુસાફરે પોતાના કેમેરામાં કેદ કરી વાયરલ કરતા સમગ્ર ઘટના ટોક ઓફ ધ ટાઉન બની છે.
પંચમહાલના શહેરા બસ સ્ટેશનનો બનાવ, પતિ સાથે આડા સંબંધ મામલે મહિલાએ ચખાડ્યો મેથીપાક
